फिलिप्‍पी 1:30 - थुलुङ राई

³⁰ गोडला दु़स्‍ताम दु़खा गानी इनीमा मिक्‍सीका ल्‍वान्‍नी, मा ओम्‍लो वो गोडला दु़खा दु़म्‍तोङा लेडु़ र्‍वाक्‍पा थो़निम बुनी। मेराम दु़खालामङा गानी वो लक्‍तो बोनी।

फिलिप्‍पी 1:30 Iomraidhean Croise

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

फिलिप्‍पी 1:13

ओगानेमकु खोत्‍ले सिपाहीमिम नुङ खोत्‍ले मु़चु़मिमकाडा वो ख्रीष्‍टकाम लागि गोलाई चङडिमिम र्‍वाक्‍पा छ्‌याङलो-छ्‌याङलो दु़स्‍ताम बु।

कलस्‍सी 1:29

ख्रीष्‍टका गोगोडा ग्‍वाङ्‍डिमिम डोक्‍पु यु़मलामका गो ओरामकाम लागि छो़म ब्राम्‍दु़ल्‍वा बेउ।

कलस्‍सी 2:1

इनीमा नुङ लाउडिकिया शहरडा बाट्‌पा मण्‍डलीकाम नुङ गोलाई मेक्रो़म्‍ङिमिवाम थो़र लु़पा मु़चु़मिमकाम लागि गो हाङको छो़म ब्राम्‍दु़ल्‍वा बेउमिम बु मेराम गानीलाई थेसिथेबेन्‍मु आमा न बु।

१ थेसलोनिकी 2:2

गुकु इनीमाडा रोमु ङादोङा फिलिप्‍पी शहरडा हाङको छो़म मेजो़पा बेत्तिकिमी, मा दु़खा ग्‍वाक्‍तिकिमी, मेराम गानी चनी। मु़चु़मिम छो़म आकी कोर्थो़लाम बम्‍डिङा लोवो माम्‍चु़नीका ख्‍लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।

१ तिमोथी 6:12

त्‍वाकु थो़र बोमु-थार्मु र्‍वाक्‍मा ओन्‍सीडा ओन्‍मु होप्‍मामङा सो़। मेम बोमु गाना चाप्‍तो-मेचाप्‍तो ओन्‍डा। हेल्‍लो वो मेसिपा त्‍वारो़म झेथडा। मेराम त्‍वारो़म गाना हापा मु़चु़मिमकु ङादोडा थो़र लु़ङु र्‍वाक्‍नालो माम्‍चु़नीका ग्‍वाक्‍नामिम बाइडा।

२ तिमोथी 4:7

गो जो़पा क्‍वाल्‍बा बेउतोम बु, मा ओराम खारीकु ओन्‍सी ओन्‍सोमु दु़म्‍तोम बु, आमा थो़र जो़होमका जु़ल्‍तोम बु।

हिब्रू 12:1

उनी थो़र रेम्‍बेपा आरेप्‍माम सेर्पा मु़चु़ इकीमा होनोलाम-आथो़लाम बुमी। मेम्‍मिमका गुइलाई भोपा खोत्‍ले ल्‍वा नुङ हाम वो लु़मेलेसाकाङा आम्‍पा छु़ल पार्तो गुइलाई रेम्‍बेट्‌मा ओन्‍सीथो़ हाम वो मेर्‍वाक्‍साका इम्‍तो ओन्‍डी।

हिब्रू 12:4

छु़लकु कोर्थो़लाममिम इनी क्‍वाल्‍बा बेसीडा गानी छु़ल भोमु लागि सेन्‍लाङा सो़सिक्‍पा थारीडा रोन्‍थिट्‌ल्‍याट्‌निम ने मिबु।

रेम्‍बेट्‌मिडिम ल्‍वा 12:11

भेन्‍दाचो़कु सिसिका नुङ मेर्मिमका सो़म्‍डिम सिजेमका मेराम मुनाङडला घ्‍ल्‍वाम्‍डिम बु। मेर्मिम सिमुङा बासिक्‍पा लोवो सिमु मेङिपा बाम्‍डी।