लूका 8:3 - थुलुङ राई

³ हेरोद हपकु खउलुङ रेप्‍साक्‍पा खुजासकु नाइमे योअन्‍ना मा सुसन्‍ना नुङ वाङमी हापा मेसेममिम वो बाम्‍डी। मेर्मिमका उनी खाप्‍ची ग्‍वाक्‍साका येशूनुङ उनी सीसिपामिमलाई ख्‍लो़म्‍थाल्‍मिडी।

लूका 8:3 Iomraidhean Croise

मत्ती 14:1

मेमबिलि गालील क्षेत्रडाम हप हेरोद अन्‍तिपासका येशूकु दुथाम थो़स्‍तु़,

मत्ती 14:3

ओरामडाम ङादो, हेरोदका यूहन्‍नालाई चु़म्‍डु़मा बसाका झ्‍यालखानगोडा चक्‍तु़म बाइडा। हेरोदका उ ल्‍वाक फिलिपकु नाइमे हेरोदियास लडु़म बाइडा।

मत्ती 14:6

हेरोद गस्‍तामनेमकु दुथाम ग्रुला पेम्‍डिमनेम हेरोदियासकु जाउमोचो़ खोत्‍लेकु ङादोडा छो़म्‍डामा हेरोदलाई छो़म गेर्सिबेड्‌डु़।

मत्ती 2:11

मेम्‍मा मेर्मिम नेमगोनो हुम्‍डी, मा माम मरियमनुङ बाट्‌पा मे चो़च्‍चो़ ल्‍वाम्‍डी। मेर्मिमका क्रचु़खुम बेम्‍डिमा चो़च्‍चो़लाई डोक्‍पु मिम्‍साका सेव साट्‌मिडी। मेकोतिमा उनी कन्‍तुर होर्साका गुमीलाई सो़ना, धूप नुङ मूर्र ग्‍वाम्‍डी।

मत्ती 20:8

“ने-नेम्‍थाका मे अङ्‍गूर येकु मु़चु़का उ खारी बेपा मु़चु़मिम रेपा मु़चु़लाई आरे बु़डु़, ‘खारी बेपा मु़चु़मिमलाई येडामिमा चङडा रोक्‍पामिमलामका खउलुङ ग्‍वामु चो़म्‍साका ङादो रोक्‍पामिमलाई ग्‍वाकामी।’

मत्ती 25:40

“मेकोतिमा हपका मेर्मिमलाई र्‍वा, ‘आच्‍छाङा गो गानीलाई र्‍वाङु, गानी ओ आमा जाउमो, तारापा वा-ल्‍वाकमिमगोडाम खोत्‍लेडाम याक्‍के कोलेलाई ओराम बेन्‍निमङा गानी गोलाई बेङ्‌डिनिम सो़।’

मत्ती 26:11

हेङालोने उनी हाम वो मेबाट्‌पा मु़चु़मिम ने हेल्‍लो लोवो गानीनुङङा दु़म्‍मी। लावो गो ने गानीनुङ हेल्‍लो लोवो मेदु़म्‍ङु।

मत्ती 27:55

मेसिन्‍डा हापा मेसेममिम वो बाम्‍डी, मेर्मिमका होनोवा बासाका रेम्‍थाम्‍डी। मेर्मिमका येशूकु चापे-डुपे बोमु गालीललामका उनी चङचङ लाम्‍दिम्‍डिम बाइडा।

लूका 24:10

मे मेसेममिम मरियम मग्‍दलिनी, योअन्‍ना, मा याकूबकु माम मरियम बाम्‍डी। मेर्मिमनुङ बाट्‌पा वाङमिम मेसेममिमका वो थु़र्मामिमलाई ओराम ल्‍वा सो़म्‍डी।

यूहन्‍ना 12:6

गुका आरे र्‍वाक्‍ताम ने उनी हाम वो मेबाट्‌पा मु़चु़मिमलाई ख्‍लो़पा नका र्‍वाक्‍ताम मेएँ गु खुचु़वा बाइडामका र्‍वाक्‍ताम। खउलुङकु फाजी गुका कुर्थाल्‍लु़मा मेलामका खुयु़थाल्‍लु़।

थु़र्मा 13:1

एन्‍टिओखियाडाम मण्‍डलीडा कोङनिम माम्‍चु़नीलाम-जेपामिम नुङ सीपा मु़चु़मिम बाम्‍डी। मेर्मिम, बारनाबास, केकेम र्‍वाक्‍मा शिमियोन, कुरेनीडाम लुकियस, हेरोद हपकु ल्‍वाक बनेबेम्‍डिमा डु़ल्‍मिडिम मनेन नुङ शाऊल बाम्‍डी।

२ कोरिन्‍थी 8:9

इकीमा ङाचो़ येशू ख्रीष्‍टकु डोक्‍पु दिदाम ने गानी चनिम बु। गुमी पाह्रीलाम बाट्‍पा जो़ल्‍सिक्‍पा बाम्‍डी, लोवो उनीमा हाम वो मेबाट्‍पा दु़म्‍सीका गानी बाट्‍पा जो़ल्‍सिक्‍पा दु़म्‍नी र्‍वाक्‍साका गुमी उनी हाम वो मेबाट्‌पा दु़म्‍मिडी।

फिलिप्‍पी 4:22

खोत्‍ले सेपा मु़चु़मिमका, मेगोडाम रोमी हप कैसरकु नेमडाममिमका वो, गानीलाई सेव र्‍वाम्‍डिम बु।

१ तिमोथी 5:10

मेकोतिमा गुका जो़पा खारी बेसीडा उमा नङ दोस्‍ताम दु़म्‍मु बासी। चो़मिम बर्बेड्‌डु़मिम, वाङथो़लाम रोक्‍पामिमकाम चापे-डुपे बु़साड्‌डु़मिम, माम्‍चु़नीकु चो़मिमकाम खेल सो़ल्‍साड्‌डु़मिम, दु़खा ल्‍वापामिमलाई ख्‍लो़यु़डु़मिम, मा आरेप्‍मामङा जो़पा खारी बोमु छो़म द्‌वाक्‍पा दु़म्‍मु बासी।