यूहन्‍ना 1:9 - थुलुङ राई

⁹ खोत्‍ले मु़चु़लाई ओल ग्‍वाक्‍पा आच्‍छाङाकाम ओल सु़म्‍दिसेरडा योक्‍तोङा बेम्‍डी।

यूहन्‍ना 1:9 Iomraidhean Croise

मत्ती 6:23

लावो इनी मिक्‍सी मेजो़पा बु माला खोत्‍ले मिरो़मङा तुकुम्‍चिमनुङमा दु़म। गानीगोडा बाट्पा ओल तुकुम्‍चिम दु़स्‍ता माला गानी छो़म मेजो़पा दु़म्‍नी।

लूका 11:36

इनी मिरो़म ओलडा बु माला, इनी मिरो़म तुकुम्‍चिमका हुप्‍डु़म मिबु माला, धिप्‍रीकु ओल गानीडला झ्‍वामिम होङङा गानी झ्‍वानी।”

यूहन्‍ना 1:4

गुमीडा त्‍वारो़म बाइडा, मा मेराम त्‍वारो़म मु़चु़मिमकु ओल बाइडा।

यूहन्‍ना 1:7

खोत्‍लेका मेराम ल्‍वा थो़साका थो़रलु़मिनु़ र्‍वाक्‍साका ओलकु दुथाम मु़चु़मिमनुङ सो़प्‍डा गु रोक्‍ता।

यूहन्‍ना 12:46

गो ओराम सु़म्‍दिसेरडा ओल दु़म्‍साका योङ्‌डोम बु, मा गोडला थो़रबेपा मु़चु़ सु़ वो तुकुम्‍चिमडा मेदु़म्‍नु़।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 15:1

“गो आच्‍छाङाकाम अङ्‍गूरकु रो़ल सो़, मा अङ्‍गूर रेपा आमा पाप बुमी।

यूहन्‍ना 6:32

येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, पाह्रीलामका गानीलाई सो़बेम ग्‍वाक्‍पा मोशा मेएँ, लावो पाह्रीलाम आच्‍छाङाम सो़बेम गानीलाई ग्‍वाक्‍पा आमा पाप सो़।

यूहन्‍ना 7:12

सेर्पा मु़चु़का सु़पील्‍वाका उनी दुथाम छो़म जेत्तोङा लेट्‌मिडी। कोङनिमका र्‍वाम्‍डी, “मेराम मु़चु़ जो़पा बु।” वाङमिमका र्‍वाम्‍डी, “मेएँ, गुका ने मु़चु़मिमलाई लु-फेले बु़मिम बु।”

१ यूहन्‍ना 1:8

गुइ छु़ल मान्‍थिम बुइ र्‍वाकी माला ने गुइ इकी त्‍वाकाङा त्‍वापलाई ताङताहेरथो़ ल, मा आच्‍छाङाकाम ल्‍वा गुइनुङ मेदु़म।

१ यूहन्‍ना 2:8

मेम मावो गानी बोमु बासिक्‍पा कोले नले ल्‍वा गानीलाई र्‍याक्‍तोङा बेउ। ओराम आच्‍छाङा ख्रीष्‍टडा बु मा गानीडा वो बु। हेङालोने तुकुम्‍चिम दाम्‍तोङा लेडु़ मा आच्‍छाङाकाम ओल ङादो आथामङा झ्‍वाहोम बु।

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।