याकूब 1:9 - थुलुङ राई

⁹ थो़रलु़पामिमगोडाम उ हाम वो मेबाट्पा याक्‍के मु़चु़लाई माम्‍चु़नीका डोक्‍पु बोमिमिम थारीकाम लागि गु छो़म गेर्सी द्‌वानु़,

याकूब 1:9 Iomraidhean Croise

लूका 1:52

गुमीका साखामचो़मिमलाई हाम ना हामकाम दु़म्‍बेट्‌मिडिम बु, मा याक्‍के दु़म्‍पामिमलाई डोक्‍पु बेम्‍डिम बु।

लूका 10:20

मेमङा लावो मुनाङपेलमिमका गानी र्‍वानिमिम थो़मी र्‍वाक्‍साका गानी मेगेर्सिट्‌नी। लावो इनीमा नङ पाह्रीला र्‍यास्ताम बु र्‍वाक्‍साका गेर्सिट्‌नी।”

लूका 14:11

हेङालोने उहेम मु़चु़का डोक्‍पु मिम्‍सी मेराम याक्‍के दु़म, मा उ त्‍वाप याक्‍के दु़म्‍पा मु़चु़ ने डोक्‍पु दु़म।”

लूका 9:48

मेम्‍मा मे सीसिपामिमलाई र्‍वाम्‍डी, “उहेमका गोडला थो़रलु़डामका ओराम चो़च्‍चो़लाई हुनाखाना बु़, मेरामका गोलाई हुनाखाना बोङि, मा मेराम मु़चु़का गोलाई थु़र्पा माम्‍चु़नीलाई वो हुनाखाना बु़। गानीगोडाम खोत्‍लेडाम याक्‍के सु़ बु, मेराम मु़चु़ङा खोत्‍लेडाम डोक्‍पु दु़म।”

रोमी 8:17

गुइ उनीमा चो़-चु़सु़ माला, ने उनीमा खुन्‍चु़म ल्‍वापा वो गुइ ङा सो़। माम्‍चु़नीलाममिम खुन्‍चु़म ल्‍वापा मा ख्रीष्‍टनुङ बोम्‍था खुन्‍चु़म ल्‍वापा सो़। गुमीनुङङा गुइ वो दु़खा इम्‍डी माला उनीमा यु़म-झ्‍वाक्‍सीडा गुइ वो दु़म्‍सी।

२ कोरिन्‍थी 6:10

न-गोडा दु़खा बु लोवो हेल्‍लो लोवो भ्रसिक्‍पा बुकु। गुकु हाम वो मेबाट्‌पा लोवो हापा मु़चु़लाई खाप्‍चीचो़ दु़म्‍बेट्‌पा बुकु। हाम वो मेबाट्‌पा लोवो खोत्‍लेम थोक बाट्‌पा बुकु।

फिलिप्‍पी 3:14

गो पुरस्‍कार घ्‍ल्‍वामु लागि मेरामथो़ उन्‍सिङु। मेरामकाम लागि ख्रीष्‍ट येशूडा माम्‍चु़नीका पाह्रीला येट्‌ङिडिमिम बु।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।

रेम्‍बेट्‌मिडिम ल्‍वा 2:9

गो इमा थो़मतेर्सिड्‍डाम चक्‍पु, गानानुङ हाम वो मिबुमिम वो चक्‍पु, लावो पाह्रीला ने गाना खोत्‍लेका लिट्‌पा बुना। इमा दुथाम मेजो़पा जेपा मेर्मिम मु़चु़लाई गो छेपुमी। मेर्मिमका उनी त्‍वाप ने माम्‍चु़नीकु मु़चु़ यहूदी र्‍वामी, मेर्मिम यहूदी मेएँ लावो मेर्मिम ने शैतानकु घ्रो़म्‍दीनेम सो़।