लूका 4:8 - थुलुङ राई

⁸ येशूका मेरामलाई र्‍वाम्‍डी, “माम्‍चु़नीकु सिजेमडा र्‍याक्‍मा बु, ‘गाना इमा मिप्रङमा माम्‍चु़नीलाई सेव साडा, मा उनीमा कोङङा लाले-पाङके बे’।”

लूका 4:8 Iomraidhean Croise

मत्ती 16:23

पत्रुसथो़ ख्‍लोम्‍सिम्‍डी, मा येशूका र्‍वाम्‍डी, “शैतानका बु़मिम होङङा बोमु डिडा। माम्‍चु़नीकु न होङङा बोमु गाना गोलाई भोम्‍मु माल्‍ङिमिम बु। हेङालोने माम्‍चु़नीका मिम्‍मिमिम होङङा गाना मेमिम्‍ना, मु़चु़का मिम्‍मिमिम होङङा मिम्‍ना।”

मत्ती 4:10

मेकोतिमा येशूका शैतानलाई र्‍वाम्‍डी, “शैतान, ओलामका लस्‍ल्‍याडा, हेङालोने माम्‍चु़नीकु सिजेमडा र्‍यामा बु: ‘गाना इमा मिप्रङमा माम्‍चु़नीलाई कोङङा डोक्‍पु मिम्‍साका सेव साडा, मा उनीमा कोङङा लाले-पाङके बे’।”

लूका 4:4

लावो येशूका गुलाई र्‍वाम्‍डी, “माम्‍चु़नीकु सिजेमडा र्‍याक्‍मा बु, ‘सो़बेमका कोङङा मु़चु़कु साम जु़ल्‍मु मेचाप्‍सु़’।”

लूका 4:7

मेम्‍मिमका गानी गोलाई सेव साट्‌ङिडिनी माला ओर्मिम खोत्‍ले गो गानीलाई ग्‍वानिनी।”

याकूब 4:7

मेम्‍मिमका इनी त्‍वापलाई माम्‍चु़नीकु ल्‍वाडा जु़ल्‍नी। शैताननुङ क्‍वाल्‍बा बेप्‍डा बक्‍नी, मा मेराम गानीलामका स्‍वामा ल।

१ पत्रुस 5:9

छो़म थो़रलु़पा दु़म्‍निम बानिमा शैतानकु कोर्थो़लाम बक्‍नी, हेङालोने खोत्‍ले सु़म्‍दिसेरडा बाट्‌पा थो़रलु़पा वा-ल्‍वाकमिमका वो आरेप्‍मामङा दु़खा ल्‍वामिम बुमी।

रेम्‍बेट्‌मिडिम ल्‍वा 19:10

मेम्‍मा गो गुलाई सेव सान्‍मु उ खेलयु़ कुम्‍सिङडो। लावो गुका गोनुङ र्‍वाक्‍ता, “आरे मेबे। गो ने गाना होङङा माम्‍चु़नीकु खारी बेपा मा येशूका थेसिथेन्‍बेट्‌मिडिम आच्‍छाङाकाम सीसि होङङा लाम्‍दिपा थो़र लु़पा इमा वा-ल्‍वाकमिम होप्‍माम सो़। माम्‍चु़नीलाई कोङङा सेव साट्‍नी। हेङालोने येशूका थेसिथेन्‍बेट्‌डिम आच्‍छाङाकाम सिजेमका माम्‍चु़नीलाम जेपामिमलाई सो़बेट्‌मिडी।”

रेम्‍बेट्‌मिडिम ल्‍वा 22:9

लावो गुका गोलाई आरे बेङ्‌डी, “आरे ने मेबे! गो ने गाना, माम्‍चु़नीलाम जेपा इमा वा-ल्‍वाकमिम नुङ ओराम खाजेमडाम सिजेममिम होम्‍साका दोपामिम होप्‍माम माम्‍चु़नीकु डु़ल्‍चो़ कोङङा सो़। माम्‍चु़नीलाई सेव साडा।”