याकूब 1:6 - थुलुङ राई

⁶ मेरामका उमा नडा हाम वो मेमुर्साका, लावो थो़रलु़साका बियु़नु़, हेङालोने नडा मुर्सिक्‍पा ने जुका भाल-आथो़ घ्रोक्‍पा दिरिदिनकु बाबारिम होप्‍माम सो़।

याकूब 1:6 Iomraidhean Croise

मत्ती 14:28

पत्रुसका र्‍वाक्‍ता, “ङाचो़, आच्‍छाङा गानीङा माला कुकु थेम-थेम लाम्‍दिसाका इनीमाडा बिमु ग्‍वाङनी।”

थु़र्मा 10:20

मेम्‍मिमका बका, मा ध्‍वायु़ लक्‍सामा इमा नड्‌डा हाम वो मेमुर्सिक्‍साका मेर्मिमनुङ लक्‍सा, हेङालोने मेर्मिमलाई गो थु़र्तोमिम सो़।”

एफिसी 4:14

आरेसाका गुइ चो़च्‍चो़ होप्‍माम मेदु़म्‍सी। कुकु बाबारिमका होनो आथो़ बेपा मु़चु़ होप्‍माम मेदु़म्सी मा गुइलाई लु-फेले बेपा सीसिथो़ नुङ लिमालाम ख्‍लक्‍पा मु़चु़ होप्‍माम मेदु़म्‍सी।

१ तिमोथी 2:8

थो़रलु़पामिमकु घ्रो़म्‍दीडा वोस्‍चो़मिमका छोक्‍चो मेबेसाका नुङ रिबुसी मेकिसाका मा सेपा उनी ल्‍वा कोक्‍साका सो़म्‍दी बोमिनु़ र्‍वाक्‍पा आमा न बु।

हिब्रू 10:23

गुइ र्‍वाक्‍तिम हाम-हुम ल्‍वापा न रिकि-रिकि जेथाडी, हेङालोने याचे जेपा गुमी थो़रलु़इमिम बुमी।

हिब्रू 11:6

थो़र मान्‍थि माम्‍चु़नीलाई गर्सी बेन्‍मु मेझाम। हेङालोने सु़ माम्‍चु़नीकाडा रो मेरामका माम्‍चु़नी बुमी र्‍वाक्‍पा मा उहेमका गुमीलाई मालु़म बु गुमीका मेरामलाई पुरस्‍कार ग्‍वामी र्‍वाक्‍पा थो़र लु़मु बासी।

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।

याकूब 1:7

मेराम मु़चु़का माम्‍चु़नीलामका हाम-हुम ल्‍वापा न मेबु़नु़।

याकूब 5:15

माम्‍चु़नीडा थो़रलु़साका बिइमिम सो़म्‍दीका नो़पामिम समी, मा माम्‍चु़नीका ङादोम होप्‍मामङा मेर्मिमलाई दु़म्‍बेन्‍मी। मेरामका छु़ल बु़डु़म बु लोवो गुमीका उमा छु़ल हेम्‍सामी।

२ पत्रुस 2:17

लिमा ल्‍वा सीपा ओर्मिम मु़चु़ कु मेपुट्‌पा कुकु नो़मिम नुङ ब्‍लोजु़का हुट्‌पा सिखाप होप्‍माम सो़। माम्‍चु़नीका मेर्मिमकाम लागि छो़म तुकुम्‍चिमका हुपा खोम बनेबेम्‍डिम बु।