यूहन्‍ना 1:4 - थुलुङ राई

⁴ गुमीडा त्‍वारो़म बाइडा, मा मेराम त्‍वारो़म मु़चु़मिमकु ओल बाइडा।

यूहन्‍ना 1:4 Iomraidhean Croise

मत्ती 4:16

माम्‍चु़नी मेछेसाका तुकुम्‍चिमडा होङङा बाट्‌पा मु़चु़मिमका माम्‍चु़नीकु सेल्‍सीकाम ओल ल्‍वाम्‍डिम बु। मेसिपा त्‍वारो़म मेल्‍वापा मु़चु़मिमडला मे ओल झ्‍वाक्‍ताम बु।”

लूका 2:32

वाङसामामिम सेल्‍सिक्‍पा लाम्‍दी रेम्‍बेट्‌पा ओल नुङ इनी त्‍वाकु सामा इस्राएलीमिमकु यु़म-झ्‍वाक्‍पा ओल मेराम दु़म्‍बेट्‌निम बु।”

यूहन्‍ना 11:25

येशूका गुलाई र्‍वाम्‍डी, “सिमुलाम बग्‍गेसी नुङ त्‍वारो़म गोङा। गोडला थो़रबेपा मु़चु़ सिडा माला वो सिमुलामका बगे।

यूहन्‍ना 12:35

येशूका मेर्मिमलाई र्‍वाम्‍डी, “आथावो घरिकोङसम्‍म ओल गानीनुङ दु़म। ओल गानीनुङ बुलो लाम्‍दिनी, मा तुकुम्‍चिमका गानीलाई मेहुम्‍निनु। तुकुम्‍चिमडा लाम्‍दिपा मु़चु़का गु बान्‍ते लक्‍तोङा लेडु़, मेराम मेच।

यूहन्‍ना 12:46

गो ओराम सु़म्‍दिसेरडा ओल दु़म्‍साका योङ्‌डोम बु, मा गोडला थो़रबेपा मु़चु़ सु़ वो तुकुम्‍चिमडा मेदु़म्‍नु़।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 3:19

मुलु़दुङकु ओरामङा सो़: माम्‍चु़नीकु ओल सु़म्‍दिसेरडा योक्‍ताम बाइडा। लावो मु़चु़मिमका ओलडाम ने तुकुम्‍चिमङा हापा द्‌वाम्‍डी, हेङालोने मेर्मिमकु खारीमिम मेजो़पा बाइडा।

यूहन्‍ना 5:21

पापका सिपा मु़चु़मिमलाई फमिमा मेर्मिमलाई मेसिपा त्‍वारो़म ग्‍वामी। मेम्‍साकाङा तारापाचो़का उहेमलाई उ ग्‍वाग्‍वाद्‌वा मेरामलाई मेसिपा त्‍वारो़म ग्‍वाकु़।

यूहन्‍ना 5:26

त्‍वारो़म ग्‍वाक्‍पा यु़म पापकाडा बुमिम होम्‍साका त्‍वारो़म ग्‍वाक्‍पा यु़म पापका उनीमा तारापाचो़लाई ग्‍वाम्‍डिम बु।

यूहन्‍ना 8:12

आथावो येशूका मु़चु़मिमनुङ ल्‍वाबेम्‍डी, मा र्‍वाम्‍डी, “सु़म्‍दिसेरडाम मु़चु़मिमकु ओल गोङा सो़। आमा चङचङ लाम्‍दिपा मु़चु़ हेल्‍लो वो तुकुम्‍चिमडा मेलाम्‍दी, लावो मेरामका त्‍वारो़म ग्‍वाक्‍पा ओल ल्‍वासु़।”

यूहन्‍ना 9:5

गो सु़म्‍दिसेरडा बुङुमिमसम्‍म सु़म्‍दिसेरडाम मु़चु़मिमकु ओल सो़।”

थु़र्मा 26:23

मेर्मिमका आरे दु़म र्‍वाम्‍डिम बाइडा, ख्रीष्‍ट सिमु ङा बासी, मा सिमुलाम बग्‍गेट्‌पामिमडाम ङादोम दु़म्‍साका गुमीका यहूदीमिम नुङ वाङसामामिमलाई माम्‍चु़नीकु ओल होप्‍माम सिजेमकु दुथाम सो़मी।”

१ कोरिन्थी 15:45

मेम्‍मिमका माम्‍चु़नी सिजेमडा र्‍याक्‍मा बु, “खोत्‍लेडाम ङादोम मु़चु़ आदम उ सामनुङमा दु़स्‍ता।” लावो चङडाम आदम त्‍वारो़म ग्‍वाक्‍पा पेल सो़।

एफिसी 5:14

मेम्‍मा बान्‍ते ओल झ्‍वा, मेरामका खोत्‍ले ल्‍वा दो़बेडु़। मेम्‍मिमका आरे र्‍वाक्‍मा बु, “अम्‍चेट्‌पामिम ङोन्‍सिट्‌नी, मा सिमुलाम बग्‍गेट्‍नी, मा ख्रीष्‍टका उनीमा ओल गानीडला झ्‍वाबेन्‍मी।”

कलस्‍सी 3:4

ख्रीष्‍ट, इनीमा आच्‍छाङाकु त्वारो़म बुमी, मा गुमी सु़म्‍दिसेरडा रेम्‍बेम्सिमिलो गानी वो गुमीनुङ जो़पा नुङ डोक्‍पु दु़म्साका रेम्‍बेन्सिनी।

१ यूहन्‍ना 1:1

सु़म्‍दिमोलो आथामङा बाट्‌पा कोले, गुमीलाई गुकु ल्‍वात्तोकोम थो़त्तोकोम बु। गुकु आकी मिक्‍सीकाङा गुमीलाई ल्‍वात्तोकोम बु, मा आकी ल्‍वाकाङा गुमीलाई लु़प्‍तोकोम बु। गुमी येशू ख्रीष्‍ट, त्‍वारो़म ग्‍वाक्‍पा सिजेम।

१ यूहन्‍ना 1:2

माम्‍चु़नीका गुमीलाई रेम्‍बेम्‍डी, मा गुकु ल्‍वात्तोको मा गुकु उनीमा दुथाम सो़कु। मेम्‍मा हेल्‍लो वो मेसिपा मेराम त्‍वारो़मकु दुथाम गानीनुङ सो़कु। गुमी पापनुङ बाम्‍डी, मा माम्‍चु़नीका गुकुनुङ रेम्‍बेम्‍डी।

१ यूहन्‍ना 5:11

गुमीका सो़म्‍डिम ल्‍वा ओरामङा: माम्‍चु़नीका गुइलाई हेल्‍लो वो मेसिपा त्‍वारो़म ग्‍वाक्‍साड्‌डामी मा ओराम त्‍वारो़म उनीमा तारापाचो़डा बु।

रेम्‍बेट्‌मिडिम ल्‍वा 22:1

मेकोतिमा बिल्‍लौर लुङ कोतिम छ्‌याङलो-छ्‌याङलोम त्‍वारो़म ग्‍वाक्‍पा कुकु ब्‍लोकु पाह्रीचो़का गोलाई रेम्‍बेट्‌ङिडी। मेराम ब्‍लोकु माम्‍चु़नी नुङ भेन्‍दाचो़कु साखाम थो़खोप खोमलामका लुक्‍योक्‍साका

रेम्‍बेट्‌मिडिम ल्‍वा 22:16

“गो, येशूका, मण्‍डलीमिमकाम लागि ओराम ल्‍वा सो़मु आमा पाह्रीचो़ इमाडा थु़र्तोम बु। दाऊदकु फ्रु़प नुङ चो़-चु़सु़, नुङ नेमछेमुकु झ्‍वाक्‍पा सोरलुङ गोङा सो़।”