लूका 3:3 - थुलुङ राई

³ यूहन्‍नाका यर्दन ब्‍लोकुकु होनो-आथो़म देलबाडेम मु़चु़मिमलाई आरे र्‍वाक्‍तो थो़बेन्‍मु चो़म्‍डु़, “माम्‍चु़नीथो़ ख्‍लोन्‍सिट्‌निमा कु-रु़दु़म रनी। मेकोतिमा माम्‍चु़नीका इनीमा छु़लमिम हेम्‍सानिमी।”

लूका 3:3 Iomraidhean Croise

मत्ती 3:11

“गो ने गानीलाई इनी छु़लमिमलाम माम्‍चु़नीडा ख्‍लोसिबेट्‌पा कु-रु़दु़म ग्‍वानिनी, लावो गोडाम चङडा रोक्‍पा मु़चु़ ने गोडाम वो डोक्‍पु यु़मनुङमा बुमी। गो ने उनीमा डु़ल्‍चो़ दु़म्‍साका उनीमा सो़लो़प कुर्मु वो मेघ्रेटपा बुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

लूका 1:16

गुका हापा इस्राएलीमिमलाई मेर्मिमकु माम्‍चु़नीथो़ ख्‍लोकु़मी।

लूका 1:77

उनीमा मु़चु़मिमलाई उनीमा छु़लमिम हेम्‍सिट्‌मी, मा सेल्‍सिमी र्‍वाक्‍पा न ग्‍वानामी।

लूका 4:1

येशू माम्‍चु़नी-पेलका लु़न्‍सिम्‍डी, मा यर्दन ब्‍लोकुलामका ख्‍लोम्‍सिम्‍डी। मेकोतिमा माम्‍चु़नी-पेलका गुमीलाई र्‍याङगो-र्‍याङगोथो़ लम्‍डी,

यूहन्‍ना 1:28

यूहन्‍नाका कु-रु़दु़म ग्‍वाक्‍तोङा बु़डु़मिम मे यर्दन ब्‍लोकुडाम होनोहोम्बु बेथानिया देलडा ओराम ल्‍वा सो़यु़डु़म बाइडा।

यूहन्‍ना 3:26

यूहन्‍नाकु सीसिपामिम यूहन्‍नाकाडा रोम्‍डिमा र्‍वाम्‍डी, “सीपा, यर्दन ब्‍लोकु होम्‍बुनो गानीनुङ बाट्‌पा, मा उनीमा दुथाम गानी सो़न्‍निम मु़चु़का मु़चु़मिमलाई कु-रु़दु़म ग्‍वाक्‍तोङा लेन्‍मी। खोत्‍ले मु़चु़मिम उनीमाडा लक्‍तोङा लेन्‍मिमिम बु।”

थु़र्मा 13:24

येशू रोमु ङादो यूहन्‍नाका खोत्‍ले इस्राएलीमिमलाई ‘इनी छु़ललामका ख्‍लोन्‍सिट्‌नी, मा कु-रु़दु़म रनी’ बु़डु़मिम बाइडा।

थु़र्मा 19:4

पावलका र्‍वाक्‍ता, “यूहन्‍नाका ग्‍वाक्‍तु़मिम कु-रु़दु़म ने छु़लमिम न-गोलाम मिम्‍सिक्‍साका माम्‍चु़नीडा ख्‍लोक्‍पा रु़दु़म बाइडा। यूहन्‍नाका मु़चु़मिमलाई उ त्‍वापडाम चङडा रोक्‍पाडा थो़र लु़नी बु़डु़मिम येशूडा सो़।”

थु़र्मा 22:16

मेम्‍मिमका दाला बासा, बकामा कु-रु़दु़म रङा। मेकोतिमा उनीमा नङडा सो़म्‍दी बेमा इमा छु़ल हेप्‍डा।’