फिलिप्‍पी 1:28 - थुलुङ राई

²⁸ मा इनीमा कोर्थो़लाम बक्‍पामिमडाम हाङकोवो मेङिनी र्‍वाक्‍पा ल्वा थो़मु आमा न बु। इनीमा हेलो लोवो मेङिपा ल्वा ने कोर्थो़लाम बक्‍पामिमकाम लागि पुयु़लुक्‍पाकु छेखोप दु़म, लावो इनीमा लागि ने सेल्‍सिमुकु छेखोप सो़, मा मेराम सेल्सिमु ने माम्चु़नीलाम सो़।

फिलिप्‍पी 1:28 Iomraidhean Croise

मत्ती 10:28

इनी साम फ्‍याक्‍पा, इनी पेल ने पुयु़लुबेन्‍मु मेचापा मु़चु़डाम मेङिनी, लावो इनी साम फ्‍याक्‍पा, मा इनी पेललाई खादीगोयु़ घ्रोमु चापा माम्‍चु़नीडाम ङिनी।

मर्कूस 3:3

येशूका मे ल्‍वा सोक्‍पा मु़चु़लाई र्‍वाम्‍डी, “आसि खोत्‍लेकु ङादोडा येम्‍सा।”

लूका 3:6

मा माम्‍चु़नीका मु़चु़मिमलाई सेल्‍मिमिम खोत्‍लेका ल्‍वामी’।”

यूहन्‍ना 16:8

गुमी योमिमा सु़म्‍दिसेरलाई उमा छु़लकु दुथाम, माम्‍चु़नीकु न-गो होप्‍मामकु दुथाम मा रोक्‍पा नियाकु दुथाम मुमा बेन्‍मी।

थु़र्मा 28:28

“मेम्‍मिमका गानी ओराम चनी, माम्‍चु़नीकाम सेल्‍सिक्‍पा ओराम सेला गुमीका वाङसामामिमकाडा थु़र्मिडिम बु, मा मेर्मिमका थो़मी।”

रोमी 8:17

गुइ उनीमा चो़-चु़सु़ माला, ने उनीमा खुन्‍चु़म ल्‍वापा वो गुइ ङा सो़। माम्‍चु़नीलाममिम खुन्‍चु़म ल्‍वापा मा ख्रीष्‍टनुङ बोम्‍था खुन्‍चु़म ल्‍वापा सो़। गुमीनुङङा गुइ वो दु़खा इम्‍डी माला उनीमा यु़म-झ्‍वाक्‍सीडा गुइ वो दु़म्‍सी।

१ थेसलोनिकी 2:2

गुकु इनीमाडा रोमु ङादोङा फिलिप्‍पी शहरडा हाङको छो़म मेजो़पा बेत्तिकिमी, मा दु़खा ग्‍वाक्‍तिकिमी, मेराम गानी चनी। मु़चु़मिम छो़म आकी कोर्थो़लाम बम्‍डिङा लोवो माम्‍चु़नीका ख्‍लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।

हिब्रू 13:6

मेम्‍मिमका गुइ मेङिसाका र्‍वामु चाप्‍सी, “ङाचो़का गोलाई ख्‍लो़ङिमी, गो हेल्‍लो वो मेङिङु। मु़चु़का गोलाई हाम बोमु चाम्‍ङी मा?”

रेम्‍बेट्‌मिडिम ल्‍वा 2:10

गाना ल्‍वामु खाम्‍नामिम दु़खाडाम मेङिसा। थो़सा, शैतानका गानीगोडाम कोङनिमलाई मेरामका आच्‍छाङा थो़र बु़ डे मेएँ र्‍वाक्‍साका छाम्‍मु चखोप गोडा चमु खाप्‍सु़मिम बु। मेम्‍मा को धु़म नेम (१०) सम्‍म इनीमा थो़मतेर्सी। सिमुङा बासी लोवो थो़रलु़इमिम दु़म्‍निम बानी, मा गो गानीलाई हेल्‍लो वो मेसिपा त्‍वारो़मकु मुकुट ग्‍वानिनी।