यूहन्‍ना 3:2 - थुलुङ राई

² सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”

यूहन्‍ना 3:2 Iomraidhean Croise

मत्ती 22:16

मेर्मिमका उनी सीसिपामिमलाई हेरोद हपलाम बासिक्‍पा मु़चु़मिमनुङ येशूकाडा थु़र्मिडी। मेर्मिमका र्‍वाम्‍डी, “ए ङाचो़, गानी लिमा मेथेनी र्‍वाक्‍साका गुकु चकु। माम्‍चु़नीकु लाम्‍दी जो़होमका सीनिमी। गानी सु़लाम वो मेबान्‍सिनी, मा खोत्‍लेलाई कोहोङङा बोनी।

मत्ती 23:7

बजारबाडे डोक्‍पु बेसाका सेव सान्‍ला सो़म्‍सिमु नुङ ‘सीपा’ र्‍वाला सो़म्‍सिमु मेर्मिमका द्‌वामी।

मत्ती 23:8

“लावो गानीलाई सु़का वो ‘सीपा’ मेर्‍वानु़, हेङालोने गानीलाई सीपा ने कोलेङा बुमी, मा गानी खोत्‍ले वा-ल्‍वाक सो़।

मर्कूस 12:14

मेर्मिम उनीमाडा रोम्‍डिमा गुमीनुङ र्‍वाम्‍डी, “ङाचो़, गानी आच्‍छाङाकाम बुनी, मा सु़कामथो़ वो न मेसोनी र्‍वाक्‍पा गुकु चकु, हेङालोने गानी ङाली रेप्‍साका खारी मेबोनी, लावो माम्‍चु़नीकु लाम्दी आच्‍छाङा जो़होमका सो़नी। सो़नीका, कैसरलाई कर सोक्‍सी नु़ डे मेनु़?

यूहन्‍ना 1:38

येशूका चङथो़ रेप्‍मिडिलो मेर्चिप उनी चङचङ बिक्‍तोङा लेट्‌पा ल्‍वाम्‍डिमा मेर्चिपलाई हिलाबेम्‍डी, “हाम माल्‍चिमिम गाची?” मेर्चिपका गुमीनुङ र्‍वाक्‍ची, “रब्‍बी, गानी बान्‍ते बुन्‍थाल्‍नी?” (रब्‍बी र्‍वाक्‍मा “सीपा मु़चु़” सो़।)

यूहन्‍ना 10:38

लावो मेराम खारी गो बेउ माला गोलाई थो़र मेबोङिनी लोवो हेल्‍लो वो मेल्‍वाम्‍मा खारीडा थो़रबेनी। मेम्‍मा पाप आमागोडा बुमी, मा गो पापगोडा बुङु र्‍वाक्‍साका गानी चनी, मा थेसिथेनी।”

यूहन्‍ना 12:37

येशूका मे मु़चु़मिमकु ङादोडा हापा यु़म-खारीमिम बेम्‍डी, लावो मेर्मिमका गुमीडला थो़र मेबेमिवा।

यूहन्‍ना 14:10

“गो पापगोडा बुङु मा पाप आमागोडा बुमी र्‍वाक्‍पा हाम गाना थो़र मेलु़ना? गो गानीलाई र्‍वाङुमिम ल्‍वा आमा त्‍वाकु नका र्‍वाङुमिम मेएँ, आमागोडा बाट्‌पा पापका र्‍वाबेन्‍ङिमिम, मा गुमीका उनी खारी बेत्तोङा लेन्‍मी।

यूहन्‍ना 15:24

मेर्मिमकु ङादोडा वाङमिम सु़का वो मेबेमिवाम खारीमिम गो मेबेउवाम माला मेर्मिम छु़लकु मुमा बेन्‍ला मेसो़सिप्‍मिवा। लावो मेर्मिमका यु़मखारीमिम ल्‍वाम्‍डिम बु, मा वो गो नुङ आमा पापलाई मेद्‌वाचिकी।

यूहन्‍ना 2:11

हेल्‍लो वो मेल्‍वाम्‍मा ओराम उनी खारी खोत्‍लेडाम ङादो येशूका गालीलडाम काना देलडा रेम्‍बेम्‍डी। आरेसाका गुमीका उनी यु़म-झ्‍वाक्‍सी रेम्‍बेम्‍डी, मा उनीमा सीसिपामिमका गुमीडला थो़र लु़म्‍डी।

यूहन्‍ना 20:16

येशूका र्‍वाम्‍डी, “मरियम!” गु येशूथो़ ख्‍लोस्‍तामा हिब्रू ल्‍वाडा र्‍वाक्‍ता “रब्‍बोनी” मेराम र्‍वाक्‍मा “सीपा।”

यूहन्‍ना 3:26

यूहन्‍नाकु सीसिपामिम यूहन्‍नाकाडा रोम्‍डिमा र्‍वाम्‍डी, “सीपा, यर्दन ब्‍लोकु होम्‍बुनो गानीनुङ बाट्‌पा, मा उनीमा दुथाम गानी सो़न्‍निम मु़चु़का मु़चु़मिमलाई कु-रु़दु़म ग्‍वाक्‍तोङा लेन्‍मी। खोत्‍ले मु़चु़मिम उनीमाडा लक्‍तोङा लेन्‍मिमिम बु।”

यूहन्‍ना 4:31

मेराम थारीकाङा उनी सीसिपामिमका गुमीलाई आरे र्‍वाम्‍डिम-र्‍वाम्‍डिमङा बेम्‍डी, “सीपा, हाम-हुम पेनीका।”

यूहन्‍ना 5:36

“लावो यूहन्‍नाका सो़यु़डु़मडाम वो डोक्‍पु ल्‍वामिम गोनुङ बु। खारी बोम्‍सोमु आमा पापका गोलाई ग्‍वाङ्‌डिमिम बु। मेराम गो बेत्तोङा लेट्‌पु। पापका गोलाई थु़र्ङिडिमिम र्‍वाक्‍पा मेरामकाङा सो़यु़।

यूहन्‍ना 6:2

मेम्‍मा छो़म सेर्पा मु़चु़ येशूकु चङचङ लम्‍डी, हेङालोने गुमीका नो़पा मु़चु़लाई सबेट्‌मिडिम हेल्‍लो वो मेल्‍वाम्‍मा खारी मेर्मिमका ल्‍वाम्‍डिम बाइडा।

यूहन्‍ना 7:31

आथावो सेर्पा मु़चु़मिमगोडाम हापा मु़चु़मिमका गुमीडला थो़रलु़म्‍डी। मेम्‍मा मेर्मिमका र्‍वाम्‍डी, “ख्रीष्‍ट योमिलो ओराम मु़चु़का बु़डु़मडाम वो हाम हापा डोक्‍पु यु़मखारीमिम बोमी मा?”

यूहन्‍ना 9:16

फरिसीमिमगोडाम कोङ-कोङका र्‍वाम्‍डी, “मेराम मु़चु़ माम्‍चु़नीलाम योक्‍ताम मेएँ, हेङालोने मेरामका ङेम्‍सिमुनेम खारी बु़।” लावो वाङमिमका र्‍वाम्‍डी, “कोङ छु़लचो़का हेसाका आरेप्‍माम हेल्‍लो वो मेल्‍वाम्‍मा खारीमिम बोमु चाप्‍सु़?” मा मेर्मिमगोडा गो-फ दु़स्‍ता।

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

थु़र्मा 2:22

“इस्राएलडाम मु़चु़नी थो़नी, माम्‍चु़नीका नासरतडाम येशूलामका यु़मखारीमिम, हेल्‍लो वो मेल्‍वाम्‍मा खारीमिम मा छेखोपमिमलाम इनीमा थेतेडा बेम्‍डिम गानी चनिमिम ङा बु। ओर्मिम खारीलामका गुमीलाई इनीमाडा माम्‍चु़नीका थु़र्मिडिम र्‍वाक्‍पा रेम्‍बेम्‍डिम बु।

फिलिप्‍पी 1:14

गोलाई चङडिमिमका ङाचो़ येशूडा थो़र लु़पामिम हापाका माम्‍चु़नीकु सिजेम रुकु फिन्‍साका मा मेङिसाका सो़मु आथावो छो़म सो हन्‍पा दु़म्मिडिम बु।