मर्कूस 2:2 - थुलुङ राई

² मेसिन्‍डा छो़म सेर्पा मु़चु़मिम खोम्‍सिम्‍डिमका लाम्‍चोकोडा ना बान्‍थो़ खेल देम्‍खोप ङा मेबायावा, मा येशूका ने सिजेम दो़त्तोङा बेम्‍डी।

मर्कूस 2:2 Iomraidhean Croise

मत्ती 5:2

येशूका उनी सीसिपामिमलाई आरे र्‍वाक्‍तो सीमु चो़म्‍मिडी:

मर्कूस 1:14

यूहन्‍ना चु़म्‍मिडिम चङडा, माम्‍चु़नीकु जो़पा-सेला थो़बेत्तोङा येशू गालीलडा रोम्‍फाम्‍डी।

मर्कूस 1:33

मेराम देलडाम खोत्‍ले ङा मु़चु़मिम मेराम नेमडा खोम्‍सिम्‍डिम बाइडा।

मर्कूस 1:37

मेर्मिमका येशूलाई डार्मिडी मा, “खोत्‍लेका गानीलाई माल्‍तोङा बोमी” र्‍वाम्‍डी।

मर्कूस 1:45

लावो मेरामका गुमीका र्‍वाम्‍डिम होङङा मेबेसाका लस्‍तामा खोत्‍लेनुङ सो़मु चो़म्‍डु़, मा मेराम ल्‍वा खोत्‍लेथो़ फोन्‍स्‍ता। मेम्‍मिमका येशू देलबाडे ङादोम होम्‍साका मेबासाका मु़चु़का मेल्‍वाखोपबाडे कोङङा बुमु चो़म्‍मिडी। लावो मु़चु़मिम आथावो उनीमाडा खोत्‍लेलामका रोम्‍डिहोमङा बाम्‍डी।

मर्कूस 2:1

कोलेम नलेम चङडा येशू कफर्नहुम शहरडा ख्‍लोम्‍सिम्‍डी, मा गुमी कोङ नेमडा बुमी ए र्‍वाक्‍पा मु़चु़मिमका थो़म्‍डी।

मर्कूस 2:13

येशू आथावो कोखेप दिरिदिन फार्थो़ लम्‍डी। मेकोतिलो उनीमाडा छो़म सेर्पा मु़चु़मिम रोम्‍डी, मा गुमीका मेर्मिमलाई सीमु चो़म्‍मिडी।

मर्कूस 6:34

येशू कुबी-बोक्‍सालामका पाखाथो़ लुम्‍डिलो मेसिन्‍डा छो़म सेर्पा मु़चु़मिम ल्‍वाम्‍डी। मेर्मिम ल्‍वाम्‍डिमा छो़म उनी थो़म भ्रो़स्‍ता, हेङालोने मेर्मिम रेपा-क्रिपा मु़चु़ मान्‍थिम भेन्‍दामिम होप्‍माम बाम्‍डी। मेकोतिमा मेर्मिमलाई छो़म सेर्पा ल्‍वामिम सीमु चो़म्‍मिडी।

लूका 12:1

मेकोतिलोङा छो़म सेर्पा मु़चु़मिम खोम्‍सिम्‍डिमका मेर्मिम उनी त्‍वाप-त्‍वापङा देम्‍बेत्तोङा लेट्‌मिडिम बाइडा। येशूका उनी सीसिपामिमलाई ङादो र्‍वामु चो़म्‍मिडी, “गानी फरिसीमिमकु लङखामडाम चङचङया बानी वो। मे लङखाम र्‍वाक्‍मा ने मु़चु़मिमकु मिक्‍सीलामडा जो़पा लिसिक्‍पा मेर्मिमकु खारी सो़।

लूका 5:17

कोलेम येशूका मु़चु़मिमलाई सीत्तोङा लेट्‌मिडिम बाइडा। गालील नुङ यहूदियाडाम खोत्‍ले देलडाम मा यरूशलेमलामका रोक्‍पा फरिसीमिम नुङ यहूदीकु डु़म्‍ला सीपा पातु़म्‍रीमिम मेसिन्‍डा रोम्‍डिमा गन्‍तासिट्‌मिडिम बाइडा। मेकोतिलो नो़पामिम सबेट्‌पा यु़म माम्‍चु़नीका येशूलाई ग्‍वाम्‍डिम बाइडा।

लूका 8:1

कोलेम नलेम चङडा येशूका माम्‍चु़नीकु किब्‍दीकु दुथाम जो़पा-सेला थो़बेत्तो नुङ सिजेम दो़त्तो देल-देलडा नुङ शहर शहरडा लम्‍डी। गुमीनुङ को-न (१२) सीसिपामिम बाम्‍डी,

लूका 8:11

“ओराम सीसि-सो़म्‍दीका र्‍वाक्‍ताम भ्रल ने माम्‍चु़नीकु सिजेम सो़।

थु़र्मा 11:19

स्‍तिफनस सेट्‌मिडिम चङडा थो़रलु़पामिमलाई छो़म दु़खा ग्‍वाम्‍डिमिमका थो़रलु़पामिम बान्‍तेमेनो फोन्‍सिम्‍डी। मेकोतिलो मेर्मिमगोडाम याङ-याङ हापा होनोवाम फोनिके, साइप्रस टापु नुङ एन्‍टिओखिया शहरबाडे लम्‍डिमा यहूदीमिमलाई कोङङा जो़पा-सेला थो़बेट्‌मिडी।

थु़र्मा 14:25

पर्गा टापुडा सिजेम दो़च्‍चिमा मेर्चिप अटालियायु़ योक्‍ची।

थु़र्मा 16:6

माम्‍चु़नी-पेलका एशियाडा उनी सिजेम मेदो़नी बेम्‍डिमका पावल नुङ उ ङोप्‍सो़मिम गलातिया नुङ फ्रिगियाडाम देल दु़म्‍तो लम्‍डी।

थु़र्मा 8:25

येशूका बेम्‍डिम खारी पत्रुस नुङ यूहन्‍नाका ल्‍वाच्‍चिमकु दुथाम नुङ येशूकु दुथाममिम सिजेम मे मु़चु़मिमनुङ दो़च्‍ची। मेकोतिमा सामरियाडाम देलबाडे लक्‍ची, मा मेसिन्‍डाम मु़चु़मिमलाई जो़पा-सेला थो़बेत्तो मेर्चिप यरूशलेमथो़ ख्‍लोसिक्‍ची।

रोमी 10:8

लावो ओरामका हाम र्‍वा? “सिजेम इनीमा फार्डाङा बु, इनीमा सिड्‍डाङा मा इनीमा नगोडा बु।” थो़रकु दुथाम गुकु थो़बेन्‍कुमिम जो़पा-सेला ओराम ङा सो़।

२ तिमोथी 4:2

जो़पा-सेला थो़बेडामी, हाङकोलो लोवो जो़पा-सेला थो़बेन्‍मुडा न सोका, मु़चु़मिमलाई लु़म्‍ला बेडामी, भुरामी, उनीमा सो हन्‍बेसाडामी, मा इम्‍सिक्‍साका बुमुडा नुङ सीमुडा चङचङया बाया।