फिलिप्‍पी 1:6 - थुलुङ राई

⁶ ओराम ल्‍वाडा गो छो़म थो़र बेउ, माम्‍चु़नीका गानीगोडा जो़पा खारी बोमु चो़म्‍मिडी, मा गुमीकाङा ख्रीष्‍ट येशू ख्‍लोम्‍सिमिमिम नेमसम्‍मका बोम्‍सोमी।

फिलिप्‍पी 1:6 Iomraidhean Croise

यूहन्‍ना 6:29

येशूका मेर्मिमलाई र्‍वाम्‍डी, “माम्‍चु़नीका न बोमिमिम गानी बोमु बासिक्‍पा खारी ओरामङा सो़: ‘उहेमलाई गुमीका थु़र्मीडिम बु मेरामडला थो़रबेनी’।”

थु़र्मा 11:18

मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

थु़र्मा 16:14

मेर्मिमगोडाम थिआटीरा शहरडा बाट्‌पा हापा थिकाम गेगेम चक्‍लेम रङ्‍गकु ये भ्रेट्‌पा, माम्‍चु़नीकु सो़रलोले बेपा लिडिया नङकाम कोले मेसेम बाइडा। मेरामका आकी सिजेम थो़स्‍तु़। पावलका जेस्‍ताम ल्‍वा जो़होमका थेसिथेट्‌नु़ र्‍वाक्‍साका माम्‍चु़नीका मेरामलाई थेसिथेट्‌पा न-गो ग्‍वाम्‍डी।

१ कोरिन्थी 1:8

हुक्‍पा थारी मेदु़म्‍थु़मसम्‍म गुमीका गानीलाई छो़म सोनुङमा दु़म्‍बेनी। मेम्‍मा इकीमा ङाचो़ येशू ख्रीष्‍ट आथावो योमिलो गानी हाम वो मेजो़पा मेबेपा डार्निमी।

२ कोरिन्‍थी 1:15

गुइ इकी त्‍वाप-त्‍वापडा आच्‍छाङा थेसीथेन्‍बिइ र्‍वाक्‍पा गो लु़ङ्‌डोमका गानी नक-खेप जि-वा ल्‍वानी र्‍वाक्‍साका आथावो इनीमाडा रोमु न बेउतोम बाइडा।

२ कोरिन्‍थी 2:3

गो रोङुलो आमा न भ्रसिबेन्‍मु बासिक्‍पा मु़चु़मिमका आमा न नो़मेबेन्‍मिनु़ र्‍वाक्‍साका ङादोम सेलाखाजेम गो र्‍याक्‍तोम सो़। आमा न भ्रसिलो इनीमा वो न भ्रसी र्‍वाक्‍पा गो थो़र लु़ङ्‌डोम बाइडा।

२ कोरिन्‍थी 7:16

आच्‍छाङा गानीडला थो़र लु़मु चापुमिमका गो गेर्सिद्‌वामु।

२ कोरिन्‍थी 9:4

माकेडोनियाडाम थो़रलु़पामिमनुङ गो मेसिन्‍डा रोङुलो गानी झो़म्‍सिट्‌निम मेबायावा माला गानीडला छो़म थो़रलु़त्तोकोमका आकी क्रो़म लु़ मा इनीमा वो क्रो़म लु़।

गलाती 5:10

गुइ खोत्‍ले ङाचो़नुङ दु़स्‍तिमका गानी कोर्थो़ न मेसोनी र्‍वाक्‍पा गो थो़रलु़ङडोम बु। गानीलाई ब्‍लो़प्‍जो़ल्‍साका कोर्थो़ लक्‍पा मु़चु़ सु़का लोवो देन्‍दे ल्‍वासु़।

एफिसी 4:12

माम्‍चु़नीकु न होम्‍साका खारी बोमु चाप्‍मिनु़ र्‍वाक्‍साका उनीमा त्‍वाकु मु़चु़मिमलाई झो़म्‍सिबेन्‍मु लागि आरेसाका बेम्‍डी, मा ओरामलामका ख्रीष्‍टकु मण्‍डली बर्तो ल।

फिलिप्‍पी 1:10

मेम्‍साका खोत्‍लेडाम जो़पा हाम बु मेराम थेसिथेन्‍मु चाप्‍नी, मा येशू ख्रीष्‍ट योमिमिम नेमसम्‍म गानी मेजो़पा खारी मेबेपा नुङ मुमा बेन्‍ला सो़सिक्‍पा मेदु़म्‍निनु़।

फिलिप्‍पी 1:29

गानी ख्रीष्‍टकाम लागि गुमीडला थो़र लु़मु कोङङा मेएँ, लावो उनीमा लागि दु़खा वो ल्‍वानी र्‍वाक्‍साका गुमीका ग्‍वाक्‍निम बु।

फिलिप्‍पी 2:12

मेम्‍मिमका आमा द्‌वादीबुङ वा-ल्‍वाकनी, माम्‍चु़नीका र्‍वाम्‍डिम होम्‍साका हेल्‍लो लोवो बोनिमिम होङङा गो गानीनुङ बाङडोलो कोङङा मेएँ, लावो गानीनुङ मेबुङुलो वो सेल्सिमु ल्वान्‍निम मु़चु़ दु़म्निमा माम्‍चु़नीडा ङिम जु़ल्साका गुमीका र्‍वाम्‍डिम होम्‍साका आथावो छो़म बेनी।

फिलिप्‍पी 2:13

हेङालोने गानी गुमीलाई गेर्सिबेट्‌पा खारी बोमु चापा नुङ बोमु माल्‍पा दु़म्‍बेन्‍मु लागि माम्‍चु़नीकाङा गानीगोडा खारी बेत्तोङा लेन्‍मी।

फिलिप्‍पी 2:16

त्‍वारो़म ग्‍वाक्‍पा सिजेम जेन्‍थाट्‌नी। मेम्‍मा गो ओन्‍ङोडोम नुङ ब्राम्‍दु़ल्‍वा बेउतोम मेडेङा मेदु़प्‍सावा र्‍वाक्‍साका ख्रीष्‍ट योमिलो आमा धक्‍ची ह्‍वाक्‍पु।

कलस्‍सी 2:12

गानी कु-रु़दु़म रन्‍निलो ख्रीष्‍टनुङङा क्‍लु़म्‍सिट्‌निम बाइडा। मेम्‍मा ख्रीष्‍टलाई सिमुलाम फक्‍पा माम्‍चु़नीकु यु़मडा गानी थो़र बेन्‍निमलामका गानी वो ख्रीष्‍टनुङङा बक्‍निम बु।

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

२ थेसलोनिकी 1:11

ओराम ल्‍वा नडा मिम्‍साका गुकु हेल्‍लो लोवो सो़म्‍दी बोकुमिम बुकु, माम्‍चु़नीका गानीलाई उनीमा किब्‍दीगोडा हुमु घ्रेट्‌पा दु़म्‍बेनिमिनु़। मेम्‍मा गानी इनीमा नका नुङ थो़रका बेन्‍निम खोत्‍ले खारीमिम उनीमा यु़मलामका दु़म्‍नु़।

२ थेसलोनिकी 3:4

गानीलाई गुकु बेबेत्तोकोम ल्‍वा गानी जो़होमका बेत्तोङा लेनी, मा आथावो जो़होमका बेत्तो लनी र्‍वाक्‍साका इनीमा दुथाम ङाचो़ येशूडा थो़र लु़त्तोकोम बु।

फिलेमोन 1:21

गो र्‍वाङ्‌डोमडाम वो हापा बोना र्‍वाक्‍साका थो़रलु़ङडोम बु। मेम्‍मिमका गानालाई गो ओराम सेलाखाजेम र्‍याक्‍तोङा लेट्‌पु।

हिब्रू 10:35

मेम्‍मिमका इनी रुखु फिन्‍मु मेडिट्‍नी, ओरामका हापा पुरस्‍कार ल्‍वाबेनी।

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

२ पत्रुस 3:10

लावो ङाचो़ योमिमिम मेरामनेम खुचु़वा होङङा मेमिम्‍मा नेम रो। पाह्री डोक्‍पु लो़लामका येमा दाम, मेगोडा बाट्‌पा खोत्‍ले मुका ख्‍यामी। सुबु नुङ सुबुडा बाट्पा खोत्‍ले पुयु़लुमी।