लूका 4:5 - थुलुङ राई

⁵ शैतानका येशूलाई येप्‍पाला लडु़मा घरिकोङ खोत्‍ले सु़म्‍दिसेरडाम किब्‍दीमिम रेम्‍बेड्‌डु़।

लूका 4:5 Iomraidhean Croise

मत्ती 24:14

मेम्‍मा माम्‍चु़नीका साखाम थो़मिमिमकु दुथाममिम ओराम जो़पा-सेला सु़म्‍दिसेरडा मु़चु़मिमका थो़बेन्‍मी, मा खोत्‍ले मु़चु़का ओराम थो़मी। मेम्‍मा हुक्‍पा थारी रो।

मत्ती 4:8

आथावो शैतानका येशूलाई कोले येप्‍पा पोप्‍चङडला लडु़, मा सु़म्‍दिसेरडाम खोत्‍ले किब्‍दी नुङ मेर्मिमकु खोत्ले जो़पा जो़प्‍सी रेम्‍बेड्‌डु़,

१ कोरिन्थी 15:52

घरिकोङकाङा, मिक्‍सीकु चिक्रिमकाङा, चङडाम थारीकु भुमकु लो़लामडा गुइ मिरो़मडा वाङ दु़म्‍सीमा ख्‍लोसिडी। हेङालोने भुम जे, मा सिपा मु़चु़मिम हेल्‍लो वो मेसिपा बेसाका बमी। गुइ नु़पामिम ने लाले मिरो़म ख्‍लोसिडी।

१ कोरिन्थी 7:31

सु़म्‍दिसेरडाम सोजाममिम मोक्‍पामिमका मेर्मिमडा न मेसोक्‍मिवाम होप्‍माम दु़म्‍मिनु़। हेङालोने सु़म्‍दिसेरकु ओम्‍लोम ङाली दाम्‍मा ल।

२ कोरिन्‍थी 4:17

गुकुनुङ ओम्‍लो कति दु़पा थारी नुङ याक्‍के दु़खा बु, ओरामका हेल्‍लो वो मेदाम्‍पा यु़म-झ्‍वाक्‍सी गुकुगोडा रेडु़। ओराम दु़खाडाम वो मेराम यु़म झ्‍वाक्‍सी ने हापा डोक्‍पु बु।

एफिसी 2:2

मेराम थारीका गानी सु़म्‍दिसेरडाम छु़लचो़मिम होम्‍साका दोन्‍थाल्‍नी। गानी मुनाङ पेलमिमकु हपका र्‍वाक्‍ताम थो़न्‍थाल्‍नी। मेरामका ओम्‍लो माम्‍चु़नीका र्‍वामिमिम मेथो़पा मु़चु़मिमगोडा साखाम थो़त्तो बु़।

एफिसी 6:12

इकीमा क्‍वाल्‍बा मु़चु़मिमनुङ मेएँ, लावो धामुडा बाट्‍पा मुनाङ पेलमिमकु हपमिम, आथामबिलिम तुकुम्‍चिमगोडाम सु़म्‍दिसेरकु साखामचो़मिम, शैतानका थो़पा खोत्‍लेकु कोर्थो़लाम सो़।