लूका 5:2 - थुलुङ राई

² गुमीका दिरिदिनकु फार्डा नले कुबी-बोक्‍सा ल्‍वाम्‍डी। लावो पालुङचो़मिम कुबी-बोक्‍सालामका पाखा लुम्‍डिमा उनी पालुङ सो़ल्‍त्तोङा लेट्‌मिडी।

लूका 5:2 Iomraidhean Croise

मत्ती 4:18

गालील दिरिदिनकु फारभाल येशू लाम्‍दित्तोङा लेट्‌मिडिम बाइडा। मेम्‍लो गुमीका पत्रुस र्‍वाक्‍मा सिमोन नुङ उ ल्‍वाक अन्‍द्रियासलाई गालील दिरिदिनगोयु़ पालुङ ओप्‍तोङा लेट्‌पा ल्‍वाम्‍डिची। हेङालोने मेर्चिप ङो सेट्‌पा मु़चु़ बाच्‍ची।

मत्ती 4:21

येशू मेलामका लक्‍तोङा बेम्‍डिलो जब्‍दियाकु तारापाचो़चिप याकूब नुङ यूहन्‍नालाई ल्‍वाम्‍डी। मेर्चिपका उची पाप जब्‍दियानुङ कुबी-बोक्‍साडला गन्‍तासिसाका उची पालुङ फिर्तोङा बेच्‍ची। येशूका मेर्चिपलाई येट्‌मिडिची,

मर्कूस 1:16

येशू गालील दिरिदिन फारभाल लक्‍तोङा बेम्‍डिलो सिमोन नुङ उ ल्‍वाक अन्‍द्रियासका पालुङ ओप्‍तोङा बेच्‍चिम ल्‍वाम्‍डी, हेङालोने मेर्चिप पालुङचो़ बाच्‍ची।

मर्कूस 1:19

किचो़ होनोक्‍थो़ रोम्‍थिम्‍डिलो येशूका जब्‍दियाकु चो़चिप याकूबनुङ यूहन्‍नाका कुबी-बोक्‍साडला उची पालुङ फिर्तोङा बेपा ल्‍वाम्‍डी।

लूका 5:1

कोलेम येशू गनेसरेत दिरिदिनकु सो़पडा येम्‍तासिट्‌मिडिम बाइडा। मेकोतिलो छो़म सेर्पा मु़चु़मिम माम्‍चु़नीकु सिजेम थो़मु लागि उनीमा होनोलाम आथो़लाम क्‍र्‍वाङ-क्‍र्‍वाङ उन्‍बेत्तो लेट्‌मिडिम बाइडा।

लूका 5:3

मे नले कुबी-बोक्‍साचिपडा कोले ने सिमोन पत्रुसकाम बाइडा। मेराम कुबी-बोक्‍साडा येशू हुम्‍डिमा दिरिदिनकु सो़पलामका किचो़ होनोक्‍थो़ गुलाई लबेट्‌मिडी। गुमी मे कुबी-बोक्‍साडला गन्‍मिडिमा सेर्पा मु़चु़मिमलाई सीमु चो़म्‍मिडी।

यूहन्‍ना 1:40

यूहन्‍नाका र्‍वाक्‍ताम थो़पा, मा येशूकु चङचङ लाम्‍दिपाचिपगोडाम कोले ने सिमोन पत्रुसकु ल्‍वाक अन्‍द्रियास बाइडा।