मर्कूस 7:3 - थुलुङ राई

³ हेङालोने फरिसीमिम नुङ खोत्‍ले यहूदीमिमका उनीमा बेप-पापका बेम्‍खेम्‍डिम होम्‍साका ल्‍वा मेसोल्‍थु़म मेपोमी।

मर्कूस 7:3 Iomraidhean Croise

मर्कूस 7:13

आरेसाका गानी इनीमा बेप-पापका बेम्‍खेम्‍डिम होम्‍साका बोनिमा माम्‍चु़नीकु सिजेम ने हाम ना हामकाम दु़म्बेनी। आरेप्‍माम ङा वाङमिम वो गानी छो़म बोनी।”

मर्कूस 7:5

मेकोतिमा फरिसीमिम नुङ यहूदीमिमकु डु़म्‍ला सीपा पातु़म्‍रीमिमका गुमीनुङ हिलाबेम्‍डी, “हेङा इनीमा सीसिपामिमका बेप-पापका बेम्‍खेम्‍डिम होम्‍साका मेबेसाका मेसेपा ल्‍वाका ङा पोमिमिम?”

लूका 11:38

लावो ग्रुला पोमु ङादो येशूका उनी ल्‍वा मेसो़ल्‍मिवाम ल्‍वास्‍तु़मा मे फरिसी ङाङाया दु़स्‍ता।

यूहन्‍ना 2:6

यहूदीमिमकाम सेपा दु़म्‍मु लागि सो़ल्‍सिक्‍पा डु़म्‍ला बाइडा। मेरामकाम लागि लुङकाम रुले (६) कु जु़ल्‍खोप मेसिन्‍डा बाइडा। मेर्मिम खोत्‍लेडा लेत धु़मडाम को सङ न धु़म लिटरसम्‍म हिसिक्‍पा बाइडा।

गलाती 1:14

यहूदी डु़म्‍लागोडाम गोनुङ कोयोम मु़चु़मिमगोडाम गो खोत्‍लेडाम लाम बसिक्‍पामा बेप-पापमिमकु डु़म्‍ला बोमुडा छो़म आमा सो हन्‍पा बाइडा।

कलस्‍सी 2:8

मामासो़, सु़का वो गानीलाई हाम ना हामकाम नुङ वायम डक्‍पा मु़चु़कु नेप्‍चीका मेर्मिमकु सीसि होम्‍साका लाम्‍दिमु मेर्‍वामिनु़। मेराम सीसि ने ख्रीष्‍टलाममिम मेएँ, मु़चु़का बेम्‍खेम्‍डिम डु़म्‍ला नुङ सु़म्‍दिसेरकु दुथाममिम ल्‍वा सो़।

१ पत्रुस 1:18

इनी बेप-पापलाम रोक्‍पा हाम ना हामकु ल्‍वाडाम सो़ना, मत्तो होप्‍माम म्‍वापामा लक्‍पाका गानीलाई भ्रेसाका फ्‍वाक्‍मा मेएँ र्‍वाक्‍पा गानी चनिमिम बु।