मर्कूस 3:3 - थुलुङ राई

³ येशूका मे ल्‍वा सोक्‍पा मु़चु़लाई र्‍वाम्‍डी, “आसि खोत्‍लेकु ङादोडा येम्‍सा।”

मर्कूस 3:3 Iomraidhean Croise

मत्ती 12:10

मेसिन्‍डा कोले उ ल्‍वा साट्‌पा मु़चु़ बाइडा। येशूलाई मुमा बेन्‍मु नका फरिसीमिमका गुमीनुङ हिलाबेम्‍डी, “हाम ङेम्‍सिमुनेम मु़चु़ समु डु़म्‍लाका ग्‍वाक्‍सा?”

मर्कूस 3:2

येशूकु बुइडला उन्‍मु लागि कोङ-कोङ मु़चु़का मेजो़पा ल्‍वा माल्‍बाल्‍मिडी। मेम्‍मिमका मे ल्‍वा सोक्‍पा मु़चु़लाई ङेम्‍सिमुनेम गुमीका सबेन्‍मी डे मेएँ र्‍वाक्‍साका सु़र्बाल्‍मिडी।

मर्कूस 3:4

मेम्‍मा गुमीका मेर्मिमलाई र्‍वाम्‍डी, “ङेम्‍सिमुनेम हाम बिइलो नु़, जो़पा डे मेजो़पा, नु़बेन्‍मु डे सेन्‍मु?” लावो मेर्मिम वाय-वाय बाम्‍डी।

लूका 6:8

लावो गुमीका मेर्मिमकु न-गोडाम ल्‍वा थेसिथेट्‌मिडी, मा मे ल्‍वा साट्‌पा मु़चु़लाई र्‍वाम्‍डी, “बका, मा खोत्‍लेकु ङादोडा येम्‍सा।” मेकोतिमा मेराम बक्‍ता, मा येम्‍स्‍ता।

यूहन्‍ना 9:4

गोलाई थु़र्पाकु खारीमिम नेप्‍सुङ बुलोङा गुइ बोमु बासी। सिन्‍था दु़म्‍मा सु़का वो खारी बोमु मेचाप्‍सु़।

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

गलाती 6:9

जो़पा खारी बोमुडा हेल्‍लो वो मेघ्रु़म्‍सी। हेङालोने गुइ जो़पा खारी बिइहोम बुइ माला रोक्‍पा थारीका माम्‍चु़नीका जि ग्‍वाक्‍सामी।

फिलिप्‍पी 1:14

गोलाई चङडिमिमका ङाचो़ येशूडा थो़र लु़पामिम हापाका माम्‍चु़नीकु सिजेम रुकु फिन्‍साका मा मेङिसाका सो़मु आथावो छो़म सो हन्‍पा दु़म्मिडिम बु।

१ पत्रुस 4:1

मेम्‍मिमका ख्रीष्‍टका उनी मिरो़मडा दु़खा ल्‍वाम्‍डी, गानी वो गुमी होप्‍मामङा दु़खा इम्‍मु नडा झो़म्‍जो़ल्‍सिट्‌नी। हेङालोने उहेमका मिरो़मडा दु़खा ल्‍वास्‍तु़म बु मेरामका छु़ल बोमु डिड्‌डु़म बु।