यूहन्‍ना 3:3 - थुलुङ राई

³ येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, लाले दु़म्‍साका मेगक्‍थु़मसम्‍म सु़का वो माम्‍चु़नीकु किब्‍दी ल्‍वामु मेचाप्‍सु़।”

यूहन्‍ना 3:3 Iomraidhean Croise

मत्ती 16:17

येशूका मेरामलाई र्‍वाम्‍डी, “योनाकु तारापाचो़ सिमोन, गाना जिनुङमा सो़। हेङालोने ओराम ल्‍वा मु़चु़लामका गाना सीसिट्‌नाम मेएँ, पाह्रीलाम आमा पापका रेम्‍बेम्‍डिम सो़।

मत्ती 19:24

आथावो गो गानीलाई र्‍वाङु, चु़ल्‍बीकु ग्‍वाङलामका ऊँट लुमु छो़मिम होङङा माम्‍चु़नीकु किब्‍दीगोडा खाप्‍चीचो़ हुमु छो़।”

मत्ती 21:31

“ओर्चिप नलेडा पापका र्‍वाक्‍ताम होङङा उहेमका बु़डु़?” ङाउ डु़म्‍लाचो़मिम नुङ यहूदी ङाउमिमका र्‍वाम्‍डी, “उमा थाकुचो़।” येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, कर फक्‍पामिम नुङ छो़लो़मामिम गानीडाम ङादो माम्‍चु़नीकु किब्‍दीडा हुमी।

मत्ती 5:18

आच्‍छाङा गो गानीलाई र्‍वाङु, सुबु नुङ धामु मेदाममिमसम्‍म माम्‍चु़नीकु डु़म्‍लागोडाम कोले वो मेदाम। मेम्‍मा डु़म्‍लाका र्‍वाक्‍ताम खोत्‍ले ल्‍वा होङङा मेरोक्‍थिथु़मसम्‍म मेरामकाम कोले याक्‍के बिन्‍दु ङा लोवो मेराम मेदाम।

मर्कूस 10:14

लावो येशूका ओराम ल्‍वाम्‍डिमा उनी छोक्‍चो बक्‍ता, मा उनीमा सीसिपामिमनुङ र्‍वाम्‍डी, “याक्‍के चो़च्‍चो़मिमलाई आमाडा रोमु ग्‍वाक्‍निमी। मेर्मिमलाई मेभोप्‍नी, हेङालोने माम्‍चु़नीकु किब्‍दी आरेप्‍माममिमकाम ङा सो़।

मर्कूस 9:47

इमा मिक्‍सीका छु़ल बेबेना माला, मेराम वो थासामा घ्रोक्‍सोका, हेङालोने नले मिक्‍सी बासाका वो खादीयु़ घ्रोला सो़म्‍सिमु ने कोले ङा मिक्‍सीनुङ ङा लोवो माम्‍चु़नीकु किब्‍दीगोनो हुमु ङा जो़पा दु़म।

यूहन्‍ना 1:13

पाइमाखालामका वो मेएँ, मु़चु़कु मुलु़ लोवो मु़चु़कु नका वो मेर्मिम चो़मिम गम्‍डिम मेएँ। लावो माम्‍चु़नीकु नका मेर्मिम माम्‍चु़नीकु चो़ दु़म्‍मिडिम बाइडा।

यूहन्‍ना 1:5

मेराम ओल तुकुम्‍चिमडला झ्‍वा, मा तुकुम्‍चिमका मेरामलाई घ्‍ल्‍वामु मेचाप्‍सु़।

यूहन्‍ना 1:51

गुमीका मेरामलाई र्‍वाम्‍डी, “आच्‍छाङा गो गानालाई र्‍वाङु, पाह्री ह्‌वासिमिम, मा माम्‍चु़नीकु पाह्रीचो़मिम मिनीचो़डला योक्‍तो लक्‍तो बोमिमिम गाना ल्‍वाना।”

यूहन्‍ना 12:40

“गुमीका मेर्मिमकु मिक्‍सी ड्‌याम्‍साम्‍डिम बु, मा मेर्मिमकु न-गो लुङ होप्‍माम बनेबेम्‍साम्‍डिम बु। मेएँ माला ने मेर्मिमका उनी मिक्‍सीका ल्‍वामी मा न-गोका थेसिथेन्‍मी, मा आमाडा ख्‍लोसिमिमा समी।”

यूहन्‍ना 3:4

निकोदेमसका गुमीनुङ र्‍वाक्‍ता, “मु़चु़काम उ दु लमिम चङडा हेसाका आथावो गु गमु चाप्‍सु़ मा? हाम गु आथावो मामकु ङेलगोनो हुसाका गमु चाप्‍सु़?”

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

२ कोरिन्‍थी 5:17

मेम्‍मिमका कोङनिम मु़चु़ ख्रीष्‍टडा बु माला मेराम लाले दु़स्‍ताम मु़चु़ सो़। मेम्‍मा ङादोम त्‍वारो़म दाम्‍स्‍ताम बु, रेप्‍नी, लाले त्‍वारो़म चो़म्‍सिड्‍डाम बु।

गलाती 6:15

कोक्‍ते खिरिरि क्रिप्‍डी लोवो मेक्रिप्‍डी लोवो मेराम डोक्‍पु ल्‍वा मेएँ, लावो मु़चु़मिमका माम्‍चु़नीलाममिम लाले त्‍वारो़म रमुङा खोत्‍लेडाम डोक्‍पु ल्‍वा सो़।

एफिसी 2:1

इनीमा छु़लका नुङ माम्‍चु़नीकु कोर्थो़लाम खारी बेन्‍निमका ङादोम थारीबिलि गानी सिप्‍ल्‍याक्‍पा बान्‍नी।

तीतस 3:5

मा गुइ बिइडिम जो़पा खारीका ने मेएँ, माम्‍चु़नीकु न-थो़मका सेल्‍साड्‌डामी। गुमीका इकीमा छु़लमिम हेप्‍साड्‌डामी, मेम्‍मा उनीमा पेलका लाले त्‍वारो़म ग्‍वाक्‍साका लाले मु़चु़ दु़म्‍बेसाड्‌डामी।

याकूब 3:17

लावो पाह्रीलामका योक्‍पा नेप्‍ची ने ङादोङा सेपा दु़म। मेकोतिमा मेराम न भ्रसिबेट्‌पा, याक्‍के दु़म्‍पा, खोत्‍लेनुङ दु़पा, छो़म न-थो़मनुङमा दु़म्‍साका जो़पा खारी बेपा, चोमिक्‍सी मेबेपा, मा हेल्‍लो लोवो वाङमिम मु़चु़कु दुथाम मिम्‍पा दु़म।

१ पत्रुस 1:3

माम्‍चु़नी नुङ इकी ङाचो़ येशू ख्रीष्‍टकु पापकाम नङ कोसिनु़। छो़म उनी न-थो़मका येशू ख्रीष्‍टकु सिमुलाममिम बग्‍गेसीलामका मेसिपा नकाम लागि गुइ लाले दु़म्‍साका गस्‍तिम बुइ।

१ यूहन्‍ना 2:29

ख्रीष्‍ट माम्‍चु़नीकु न होप्‍माम जो़पा खारी बेपा र्‍वाक्‍पा गानी चनी माला हाम जो़पा बु मेराम खारी बेपा खोत्‍ले मु़चु़ माम्‍चु़नीलाम गम्‍डिम र्‍वाक्‍पा चक्‍नी।

१ यूहन्‍ना 3:9

माम्‍चु़नीलाम गक्‍पा उहेम मु़चु़का वो छु़ल बु़होम मेबु, हेङालोने माम्‍चु़नीकु त्‍वारो़म मेराम मु़चु़ गोनो दु़म। मेराम मु़चु़का छु़ल बु़होम मेबु, हेङालोने मेराम मु़चु़ माम्‍चु़नीलाम गस्‍ताम सो़।

१ यूहन्‍ना 5:1

उहेम मु़चु़का येशूङा ख्रीष्‍ट र्‍वाक्‍पा थो़र बु़, मेराम मु़चु़ माम्‍चु़नीकु चो़च्‍चो़ सो़। मेम्‍मा उहेम मु़चु़का पापलाई रिखाम बु़ उनीमा चो़मिमलाई वो मेरामका रिखाम बु़।

१ यूहन्‍ना 5:18

उहेम मु़चु़ माम्‍चु़नीलाम गस्‍ताम बु मेरामका हेल्‍लो लोवो छु़ल बु़होम मेबु। माम्‍चु़नीकु तारापाचो़का मेराम मु़चु़लाई बोमी-थार्मी मा शैतानका मेराम मु़चु़लाई लु़म्‍मु मेचाप्‍सु़ र्‍वाक्‍पा गुइ च।

१ यूहन्‍ना 5:4

माम्‍चु़नीलाम गक्‍पा खोत्‍ले मु़चु़ सु़म्‍दिसेरडला घ्‍ल्‍वा। गुइलाई सु़म्‍दिसेरडला घ्‍ल्‍वाबेट्‌पा इकीमा थो़र सो़।

रेम्‍बेट्‌मिडिम ल्‍वा 3:14

“लाउडिकिया मण्‍डलीडाम पाह्रीचो़लाई ओराम ल्‍वा र्‍याका: ओराम सिजेम आमेन र्‍वाक्‍पा, थो़रलु़इमिम, माम्‍चु़नीकु आच्‍छाङाकाम ल्‍वा सो़पा, मा उहेमलामका माम्‍चु़नीका खोत्‍ले प्रङ्‌मिडी, मेरामका आरे र्‍वामी।