याकूब 3:1 - थुलुङ राई

¹ वा-ल्‍वाकनी, गुइ मण्‍डलीडा सीपा मु़चु़मिमकाम ने छो़म छो़पा निया दु़म र्‍वाक्‍पा चनी, मेम्‍मिमका गानीगोडाम खोत्‍लेका ने सीपा मु़चु़ दु़म्‍मु मेमाल्‍नी।

याकूब 3:1 Iomraidhean Croise

मत्ती 10:24

“सीसिपा, सीपाडाम डोक्‍पु मेदु़म, मा डु़ल्‍चो़, नेमहपडाम डोक्‍पु मेदु़म।

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

मत्ती 23:14

[गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, अर्दोमेमिमलाई ख्‍लो़पा लिन्‍सिनीमा उनी खाप्‍ची पोन्‍सानी। मु़चु़मिमलाई रेम्‍बोमु लागि छो़म धु़प्‍पा सो़म्‍दी बेपा लिन्‍सिनी। मेम्‍मिमका गानी छो़म इम्‍मु मेझापा देन्‍दे ल्‍वानी।]

मत्ती 9:11

फरिसीमिमका ओराम ल्‍वाम्‍डिमा येशूकु सीसिपामिमनुङ र्‍वाम्‍डी, “इनीमा सीपाका कर फक्‍पामिम, छु़लचो़मिमनुङ हेङा पोमी-डुमिमिम?”

लूका 16:2

मेम्‍मिमका मे खाप्‍चीचो़का मेरामलाई येड्‌डु़मा हिलाबु़डु़, ‘इमा दुथाम गो हाम-हुम थो़त्तोङा लेट्‌पु। खोत्‍ले खाप्‍चीकु हिसाब गोलाई रेम्‍बेट्‌ङी। आथाडा आनो गाना आमा खाप्‍ची रेम्‍मु मेल्‍वाना।’

लूका 6:37

“सु़काम वो निया मेबेनी, मा माम्‍चु़नीका इनीमा निया मेबोमी। सु़लाई वो मुमा मेबेट्‌नी, मा माम्‍चु़नीका गानीलाई मुमा मेबेनिमी। मु़चु़मिमलाई पाचो ग्‍वाक्‍निमी, मा माम्‍चु़नीका गानीलाई वो पाचो ग्‍वानिमी।

यूहन्‍ना 3:10

येशूका गुलाई र्‍वाम्‍डी, “गाना ने यहूदीमिमकु डोक्‍पु सीपा मु़चु़, मा ओराम ल्‍वा आथावो थेसिमेथेनामिम?

थु़र्मा 13:1

एन्‍टिओखियाडाम मण्‍डलीडा कोङनिम माम्‍चु़नीलाम-जेपामिम नुङ सीपा मु़चु़मिम बाम्‍डी। मेर्मिम, बारनाबास, केकेम र्‍वाक्‍मा शिमियोन, कुरेनीडाम लुकियस, हेरोद हपकु ल्‍वाक बनेबेम्‍डिमा डु़ल्‍मिडिम मनेन नुङ शाऊल बाम्‍डी।

१ कोरिन्थी 12:28

माम्‍चु़नीका मण्‍डलीडा आरेसाका जु़ल्‍मिडिम बु, ङादोमडा थु़र्मामिम, मेरामकु चङडा माम्‍चु़नीलाम जेपामिम, मेकोतिमा सीपा मु़चु़मिम। मेम्‍मा हेल्‍लो वो मेल्‍वाम्‍मा खारी बेपामिम, मा नो़पामिमलाई सबेट्‌पा राप्‍लावा ल्‍वापामिम, वाङमिमलाई ख्‍लो़पामिम, मण्‍डली रेपा बेपा मु़चु़मिम, वाङ सामा ल्‍वा जेमु राप्‍लावा ल्‍वापामिम।

२ कोरिन्‍थी 5:10

गुइ खोत्‍ले ख्रीष्‍टका निया बेपा गन्‍खोपकु ङादोडा येम्‍सिमु बासी, मा मु़चु़का मिरो़मडा बाइडालो जो़पा डे मेजो़पा हाम बु़डु़म बु मेराम होम्‍साका निया ल्‍वासु़।

एफिसी 4:11

गुमीकाङा याङलाई थु़र्मा दु़म्‍बेट्‌मिडी, याङ माम्‍चु़नीलाम जेपा, याङलाई जो़पा-सेला दो़पा, याङ मण्‍डली रेपा मा याङ मण्‍डलीडा सीपा दु़म्‍बेट्‌मिडी।

१ तिमोथी 1:7

मेर्मिम मोशाकु डु़म्‍ला सीपा मु़चु़ दु़म्‍मु न बोमी, लावो त्‍वाका जेमिमिम ल्‍वा नुङ आच्‍छाङा र्‍वाक्‍साका जेमिमिम ल्‍वाकु दुथाम हाम वो थेसिमेथेन्‍मी।

१ तिमोथी 2:7

मेम्‍मिमका माम्‍चु़नीका ओराम उनी नकाम लागि जो़पा-सेला सो़पा नुङ थु़र्मा थुट्‌ङिडिमिम बु, मा आच्‍छाङाकाम सिजेम वाङसामामिमलाई सीपा मु़चु़ दु़म्‍ङोडोम बु। गो ओराम लिमा मेथेसाका आच्‍छाङा र्‍वाङुमिम सो़।

२ तिमोथी 1:11

ओराम जो़पा-सेलाकाम लागि जो़पा-सेला थो़बेट्‌पा, थु़र्मा नुङ सीपा कोङ मु़चु़ माम्‍चु़नीका गोलाई थुट्‌ङिडिमिम बु।

हिब्रू 13:17

मण्‍डलीडाम ङाचो़मिमकु ल्‍वाडा बानी मा मेर्मिमका र्‍वामिमिम थो़नी। हेङालोने ङाचो़मिमका हेल्‍लो लोवो इनीमा त्‍वारो़म बोमी-थार्मी मा माम्‍चु़नीकु ङादोडा मेर्मिमका इनीमा खारीकु दुथाम सो़मी। मेर्मिमका ओराम खारी गेर्सी द्‌वाक्‍तो बोमिनु़, मेभ्रसिक्‍तो खारी बोमी माला ने मेरामलाम गानी हाम वो जो़पा ल्‍वा मेल्‍वानी।

याकूब 1:16

द्‌वादीबुङ वा-ल्‍वाकनी, इनीमा नड्‍डा मेजो़पा मिम्‍साका मेख्‍लो़ट्‌नी।

याकूब 1:19

आमा द्‌वादीबुङ वा-ल्‍वाकनी, ओराम ल्‍वा थेट्‌नी: खोत्‍ले मु़चु़ दाला थो़पा, वाखा जेपा, मा छोक्‍चो इम्‍सिक्‍पा दु़म्‍मु बासी।

याकूब 3:10

कोले सिलामकाङा नङ कोमु नुङ वाइतो बेन्‍मु ल्‍वा लु? आमा वा-ल्‍वाकनी, आरेप्‍माम ने दु़म्‍सिमेनु़।

१ पत्रुस 5:3

गानीलाई रेम्‍बेबेट्‌मा मु़चु़मिमडला साखाम थो़साका मेएँ लावो मेर्मिमकाम लागि कोले रेम्‍बेपा मु़चु़ दु़म्‍साका रेप्‍नी।