लूका 10:3 - थुलुङ राई

³ गानी लक्‍नी, लावो लमु ङादो थो़नी, गानीलाई गो बडिमिमकु थेतेगोडा भेन्‍दाकु चो़ होङङा थु़र्तोङा लेनिनी।

लूका 10:3 Iomraidhean Croise

मत्ती 10:16

“रेप्‍नी, गो गानीलाई बडिमिमकु थेतेडा भेन्‍दामिमलाई होङङा थु़र्तोङा लेनिनी। मेम्‍मिमका गानी ब्‍लो होप्‍माम चङको चङको बाट्‌पा नुङ तुकतुकुर होप्‍माम मुमा मान्थिम जो़पा दु़म्‍नी।

मत्ती 10:22

गानी आमा चङचङ लाम्‍दिपा दु़म्‍निमका खोत्‍ले मु़चु़मिमका गानीलाई मेद्‌वानी। लावो उहेम मु़चु़ दिफुसम्‍म थो़रलु़होम बु, मेराम मु़चु़ सेल्‍सी।

मत्ती 7:15

“उडलाम भेन्‍दा होङङा बेपा लावो ङिमलु़पा बडिमिम होप्‍माम माम्‍चु़नीलाम-जेपा लिसिक्‍पामिमडाम चङचङया बानी वो!

लूका 10:4

गानी खउलुङ, फाजी, सो़लो़प हाम वो मेकुर्नी, मा लाम्‍दीडा मु़चु़मिमलाई सेव सासाका नेम मेतानी।

यूहन्‍ना 10:12

लावो खउलुङ ग्‍वाक्‍साका जु़ल्‍मा मु़चु़ ने त्‍वाकु भेन्‍दामिम बाट्‌पा रेपा-क्रिपा मु़चु़ होप्‍माम मेएँ। मेरामका बडि रोक्‍पा ल्‍वासु़लो भेन्‍दामिमलाई पार्जो़लु़मा स्‍वा। मेम्‍मा बडिका भेन्‍दामिमलाई ङाघ्रकु़मी, मा फोरु़मी।

यूहन्‍ना 15:20

गो गानीलाई र्‍वाङडोम सिजेम मिम्‍नी, ‘डु़ल्‍चो़ नेमहपडाम डोक्‍पु मेदु़म।’ मेर्मिमका आमा ने थो़मतेर्मी माला इनीमा वो थो़मतेर्मी। मेर्मिमका आमा सीसि थो़मी माला इनीमा सीसि वो थो़मी।

यूहन्‍ना 16:2

मेर्मिमका गानीलाई घ्रो़म्‍दीनेममिमलामका पाखा कोल्‍निमी। लावो आरेप्‍माम थारी रोक्‍तोङा लेडु़, कोङनिम उहेमका गानीलाई सेनी मेर्मिमका माम्‍चु़नीकु लाले-पाङके बेत्तोङा लेट्‌पु र्‍वाक्‍पा मिम्‍मी।

थु़र्मा 20:29

हेङालोने गो डिन्‍जो़ल्‍निनिमा लङुमिम चङडा ङिमलु़पा बडि होप्‍माम मु़चु़मिम गानीगोडा रोमी, मा मेर्मिमका खोत्‍ले थो़रलु़पामिमलाई पुयु़लुमु माल्‍मी होङ्‍ङा गो लु़ङडोम बु।

थु़र्मा 9:16

आमा नङकाम लागि मेरामका हाङको दु़खा इम्मु बासी, मे गो मेरामलाई रेम्‍बेट्‌पु।”

थु़र्मा 9:2

मा येशूडा थो़रलु़पामिम वोस्‍चो़-मेसेम उहेम डार्सु़मी, मेर्मिम खोत्‍लेलाई चु़म्‍मुमा यरूशलेमडा रेन्‍मु ल्‍वाउनु़ र्‍वाक्‍साका दमस्‍कस शहरडाम घ्रो़म्‍दीनेममिमनुङ सेलाखाजेम र्‍याला सो़सिड्‌डा।