फिलिप्‍पी 1:25 - थुलुङ राई

²⁵ ओराम ल्वा आच्‍छाङा लु़ङ्‍डोमका गो नु़पाङा दु़म्‍ङु, मा गानी थो़र लु़सीडा बर्तो लमु नुङ भ्रम्‍सिमु लागि गानी खोत्‍लेनुङ दु़म्‍ङुम बुङु र्‍वाक्‍पा ल्वा गो चक्‍पु।

फिलिप्‍पी 1:25 Iomraidhean Croise

लूका 22:32

लावो गाना गोडला थो़रलु़मुम बुमु मेडिडा र्‍वाक्‍साका गो इमा लागि सो़म्‍दी बेउतोम बु। गाना आमाडा रोकामा गानानुङ लाम्‍दिपा सीसिपामिमका गोडला थो़रलु़मु लागि उनी सो हन्‍बेसाडामी।”

थु़र्मा 11:23

बारनाबास एन्‍टिओखिया शहरडा रोक्‍फाड्‌डालो मेसिन्‍डाम मु़चु़मिमलाई माम्‍चु़नीका उनी दिदाम ग्‍वाम्‍डिम ल्‍वास्‍तु़मा गु गेर्सी द्‌वाक्‍ता। गुका मेर्मिम खोत्‍लेलाई माम्‍चु़नीडा न-गोलामका ङा थो़रलु़मुमबुमु उनी सो हन्‍बेसाड्‌डु़मी।

थु़र्मा 14:22

मेसिन्‍डा मेर्चिपका थो़रलु़पामिमलाई उनी थो़र बर्बेसाक्‍चिमी, मा उनी थो़रलु़सीडा सो हन्‍बेट्‌साक्‍चिमी। मेर्चिपका र्‍वाक्‍ची, “गुइ माम्‍चु़नीकु किब्‍दीगोडा हुमु हापा मेझापातो दु़खा ल्‍वामु बासी।”

थु़र्मा 20:25

“रेप्‍नी, गानीगोडा खोत्‍लेनुङ गो माम्‍चु़नीकु किब्‍दीकु दुथाम जो़पा-सेला थो़बेट्‌निनिम बाइडा। आथाडा आरे गानी सु़का वो आमा ङाली मेल्‍वानी र्‍वाक्‍पा गो चक्‍तोम बु।

रोमी 15:13

सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।

रोमी 15:18

हेङालोने गो जेङुमिम ल्‍वाका नुङ खारीलामका वाङसामामिमलाई माम्‍चु़नीका र्‍वामिमिम थो़पा दु़म्‍बेन्‍मु लागि ख्रीष्‍टका गोलामका बेम्‍डिम मेराम खारीडाम वाङमिम ल्‍वाकु दुथाम गो जेमु मेचापु।

रोमी 15:29

गो इनीमाडा रोङुलो येशू ख्रीष्‍टलाम ल्वाउतोम जिवा हापा रेट्‍पुमा रोङु र्‍वाक्‍साका गो चक्‍तोम बु।

रोमी 5:2

येशू ख्रीष्‍टडा बिइडिम थो़रलामका गुमीका गुइलाई माम्‍चु़नीकु दिदामगोडा रेसाड्‍डामिम बु। ओम्‍लो गुइ मेराम दिदामगोडा बुइ। गुइ माम्‍चु़नीकु यु़म-झ्‍वाक्‍सीगोडा दु़म्‍पा न बेत्तो गेर्सी द्‍वाकी।

२ कोरिन्‍थी 1:24

इनीमा थो़रलु़सीडला गुकु साखाम थो़मु लागि मेएँ, लावो इनीमा न भ्रम्‍सिमु लागि गानीनुङ खारी बोमु न बोकु, हेङालोने इनीमा थो़र छो़म सोनुङमा बु।

फिलिप्‍पी 1:24

लावो इनीमा लागि ने गो ओराम सुबुडा बुमु बासिट्‌पा बु।

फिलिप्‍पी 2:24

मेम्‍मा गो आ त्‍वाप दालाङा रोङु र्‍वाक्‍पा ङाचो़ येशूडा थो़र लु़ङडोम बु।

फिलेमोन 1:22

मेम्‍मा आथावो कोङमी ल्‍वा: गो बुमु लागि बाखोप बनेबेजो़ला, हेङालोने माम्‍चु़नीका इमा सो़म्‍दी थो़मी, मा दालाङा इमाडा ख्‍लोम्‍सिमु ग्‍वाङमी र्‍वाक्‍पा न बेउहोम बुङु।

१ पत्रुस 1:8

गुमीलाई गानी ल्‍वान्‍निम मिबु लोवो गुमीलाई रिखाम बोनी। ओम्‍लो गुमीलाई गानी मेल्‍वानी लावो गुमीडा थो़रलु़नी, मा सो़मु मेझापा छो़म डोक्‍पु न-भ्रसी ल्‍वानी।