फिलिप्‍पी 1:27 - थुलुङ राई

²⁷ हा-हाम दु़म लोवो मेराम हाम वो मेएँ, लावो इनी बासी-दोसी ख्रीष्‍टकु जो़पा-सेला घ्रेट्‌पा दु़म्‍नु़। मेम्‍मा गो इनीमाडा रोङु मा क्रो़म्‍निनी लोवो गो मेरोक्‍साका इनीमा दुथाम थो़उ कोङङा लोवो, गानी कोले न-गोकाम दु़म्साका भाल-आथो़ न मेहिनी, जो़पा-सेलाडलाम थो़रकाम लागि कोले नकाम दु़म्साका क्‍वाल्‍बा बेत्तोङा बोनी,

फिलिप्‍पी 1:27 Iomraidhean Croise

मत्ती 12:25

येशूका मेर्मिमकु नगोडाम ल्‍वा चम्‍डिमा मेर्मिमनुङ र्‍वाम्‍डी, “त्‍वाप-त्‍वापगोडाङा मेदु़पा उहेम किब्‍दी लोवो दाम्‍मा ल। मेम्‍साकाङा शहरडाम लोवो नेमगोडाम मु़चु़मिम लोवो उनी त्‍वाप-त्‍वापगोडाङा मेदु़मी माला मेर्मिम दाम्‍मी।

थु़र्मा 2:46

मेर्मिम खोत्‍ले कोले नकाम दु़म्‍साका सो़रनेमडा कोयो-कोयो घ्रो़म्‍थाल्‍मिडी, मा मेर्मिमका उनी नेम-नेमडा जो़पा न-गो नुङ गेर्सिद्‌वाक्‍तो ग्रुला पेम्‍थाल्‍मिडी,

थु़र्मा 24:24

कोलेम-नलेम चङडा फेलिक्‍स उ यहूदी नाइमे द्रुसिल्‍लानुङ रोक्‍ची। मेकोतिमा पावललाई येड्‌डु़मा येशू ख्रीष्‍टडाम थो़रकु दुथाममिम ल्‍वा पावललामका थो़स्‍तु़।

थु़र्मा 4:32

थो़रलु़पामिम खोत्‍ले कोले न-गोकाम दु़म्‍मिडिम बाइडा, मा मेर्मिमगोडा सु़का वो उनी त्‍वाकु खाप्‍चीमिम ओराम आमा मेर्‍वाम्‍थाल्‍मिवा, लावो मेर्मिमनुङ हा-हाम बाट्‌पा खोत्‍लेङा खोत्‍लेका दो़साका मोम्‍थाल्‍मिडी।

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

रोमी 1:5

इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।

रोमी 1:9

उनीमा तारापाचो़काम जो़पा-सेला थो़बेन्‍मुडा छो़म न सोक्‍साका उनीमा खारी बेउ। गो गानीलाई प्‍ल्‍वान्‍निनिम मिबु लावो इनीमा लागि गो हेल्‍लो लोवो सो़म्‍दी बेउहोम बुङु। माम्‍चु़नी आमा दुथाम सो़पा बुमी।

रोमी 10:8

लावो ओरामका हाम र्‍वा? “सिजेम इनीमा फार्डाङा बु, इनीमा सिड्‍डाङा मा इनीमा नगोडा बु।” थो़रकु दुथाम गुकु थो़बेन्‍कुमिम जो़पा-सेला ओराम ङा सो़।

रोमी 15:16

वाङसामाकाम लागि माम्‍चु़नीकु डु़म्‍लाचो़का बोमु बासिक्‍पा होम्‍साका खारी बोमु लागि गुमीका गोलाई ओराम दिदाम ग्‍वाङडिमिम सो़। मेम्मिमका माम्‍चु़नी-पेललाम सेपा दु़म्‍साका माम्‍चु़नीडा सासेन्‍सिमु घ्रेट्‍पा दु़म्‍मिनु़।

रोमी 15:29

गो इनीमाडा रोङुलो येशू ख्रीष्‍टलाम ल्वाउतोम जिवा हापा रेट्‍पुमा रोङु र्‍वाक्‍साका गो चक्‍तोम बु।

१ कोरिन्थी 1:10

वा-ल्‍वाकनी, इकी ङाचो़ येशू ख्रीष्‍टकु नङडा गो गानीलाई छो़म र्‍वाङु, गानी खोत्‍ले इनी त्‍वाप-त्‍वापडा दु़साका बानी, मा गो-फ मेदु़म्‍नी। मेम्‍मा इनी नडा नुङ इनी मिम्‍सीडा कोलेङा नकाम दु़म्‍नी।

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

२ कोरिन्‍थी 13:11

हुम-दडा, वा-ल्‍वाकनी, ब्‍र्‍वासिडी। छो़म जो़पा दु़म्‍साका लाम्‍दिमु न बेनी। गो छो़म र्‍वाङुमिम ल्‍वा थो़नी, कोले नकाम दु़म्‍नी, भ्रसिसाका बानी। मेम्‍मा रिखाम बेपा मा न-भ्रसी ग्‍वाक्‍पा माम्‍चु़नी गानीनुङ दु़म्‍मी।

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

२ कोरिन्‍थी 9:13

गानी बोनिमिम ओराम ग्‍वाक्‍पा खारीकु दुथाम मेर्मिमका माम्‍चु़नीकु नङ कोमी। हेङालोने मेर्मिमलाई नुङ वाङमिम थो़रलु़पामिमलाई इनीमा ग्‍वा-ग्‍वा द्‌वाक्‍पा नका ग्‍वाक्‍निम ल्‍वाका ख्रीष्‍टकु जो़पा-सेलाका र्‍वाक्‍ताम होङङा गानी बुनी-दोनिमिम रेम्‍बु़।

गलाती 1:7

लावो मेराम ने आच्‍छाङाकाम जो़पा-सेला मेएँ। कोङनिम मु़चु़का गानीलाई ब्‍लो़प्‍साका येशू ख्रीष्‍टलाममिम जो़पा-सेला कोर्थो़ हेर्मु माल्‍तोङा लेन्‍मिमिमका गो ओराम ल्‍वा र्‍वाक्‍तोङा बेउ।

एफिसी 1:13

मेम्साका गानी वो आच्‍छाङाकु सिजेम, सेल्सिक्‍पा जो़पा-सेला थो़न्‍निमा ख्रीष्‍टडा थो़र बेन्‍नी। मेम्मिमका माम्‍चु़नीका ङादो याचे जेम्‍डिम माम्‍चु़नी-पेल गानीलाई ग्‍वाक्‍साका उनीमा मु़चु़ र्‍वाक्‍पा छाप ओप्‍मिडिम बु।

एफिसी 1:15

मेम्‍मिमका ङाचो़ येशूडा इनीमा थो़र बुमिम नुङ माम्‍चु़नीकु मु़चु़मिमडलाम इनीमा रिखामकु दुथाम गो थो़उतोमका,

एफिसी 4:1

मेम्मिमका ङाचो़ येशू ख्रीष्‍टकु खारी बेउतोमका झ्‍यालखानडा चसिक्‍पा गो पावलका गानीलाई छो़म र्‍वाङु, माम्‍चु़नीका गानीलाई उनीमा हेप्‍माम मु़चु़ दु़म्‍मुकाम लागि येट्‌निम बु मेराम होम्‍साका दोनी बानी।

फिलिप्‍पी 1:5

ङादो गानी थो़र लु़न्‍निलो आथाम ओम्‍लोसम्‍म जो़पा-सेला थो़बेसीडा गोनुङ दु़म्‍निमका गो आला-तोमानुङमा बुङु।

फिलिप्‍पी 2:12

मेम्‍मिमका आमा द्‌वादीबुङ वा-ल्‍वाकनी, माम्‍चु़नीका र्‍वाम्‍डिम होम्‍साका हेल्‍लो लोवो बोनिमिम होङङा गो गानीनुङ बाङडोलो कोङङा मेएँ, लावो गानीनुङ मेबुङुलो वो सेल्सिमु ल्वान्‍निम मु़चु़ दु़म्निमा माम्‍चु़नीडा ङिम जु़ल्साका गुमीका र्‍वाम्‍डिम होम्‍साका आथावो छो़म बेनी।

फिलिप्‍पी 2:24

मेम्‍मा गो आ त्‍वाप दालाङा रोङु र्‍वाक्‍पा ङाचो़ येशूडा थो़र लु़ङडोम बु।

फिलिप्‍पी 3:18

ङादो गो गानीनुङ सो़उथाल्‍तो मा ओम्‍लो वो प्‍ल आल्‍तो र्‍वाङु, हापा मु़चु़मिम ख्रीष्‍टकु क्रूसकाम स्‍वाक्‍चिमो होङङा बुमी-दोमी।

फिलिप्‍पी 3:20

लावो इकीमा नेब्‍दी ने पाह्रीला सो़। मेलामका योक्‍पा गुइलाई सेल्‍पा ङाचो़ येशू ख्रीष्‍टलाई गुइ छो़मका लथाडिमिम बु।

फिलिप्‍पी 4:1

मेम्‍मिमका वा-ल्‍वाकनी, ङाचो़डा थो़र बेनिम बानी। द्‌वादीबुङ ङोप्‍सो़नी, गो गानीलाई रिखाम बोनिनी मा क्रो़म्‍मु न बु। गानी ने आमा भ्रसी नुङ आमा मुकुट सो़।

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।

कलस्‍सी 1:4

हेङालोने ख्रीष्‍ट येशूडलाम इनीमा थो़र नुङ माम्‍चु़नीकु खोत्‍ले मु़चु़मिमडलाम इनीमा रिखामकु दुथाम गुकु थो़त्तोकोम बु।

१ थेसलोनिकी 3:6

लावो इनीमालामका तिमोथी ओम्‍लो आकीमाडा रोक्‍ताम बु, मा इनीमा थो़र नुङ रिखामकु दुथाममिम भ्रपा ल्‍वा रेड्‌डु़म बु। गानी हेल्‍लो लोवो गेर्सिद्‌वाक्‍तो गुकुलाई मिम्‍किनी ए, मा गुकुनुङ घ्रो़म्‍मु न बोनी ए र्‍वाक्‍साका गुका सो़यु़डु़। मेम्‍साकाङा गुकु वो गानीलाई क्रो़म्‍मु न बोकुमिम बु।

१ थेसलोनिकी 4:1

हुम-दडा, वा-ल्‍वाकनी, गुकुलाम गानी सीन्‍सिट्‌निम होङङा माम्‍चु़नीलाई गेर्सिबेसाका बानी र्‍वाक्‍साका ङाचो़ येशूकु नङडा छो़म र्‍वाकु। ङादो वो गानी आरेङा बेन्‍निम बु, मा आथावो छो़म मेमङा बेनी र्‍वाक्‍साका इनीमा सो हन्‍बेन्‍कु।

१ तिमोथी 1:11

ओराम सीसि आलाकाम इकीमा माम्‍चु़नीलामका योक्‍ताम बु। गुमीका गोलाई ओराम यु़मनुङमा सीसि सीमु ग्‍वाङडिमी।

१ तिमोथी 1:19

हेल्‍लो लोवो थो़रनुङमा दु़म्‍सामा जो़पा हाम थेट्‌नाम मेराम बे। कोङ-कोङका आरे मेबेमिवामा मेर्मिमकु थो़र पुयु़लुस्‍ताम बु।

२ तिमोथी 4:7

गो जो़पा क्‍वाल्‍बा बेउतोम बु, मा ओराम खारीकु ओन्‍सी ओन्‍सोमु दु़म्‍तोम बु, आमा थो़र जो़होमका जु़ल्‍तोम बु।

तीतस 2:10

डु़ल्‍चो़मिमका मेखुम्‍सामिनु़, लावो छो़म थो़रलु़इमिम दु़म्‍मु चाम्‍मिनु़। आरे बेसाका गुइलाई सेल्‍पा माम्‍चु़नीकु सीसि जो़पा बु र्‍वाक्‍पा मेर्मिमका खोत्‍ले ल्‍वाडा रेम्‍बोमिनु़।

फिलेमोन 1:5

हेङालोने ङाचो़ येशूडला बेन्‍नाम इमा थो़र नुङ माम्‍चु़नीकु मु़चु़मिमलाई बेत्तोङा लेनामिम रिखामकु दुथाम गो थो़उतोम बु।

याकूब 3:18

न-थो़म घ्रो़म्‍बेट्‌पामिमका न भ्रसी बेन्‍मिमिमका माम्‍चु़नीका मेर्मिमलाई जो़पा मिम्‍मी।

२ पत्रुस 3:11

खोत्‍ले आरेसाकाङा पुयु़लुमी। मेम्‍मिमका गानी हेप्‍माम मु़चु़ दु़म्‍मु बासी? गानी सेपा दु़म्‍साका माम्‍चु़नीकु लाम्‍दीडा लाम्‍दिमु बासी।

२ पत्रुस 3:14

मेम्‍मिमका द्‌वादीबुङ ङोप्‍सो़नी, गानी ओर्मिम ल्‍वाकु दुथाम लथाक्‍पा मु़चु़ दु़म्‍निमका उनी मिक्‍सीलामडा गानी चाप्‍तो मेचाप्‍तो छु़ल मान्‍थिम नुङ मेख्‍लो़ट्‌पा दु़म्‍साका गुमीडा न-भ्रसिक्‍साका बानी।

यहूदा 1:3

द्‌वादीबुङ ङोप्‍सो़नी, गुइ खोत्‍लेकाम सेल्‍सिसीकु दुथाम छो़म आ र्‍यार्‍या द्‌वाक्‍पा बाङडो। लावो थो़रलु़पालाई कोखेप ग्‍वाक्‍साड्‌डामिलो हेल्‍लो लोवो दु़म्पा थो़र गेनी र्‍वाक्‍साका गानीलाई छो़म र्‍वामुमा र्‍यामु आमा नड्‌डा रोक्‍ता।