फिलिप्‍पी 1:8 - थुलुङ राई

⁸ ख्रीष्‍ट येशूकु रिखामका गो गानीलाई हाङको मिम्‍निनी मेराम माम्‍चु़नीका चमी।

फिलिप्‍पी 1:8 Iomraidhean Croise

लूका 1:78

हेङालोने माम्‍चु़नीकु छो़म न-थो़मका पाह्रीलामका नेप्‍सुङकु ओल होप्‍माम ख्रीष्‍ट इकीमाडा योमी,

रोमी 1:9

उनीमा तारापाचो़काम जो़पा-सेला थो़बेन्‍मुडा छो़म न सोक्‍साका उनीमा खारी बेउ। गो गानीलाई प्‍ल्‍वान्‍निनिम मिबु लावो इनीमा लागि गो हेल्‍लो लोवो सो़म्‍दी बेउहोम बुङु। माम्‍चु़नी आमा दुथाम सो़पा बुमी।

रोमी 9:1

गो र्‍वामु खापुमिम ल्‍वा आच्‍छाङाकाम सो़। गो ख्रीष्‍टकु मु़चु़, मा गो लिमा मेथेट्‍पु। माम्‍चु़नी-पेल साखामगोडा बाट्‍पा नेप्‍चीका गो लिमा मेथेट्‍पु र्‍वाक्‍साका आमा दुथाम सो़यु़।

२ कोरिन्‍थी 13:9

गुकु हाम वो बोमु मेचापा बुकु, लावो गानी ने हाम लोवो बोमु चापा बुनिमिमका गुकु गेर्सी द्‌वाकु। गानी छो़म जो़पा दु़म्‍तो लक्‍नी र्‍वाक्‍साका गुकु सो़म्‍दी बोकु।

२ कोरिन्‍थी 6:12

गानीलाई गुकु रिखाम मेबोकुमिम मेएँ, लावो गानी डे गुकुलाई रिखाम बोमु डित्तो लक्‍निम बु।

२ कोरिन्‍थी 7:15

गानी ङिमका रुत्तो तीतसलाई रन्‍नी, मा गुका र्‍वाक्‍ताम होम्‍साका गानी खोत्‍लेका बोमु बिन्‍सिट्‌निम मिम्‍डु़मा गुका गानीलाई बेन्‍निम रिखाम आथावो हापा बर्तो लस्‍ताम बु।

गलाती 1:20

गो र्‍याक्‍तोम ल्‍वा आच्‍छाङा सो़, माम्‍चु़नीका ओराम ल्‍वा चमी। उनीमा ङादोडा गो लिमा मेथेट्‌पु।

गलाती 3:26

थो़रलामका गानी खोत्‍ले येशू ख्रीष्‍टडा माम्‍चु़नीकु चो़-चु़सु़ दु़म्‍निम बु,

गलाती 4:19

आमा द्‌वादीबुङ चो़च्‍चो़ नी, गानी येशू ख्रीष्‍ट होम्‍मामङा मेदु़म्‍निमिमसम्‍म चो़च्‍चो़ गमु थारीका मेसेमलाई हिम्‍बा खेडु़मिम होप्‍माम दु़खा आथावो गो इम्‍पुमिम बु।

फिलिप्‍पी 2:1

ख्रीष्‍ट नुङ कोले दु़म्निमका इनीमा सोहन्‍पा बु। उनीमा रिखामका न बन्‍सिक्‍पा बुनी, माम्‍चु़नी-पेलनुङ हेमकेमडा बुनी, द्‌वामसिमु नुङ नाम्नाम्चो़ लु़निमिमका,

फिलिप्‍पी 2:26

हेङालोने गुका गानी खोत्‍लेनुङ छो़म घ्रो़म्‍मु न बु़मिम बु, मा गु नो़पा बाइडा र्‍वाक्‍पा गानी थो़न्‍निमका छो़म मिम्‍ताम-सो़र्ताम बु़डु़म बु।

फिलिप्‍पी 4:1

मेम्‍मिमका वा-ल्‍वाकनी, ङाचो़डा थो़र बेनिम बानी। द्‌वादीबुङ ङोप्‍सो़नी, गो गानीलाई रिखाम बोनिनी मा क्रो़म्‍मु न बु। गानी ने आमा भ्रसी नुङ आमा मुकुट सो़।

कलस्‍सी 2:1

इनीमा नुङ लाउडिकिया शहरडा बाट्‌पा मण्‍डलीकाम नुङ गोलाई मेक्रो़म्‍ङिमिवाम थो़र लु़पा मु़चु़मिमकाम लागि गो हाङको छो़म ब्राम्‍दु़ल्‍वा बेउमिम बु मेराम गानीलाई थेसिथेबेन्‍मु आमा न बु।

कलस्‍सी 3:12

माम्‍चु़नीका गानीलाई उनीमा मु़चु़ दु़म्‍मु छेट्‌निमी, उनीमा नङका साट्‌निमी, मा रिखाम बेन्‍निमी। मेम्‍मिमका नाम्‍नाम्चो़ लु़पा, न-थो़मनुङमा, याक्‍के दु़म्‍पा, मेक्रोक्‍पा दु़म्‍पा मा इम्‍सिक्‍पा दु़म्‍नी।

१ थेसलोनिकी 2:5

ओराम ने गानी वो जो़होमका चनी, गुकु हेल्‍लो वो गानीनुङ लोमालेपा ल्‍वा मेबेकुवा, गानीलाम खउलुङ ल्‍वामु लागि गुकु हेल्‍लो वो इनीमा ङोप्‍सो़ मेलिसिट्‌कुवा। आकीमा दुथाम खोत्‍ले ल्‍वापा माम्‍चु़नी बुमी।

१ थेसलोनिकी 2:8

गानीलाई गुकु छो़म रिखाम बेत्तोकोमका माम्‍चु़नीकु जो़पा-सेला गानीनुङ सो़मु कोङङा मेएँ, लावो इनीमा लागि आकीमा साम फ्‍यामु वो गेर्सिद्‌वाक्‍पा बात्तोको। हेङालोने गानी छो़म आकी द्‌वादीबुङ दु़म्‍निम बाइडा।

२ तिमोथी 1:4

गाना ख्राम्‍नामिम नेम्‍फु सिन्‍था गो मिम्‍पु, मा गानालाई छो़म क्रो़म्‍मु आमा न बु। गो गानालाई क्रो़म्‍नी माला छो़म गेर्सी द्‌वामु।

फिलेमोन 1:12

गु छो़म आमा थो़मका रु़ट्‌पा मु़चु़ सो़, गुलाई इमाडाङा ख्‍लोक्‍तोङा लेट्‌पु।

फिलेमोन 1:20

आमा द्‌वादीबुङ ल्‍वाक, ङाचो़ येशूकाम लागि ओराम ख्‍लो़ङी। ख्रीष्‍टडा आमा न-गो भ्रसिबेडा।

१ यूहन्‍ना 3:17

कोङनिम मु़चु़नुङ सु़म्‍दिसेरडाम खाप्‍चीमिम बु मा थो़र लु़पा वा-ल्‍वाक खेरेला दु़म्‍पा ल्‍वासु़, मा वो मे वा-ल्‍वाकडला उ थो़म मेभ्रो़ माला माम्‍चु़नीकु रिखाम हेसाका गुगोडा दु़म मा?