लूका 1:2 - थुलुङ राई

² माम्‍चु़नीकु जो़पा-सेला सो़पा उनी डु़ल्‍चो़मिमका ओर्मिम ल्‍वा गुकुनुङ सो़म्‍डिम बु। मे उनीमा डु़ल्‍चो़मिम ने येशूकु दुथाम नुङ येशूका खारी बोमु चो़म्‍मिडिलो आथाममिम ल्‍वा ल्‍वापा थो़पा बाम्‍डी, मा मे ल्‍वाम्‍डिम थो़म्डिम ल्‍वा वाङमिमनुङ सो़म्‍डी।

लूका 1:2 Iomraidhean Croise

मर्कूस 1:1

माम्‍चु़नीकु चो़ येशू ख्रीष्‍टकु दुथाम जो़पा-ल्‍वाकु चो़म द।

मर्कूस 16:20

मेकोतिमा मे सीसिपामिम खोत्‍लेथो़ लम्‍डिमा मु़चु़मिमलाई जो़पा-सेला थो़बेन्‍मु चो़म्‍मिडी। मेकोतिलो माम्‍चु़नीका वो मेर्मिमनुङ दु़म्‍साका खारी बोमु चो़म्‍मिडी, मा छेखोपका मेराम ल्‍वा आच्‍छाङा रेछा र्‍वाक्‍पा रेम्‍बेम्‍डी। आमेन]

मर्कूस 4:14

भ्रल फोट्‌पा खारीचो़ र्‍वाक्‍मा सिजेम दो़पा होप्‍माङा दु़म।

लूका 24:48

गानी ओर्मिम ल्‍वाकु दुथाम सो़पा मु़चु़ सो़।

यूहन्‍ना 15:27

ङादो आथामङा गानी गोनुङ बुनिमिमका गानी वो आमा दुथाम सो़पा दु़म्‍नी।”

यूहन्‍ना 16:4

थारी रो, मा गो गानीलाई चङचङया बाबेट्‌निनिम ल्‍वा इनीमा नडा रो र्‍वाक्‍साका ओराम ल्‍वा गो गानीलाई र्‍वाङडोम बु। गो गानीनुङ बाङडोमका गानीनुङ ङादो गो ओराम ल्‍वा मेर्‍वाङुवा।

थु़र्मा 1:3

क्रूसडा सिम्‍डिम चङ्‌डा गुमीका हापा ल्‍वामिमलामका मेर्मिमकु ङादोडा सिमुलाम बम्‍गेम्‍डिम र्‍वाक्‍पा रेम्‍बेम्‍डी। मेर्मिमनुङ गुमी ब्‍ल धु़म (४०) नेमसम्‍म ल्‍वाला सो़म्‍सिम्‍डी, मा माम्‍चु़नीकु किब्‍दीकु दुथाम सीट्‌मिडी।

थु़र्मा 1:8

लावो माम्‍चु़नी-पेल गानीगोडा योमिमा यु़म ल्‍वानी। मेकोतिमा यरूशलेमडा, खोत्‍ले यहूदियाडा, सामरियाडा, मा सुबु बिर्खोपसम्‍म गानी आमा दुथाम सो़पा दु़म्‍नी।”

थु़र्मा 14:25

पर्गा टापुडा सिजेम दो़च्‍चिमा मेर्चिप अटालियायु़ योक्‍ची।

थु़र्मा 16:6

माम्‍चु़नी-पेलका एशियाडा उनी सिजेम मेदो़नी बेम्‍डिमका पावल नुङ उ ङोप्‍सो़मिम गलातिया नुङ फ्रिगियाडाम देल दु़म्‍तो लम्‍डी।

थु़र्मा 17:11

मेर्मिमका माम्‍चु़नीकु सिजेम छो़म गेर्सी द्‌वाक्‍तो थो़म्‍डिमा पावलका र्‍वाक्‍ताम ल्‍वा आछाङा डे मेएँ र्‍वाक्‍साका हेल्‍लो लोवो माम्‍चु़नीकु सिजेम डासाका थेन्‍मु माल्‍थाल्‍मिडी।

थु़र्मा 26:16

बका, मा इमा त्‍वाकु खेलका येम्‍सा! गो गानालाई आमा डु़ल्‍चो़ नुङ आमा दुथाम सो़पा मु़चु़ दु़म्‍बेनी। मेम्‍मिमका गो इमाडा रेम्‍बेङ्‌सिङ्‌डोम बु। आमा दुथाम ल्‍वान्‍नाम ल्‍वा नुङ दिफु गो गानालाई रेम्‍बेनिमिम ल्‍वामिम खोत्‍ले गाना वाङमिम मु़चु़मिमलाई थो़बेन्‍मुमिबासी।

थु़र्मा 4:20

हेङालोने गुचुकु ल्‍वाच्‍चोकोम नुङ थो़च्‍चोकोम ल्‍वा मेसो़साका बुमु ङा मेचाम्‍चुकु।”

थु़र्मा 8:4

यरूशलेमलामका फोन्‍सिक्‍पामा लक्‍पा थो़रलु़पामिम खोत्‍लेथो़ लम्‍डी, मा येशूकु दुथाम जो़पा-सेला थो़बेन्‍मु चो़म्‍मिडी।

रोमी 15:16

वाङसामाकाम लागि माम्‍चु़नीकु डु़म्‍लाचो़का बोमु बासिक्‍पा होम्‍साका खारी बोमु लागि गुमीका गोलाई ओराम दिदाम ग्‍वाङडिमिम सो़। मेम्मिमका माम्‍चु़नी-पेललाम सेपा दु़म्‍साका माम्‍चु़नीडा सासेन्‍सिमु घ्रेट्‍पा दु़म्‍मिनु़।

१ कोरिन्थी 4:1

गुकु ख्रीष्‍टकु डु़ल्‍चो़ नुङ माम्‍चु़नीकु दुथाम थक्‍मा आच्‍छाङाकाम ल्‍वा सो़मु खुन्‍चु़म ल्वापा मु़चु़ र्‍वाक्‍साका मु़चु़मिमका गुकुलाई मिम्‍मु बासी।

हिब्रू 2:3

मेम्‍साकाङा गुइ मेरामडाम वो आकोति छो़म डोक्‍पु सेल्‍सीकु सीसिथो़ न मेसोकिवा माला हेसाका मेराम डोक्‍पु देन्‍दे ल्‍वामुडाम वाङ दु़म्‍सी मा? ङाचो़ उनी त्‍वाकाङा ङादो ओराम सेल्‍सिसीकाम सीसिकु दुथाम र्‍वाम्‍डी। मेम्‍मा गुमीका र्‍वाम्‍डिम ल्‍वा थो़पामिमका ङा ओराम आच्‍छाङा र्‍वाक्‍साका रेम्‍बेम्‍डी।

१ पत्रुस 5:1

गानीगोडाम मण्‍डली रेपा ङाउमिमलाई गो छो़म र्‍वाङु, हेङालोने गो वो मण्‍डली रेपा कोले ङाउङा सो़। ख्रीष्‍टका दु़खा ल्‍वाम्‍डिम ल्‍वापा गो वो सो़, मा दिफु झ्‍वामिम उनीमा यु़म-झ्‍वाक्‍सी गो वो ल्‍वाउ।

२ पत्रुस 1:16

इकी ङाचो़ येशू ख्रीष्‍ट छो़म यु़मनुङमा नुङ आथावो योमिमिमकु दुथाम गानीलाई गुकु थो़बेत्तोकोलो बाछेन्‍दा लिसिक्‍साका बनेबेम्‍मा सो़म्‍दी होप्‍माम सो़त्तोकोम मेबायावा। लावो उनी डोक्‍पु दु़म्‍सी गुकु आकी मिक्‍सीका ल्‍वात्तोको।