लूका 1:7 - थुलुङ राई

⁷ मेर्चिपकाम उची चो़ मेबामिवा हेङालोने एलीशिबाकाम चो़ मेदु़म्‍पा बाइडा, मा निफिकाम ङा उची दु लस्‍ताम बाइडा।

लूका 1:7 Iomraidhean Croise

लूका 1:5

यहूदिया क्षेत्रडाम हप हेरोदका साखाम थो़ड्‌डु़म थारीका अबिया दलडाम डोक्‍पु डु़म्‍लाचो़ जकरिया र्‍वाक्‍मा कोले बाइडा। उमा नाइमे एलीशिबा वो डोक्‍पु हारूनकु दोचो़लाममिम बाइडा।

लूका 1:6

मेर्चिप निफि ङा माम्‍चु़नीकु न-गो होप्‍माम बाच्‍ची, मिप्रङमाका बेबेट्‌मिडिम खोत्‍ले खारी नुङ डु़म्‍ला जो़होमका बेपा मु़चु़ बाच्‍ची।

लूका 1:8

कोलेम डु़म्‍लाचो़का बोमु बासिक्‍पा उमा दलका बोमु थारी रोक्‍तालो जकरियाका सो़रनेमगोडा माम्‍चु़नीकु लाले-पाङके बेत्तोङा लेड्‌डु़,

रोमी 4:19

अब्राहाम को सङ थ लिन्‍मु खाप्‍डु़म बाइडा। लावो गुलाई उमा ङावा दु नुङ सारा बुङ मान्‍थिम बाइडा लोवो गुका थो़रलु़मु मेडिरु़वा।

हिब्रू 11:11

अब्राहामकु नाइमे सारा चो़ मेकक्‍पा नुङ छो़म ङामी बाइडा लोवो उमा थो़रकाङा माम्‍चु़नीका गुलाई गोजु़मे दु़म्‍मु चापा दु़म्‍बेट्‌मिडी। हेङालोने ग्‍वानी र्‍वाक्‍पा माम्‍चु़नी थो़रलु़इमिम बुमी र्‍वाक्‍साका गुका थो़र बु़डु़म बाइडा।