लूका 11:2 - थुलुङ राई

² गुमीका मेर्मिमलाई र्‍वाम्‍डी, “गानी आरे र्‍वाक्‍साका सो़म्‍दी बेनी: ‘ए पाह्रीला बाट्पा आकीमा पाप, इनीमा सेपा नङ कोसिनु़, इनीमा किब्दी रोनु़,

लूका 11:2 Iomraidhean Croise

मत्ती 10:32

“मु़चु़मिमकु ङादोडा उहेमका गोलाई रङी, पाह्रीला आमा पापकु ङादोडा मेरामलाई वो गो आमा सीसिपा र्‍वाङु।

मत्ती 3:2

“छु़ललाम ख्‍लोन्‍सिट्‌नी, हेङालोने पाह्री-किब्‍दी रोम्‍फामुङा खाप्‍डु़म बु।”

मत्ती 5:16

मेम्साकाङा इनीमा जो़पा खारीमिम झ्‍वामिनु़मा मु़चु़मिमका ल्‍वामिनु़। मेम्‍मा पाह्रीलाम इनीमा पापकु नङ खोत्‍लेका कोमिनु़।

लूका 11:1

कोलेम येशूका कोले खोमडा सो़म्‍दी बेत्तोङा लेट्‌मिडी। गुमीका सो़म्‍दी बोमु दु़म्‍मिडी, मा उनी सीसिपामिमगोडाम कोलेका गुमीनुङ र्‍वाक्‍ता, “ङाचो़, यूहन्‍नाका उ सीसिपामिमलाई सीड्‌डु़मिम होम्‍साकाङा गुकुलाई वो सो़म्‍दी बोमु सीकिनी।”

रोमी 1:7

रोम शहरडा बाट्‍पा गानी खोत्‍लेलाई माम्‍चु़नीका हापा रिखाम बेन्‍निमिमा उनीमा त्‍वाकु सेपा मु़चु़ दु़म्‍मु लागि येट्‌निमिम सो़: इकीमा माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न भ्रसी ल्‍वानिनु़।

रोमी 8:15

हेङालोने गुइलाई डु़ल्‍चो़ दु़म्‍बेसाका आथावो ङिम लु़बेट्‍पा पेल मेएँ लावो गुइलाई माम्‍चु़नीका डु़ल्‍साड्‍डामिम जाउमो तारापाचो़ दु़म्‍बेट्‍पा माम्‍चु़नी-पेल ल्‍वास्‍तिमका गुइ माम्‍चु़नीलाई “अब्‍बा, पाप” र्‍वाक्‍साका सो़म्‍दी बिइ।

१ कोरिन्थी 1:3

इकी माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न-भ्रसी ल्‍वानी।

२ कोरिन्‍थी 1:2

माम्‍चु़नी इकी पाप नुङ ङाचो़ येशू ख्रीष्‍टका गानीलाई दिदाम नुङ न-भ्रसी ग्‍वानिमिनु़।

गलाती 1:4

छु़ल बेत्तोङा बेपा ओराम सु़म्‍दिसेरलामका सेल्‍मु लागि गुमी इकीमा माम्‍चु़नी पापकु न होम्‍साका उनी त्‍वापङा सासेन्‍सिम्‍डी।

एफिसी 1:2

माम्‍चु़नी इकीमा पाप नुङ ङाचो़ येशू ख्रीष्‍टलामका दिदाम नुङ न-भ्रसी ल्‍वानिनु़।

फिलिप्‍पी 1:2

माम्‍चु़नी इकीमा पाप नुङ ङाचो़ येशू ख्रीष्‍टका दिदाम नुङ न-भ्रसी ग्‍वानिमिनु़।

फिलिप्‍पी 4:20

इकीमा माम्‍चु़नी नुङ पापकाम नङ हेल्‍लो लोवो डोक्‍पु दु़म्‍नु़म बुनु़। आमेन।

कलस्‍सी 1:2

कलस्‍से शहरडा बाट्‌पा माम्चु़नीकु मु़चु़मिम गानी ख्रीष्‍टडा थो़र लु़इमिम आकीमा वा-ल्वाकमिमलाई ओराम सेलाखाजेम र्‍याक्‍तोङा बोचुकु। माम्‍चु़नी इकीमा पापका दिदाम नुङ न भ्रसी ग्‍वानिमिनु़।

१ थेसलोनिकी 1:1

गो पावल, सिलास नुङ तिमोथीका गानी थेसलोनिकीडाम मण्‍डलीलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टडा गानी बुनी। माम्‍चु़नीलाम दिदाम नुङ न-भ्रसी ल्‍वानी।

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

रेम्‍बेट्‌मिडिम ल्‍वा 11:15

येतनोम पाह्रीचो़का उ भुम डु़प्‍डु़, मा पाह्रीला आरे र्‍वाक्‍पा डोक्‍पु लो़लाममिम येम्‍डी, “सु़म्‍दिसेरडला साखाम थो़पा यु़म इकीमा ङाचो़ नुङ उनीमा ख्रीष्‍टकाम दु़स्‍ता, मा गुमीका हेल्‍लो लोवो साखाम थो़मिम बुमिमिम दु़म।”

रेम्‍बेट्‌मिडिम ल्‍वा 15:4

मिप्रङमा, सु़का इनीमा ङिम मेजु़लु़ मा सु़का गानी डोक्‍पु नुङ यु़मनुङमा मेर्‍वा? हेङालोने गानी कोङङा सेपा दु़म्‍नी। खोत्‍ले सामामिम इनीमा ङादोडा रोमिमा सेव सानिमी, हेङालोने इनीमा जो़पा खारीमिम दो़स्‍ताम बु।”

रेम्‍बेट्‌मिडिम ल्‍वा 19:6

मेम्‍मा छो़म सेर्पा मु़चु़मिम होङङा येपा, ब्‍लोकु होङङा येपा नुङ डोक्‍पु बुलु़लु़ बु़मिम होप्‍माम लो़लाम गो थो़उतो, मेरामका आरे र्‍वाक्‍ताम बाइडा: “हल्‍लेलूयाह! हेङालोने इकीमा मिप्रङमा खोत्‍लेडाम यु़मनुङमा माम्‍चु़नीका साखाम थो़मी।

रेम्‍बेट्‌मिडिम ल्‍वा 20:4

मेम्‍मा निया बोमु साखाम ग्‍वाक्‍मा मु़चु़मिम साखाम थो़पा गन्‍खोपमिमडा गन्‍तासिट्‌पा गो ल्‍वाउतोमी। मेम्‍मा येशूका थेसिथेन्‍बेट्‌मिडिम सीसि नुङ माम्‍चु़नीकु सिजेम जेम्‍डिमका उनी बुइ क्रिप्‍साका सेट्‌मिडिम मेर्मिमकु पेल वो गो ल्‍वाउतो। मेर्मिमका मे हादीबारा ना उ ङाटा हाम वो सेव साट्‌मिडिम मेबायावा, मा उनी कुप्‍पीडा ना ल्‍वाड्‌डा मेरामकु छाप मेरमिवाम बाइडा। मेर्मिम नु़मबम्‍डी मा ख्रीष्‍टनुङ को धु़म सङ थ साखाम थो़ट्‌मिडी।