याकूब 4:1 - थुलुङ राई

¹ गानीगोडा क्‍वाल्‍बा नुङ रिबुसीमिम हामका दु़म? इनीमा गोगोडा हेल्‍लो लोवो क्‍वाल्‍बा बेपाम बाट्‌पा त्‍वाप कोङङा नु़मु र्‍वाक्‍पा नमिमलामका मेर्मिम दु़म।

याकूब 4:1 Iomraidhean Croise

मत्ती 15:19

हेङालोने न-गोलामकाङा मेजो़पा न, मु़चु़ सेट्‌पा, नाम्‍सु़रु़, वाङमी मेसेमनुङ अम्‍बाल्‍पा, खुपा, लिमा थेट्‌पा, मा डक्‍साका जेपा ल्‍वामिम लुमी।

यूहन्‍ना 8:44

इनीमा पाप शैतान। गानी उमा चो़मिम। इनीमा पापकु न होङङा बोमु गानी न बोनी। मेराम ने सु़म्‍दिमोलो आथामङा मु़चु़ सेट्‌पा बाइडा। मेरामका आच्‍छाङाकाम ल्‍वा हेल्‍लो लोवो मेद्‌वाकु़वा, हेङालोने गुनुङ आच्‍छाङाकाम ल्‍वा वो मिबु। मेरामका लिमा थेडु़लो उ बेसी-दोसी होम्‍साकाङा जे, हेङालोने मेराम लिमाचो़, मा मु़चु़मिमलाई लिमा थेन्‍बेट्‌पा।

रोमी 7:23

लावो आमा अंगमिमडा कोङमी ल्‍वाकु यु़मका आमा न-गोडा बाट्‍पा यु़मनुङ क्‍वाल्‍बा बु़। मेम्‍मा नगोडा बाट्‍पा ओराम छु़लनुङमा यु़मका गोलाई बन्‍थाङी।

रोमी 7:5

गुइ कोबिलि इकीमा मिरो़मडाम बादीखाम होम्‍साका दोस्‍थाल्‍ली। मेम्‍लो डु़म्‍लाका इकीमा न होम्‍साका दोमु लागि गुइलाई कोमुमा छु़लथो़ लाम बबेसाका गुइगोडा सिमुलाम रेथाल्‍लु़।

रोमी 8:7

मिरो़मडाम नसीहोमका दोपा मु़चु़ माम्‍चु़नीकु कोर्थो़लाम बमिम दु़म। हेङालोने गुका डु़म्‍ला होम्‍साका बु़डु़म मेदु़म मा डु़म्‍ला होम्‍साका दोमु वो मेचाप्‍सु़।

गलाती 5:17

हेङालोने न-गोडाम मेजो़पा नकु को-कोक्‍सी ने माम्‍चु़नी-पेलकु कोर्थो़लाम दु़म। मेम्‍मा माम्‍चु़नी-पेलका र्‍वामु माल्‍लु़म ने मेजो़पा नकु को-कोक्‍सीकु कोर्थो़लाम दु़म। ओर्चिप ल्‍वा कोले कोङमीकु कोर्थो़लाम दु़म्‍चिमका गानी बोमु माल्‍निमिम ल्‍वा दु़म्‍मु मेचाप्‍सु़।

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

२ तिमोथी 2:23

नेप्‍ची मान्‍थिम नुङ हाम ना हामकु खाल्‍बेपा ल्‍वामिमडाम वाङ बाया, हेङालोने ओर्मिम ल्‍वाका रिबुसी ग र्‍वाक्‍पा गाना चनामिमङा बु।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

तीतस 3:9

लावो हाम ना हामकु ल्‍वाडा खाल्‍बोमु, पाइमाखाकु दुथाम खाल्‍बोमु नुङ मोशाकु डु़म्‍लामिम होम्‍साका दोमुकु दुथाम रिबुसी किन्‍मुडाम गाना वाङ बाया वो। हेङालोने ओर्मिम ल्‍वा ने हाम ना हामकाम नुङ नेमताबेट्‌पा कोङङा सो़।

याकूब 1:14

लावो खोत्‍ले मु़चु़मिम त्‍वाकु मेजो़पा नकाङा रारी बेसाका न छाम्‍ला सो़म्‍सिमी,

याकूब 4:3

गानी बिनी लावो मेल्‍वानी, हेङालोने त्‍वाकु न गेर्सिबेन्‍मु लागि मेजो़पा नका बिनी।

१ पत्रुस 1:14

माम्‍चु़नीका र्‍वामिमिम थो़पा चो़च्‍चो़मिम होङङा गानी बोमु-दोमु बासी। ङादो बिलि आच्‍छाङाकाम ल्‍वा मेचक्‍साका इनी नकु कोकोक्‍सीका मेजो़पा बेन्‍निम होङङा मेबेनी।

१ पत्रुस 2:11

द्‌वादीबुङ ङोप्‍सो़नी, गो गानीलाई छो़म र्‍वाङु, ओराम सु़म्‍दिसेरडा गानी कोलेम-नलेम बाट्‌पा नुङ वाङथो़लाम रोक्‍पा मु़चु़ होप्‍माम सो़। थेसिथेट्‌निमा इनी गोनो क्‍वाल्‍बा बेपा मिरो़मडाम मेजो़पा ल्‍वामिमडाम वाङ बानी।

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।

२ पत्रुस 3:3

खोत्‍लेडाम ङादो गानी ओराम ल्‍वा थेसिथेन्‍मु बासी, हुक्‍पा थारी बिलि गानीलाई सेम्‍ला बेट्‌पा मु़चु़मिम रोमी, सेम्‍ला बेसी नुङ मेर्मिमकु उनी मेजो़पा नमिम होम्‍साका दोमी।