यूहन्‍ना 2:4 - थुलुङ राई

⁴ येशूका गुलाई र्‍वाम्‍डी, “वा छापा, गो हाम बोमु बासी गोलाई मेर्‍वाक्‍नी। आमा थारी आथावो रोक्‍फाड्‌डाम मिबु।”

यूहन्‍ना 2:4 Iomraidhean Croise

मत्ती 15:28

मेकोतिमा येशूका मे मेसेमलाई र्‍वाम्‍डी, “ए छापा, इमा थो़र छो़म डोक्‍पु बु। गाना र्‍वाक्‍नाम होङङा दु़म्नु़।” मेम्‍मा मे मेसेमकु जाउमोचो़ मेराम थारीकाङा सस्‍ल्‍याड्‌डा।

मत्ती 8:29

मेर्चिपका डोक्‍पु लो़लामका आरे र्‍वाक्‍तो येमु चो़म्‍ची, “माम्‍चु़नीकु तारापाचो़, गानी गुचुकुलाई हाम बोमु माल्‍चिकिनिमिम? हाम माम्‍चु़नीका मुलु़ बेम्‍डिम थारीडाम वो ङादोङा गानी गुचुकुलाई दु़खा ग्‍वाप्‍डा रोक्‍निम?”

लूका 2:49

येशूका मेर्चिपनुङ र्‍वाम्‍डी, “गानी हेङा गोलाई माल्‍ङिडिनिम? हाम गो आमा पापकु नेमडा बुमु बासी र्‍वाक्‍पा गानी चनिम मेबायावा?”

यूहन्‍ना 12:23

येशूका र्‍वाम्‍डी, “मिनीचो़कु यु़म-झ्‍वासिक्‍पा थारी रोक्‍फाड्‌डाम बु।

यूहन्‍ना 13:1

सेल्‍सिमुनेमकु चाड ङादो गुमीका ओराम सु़म्‍दिसेर डिसाका पापकाडा लक्‍पा उनी थारी रोक्‍फाड्‌डा र्‍वाक्‍साका येशूका चम्‍डी। गुमीका सु़म्‍दिसेरडा बाट्‌पा उनी सीसिपामिम खोत्‍लेलाई रिखाम बेत्तो मेर्मिमलाई चङ्‌डासम्‍म छो़म रिखाम बेम्‍डी।

यूहन्‍ना 2:3

अङ्‍गूरकु बिलाम हुक्‍ता, मा येशूकु मामका गुमीलाई र्‍वाक्‍ता, “ओर्मिमनुङ अङ्‍गूरकु बिलाम मिबु।”

यूहन्‍ना 20:13

मेर्चिपका र्‍वाक्‍ची, “ए वा छापा, हेङा ख्राम्‍नामिम?” गुका र्‍वाक्‍ता, “मेर्मिमका आमा ङाचो़लाई लम्‍डी रेछा, मा गुमीलाई बान्‍ते जु़ल्‍मिडिम बु मेराम गो मेचक्‍पु।”

यूहन्‍ना 20:15

येशूका गुलाई र्‍वाम्‍डी, “ए वा छापा, गाना हेङा ख्राप्‍तोङा लेना? मा सु़लाई माल्‍तोङा लेनामिम?” गुका गुमीलाई बगैंचा रेपा मु़चु़ र्‍वाक्‍पा मिम्‍डु़मा र्‍वाक्‍ता, “वाआ, गानी गुमीलाई ओलामका लक्‍निम माला बान्‍ते जु़ल्‍निम बु सो़नीका मा गो गुमीलाई लक्‍पुमी।”

यूहन्‍ना 7:30

मेम्‍मा ङाउमिमका गुमीलाई चु़म्‍मु माल्‍मिडी, लावो सु़का वो गुमीडला ल्‍वा मेफिक्‍मिवा, हेङालोने उनीमा थारी आथावो रोक्‍ताम मेबायावा।

यूहन्‍ना 7:6

येशूका मेर्मिमलाई र्‍वाम्‍डी, “आमा लागि जो़पा थारी आथावो रोक्‍ताम मिबु, इनीमा लागि ने उहेम थारी लोवो जो़पाङा बु।

यूहन्‍ना 7:8

गानी ओराम चाड मानेबेप्‍डा लक्‍नी। गो ने ओराम चाडडा मेलङु, हेङालोने आमा थारी आथावो रोक्‍ताम मिबु।”

यूहन्‍ना 8:20

सो़रनेम गोडा ग्‍वा-ग्‍वा ग्‍वाखोप फार्डा सीट्‌मिडिलो येशूका ओराम ल्‍वा र्‍वाम्‍डिम बाइडा। मेम्‍मा वो सु़का वो गुमीलाई मेचु़म्‍मिवा, हेङालोने आथावो उनीमा थारी रोक्‍ताम मेबायावा।

२ कोरिन्‍थी 5:16

मेम्‍मिमका सु़म्‍दिसेरडाम मु़चु़मिमकु रेप्‍सी होम्‍साका आथाडा आनो गुकु सु़लाई वो मेरेम्‍कु। कोबिलि ख्रीष्‍टलाई आरेसाकाङा रेप्‍तोको लावो आथाडा आनो गुमीलाई मेम्‍साका मेरेम्‍कु।