याकूब 1:5 - थुलुङ राई

⁵ लावो गानीगोडाम कोङनिमलाई नेप्‍ची चाइदु़म्‍पा बु माला न-थो़मनुङमा माम्‍चु़नीनुङ मेरामका बियु़नु़, मा मेरामलाई गुमीका ग्‍वामी। हेङालोने गानी खोत्‍लेका बिनिमिम ल्‍वाडा गुमीका मेभुर्साका छो़म ग्‍वानिमी।

याकूब 1:5 Iomraidhean Croise

मत्ती 11:20

मेकोतिमा येशूका हापा यु़मखारीमिम बेम्‍डिम शहरमिमकु कोर्थो़लाम जेम्‍डी। हेङालोने मेर्मिमका उनी छु़लमिम मिम्‍सिसाका ख्‍लोम्‍सिम्‍डिम मेबायावा।

मर्कूस 16:14

चङडा को-कोङ (११) सीसिपामिम ग्रुला पेप्‍डा गन्‍मिडिलो येशू मेर्मिमकाडा ल्‍वाला सो़सिम्‍डी। मेकोतिमा लुङ होप्‍माम मेर्मिमकु नगो नुङ मेर्मिम थो़रमेलु़मिवामडाम गुमी छो़म भुर्मिडी, हेङालोने येशू सिमुलाम बम्‍गेम्‍डिमा गुमीलाई ल्‍वापामिमकु ल्‍वाडा मेर्मिम थो़र मेलु़मिवाम बाइडा।

यूहन्‍ना 14:13

गानी आमा नङडा हाम बिनी मेराम गो रेथिक्‍पु, मेम्‍साका पापकु यु़म गो झ्‍वाबेट्‌पु।

यूहन्‍ना 15:7

गानी गोगोडा दु़म्‍निमा आमा सिजेम गानीगोडा बु माला हाम न बोनी, मेराम बिनी, मा गानी ल्‍वानी।

यूहन्‍ना 4:10

येशूका मेराम मेसेमलाई र्‍वाम्‍डी, “गाना माम्‍चु़नीकु राप्‍लावा नुङ गानानुङ कु डुमु बिपा मु़चु़ सु़ र्‍वाक्‍साका छेनावाम माला ने गाना गुनुङ बिनावा। मेम्‍मा गुका गानालाई त्‍वारो़म ग्‍वाक्‍पा कु ग्‍वाक्‍नावा।”

२ कोरिन्‍थी 2:16

पुयु़लुक्‍पामिमकाम लागि गुइ साम फ्‍याक्‍साक्‍पा घ्रामलु़पा मुर मा सेल्‍सिक्‍पामिमकाम लागि गुइ त्‍वारो़म ग्‍वाक्‍पा भ्रपा मुर सो़। आरेप्‍माम खारी बोमु चापा सु़ बु मा?

याकूब 1:17

आच्‍छाङाकाम नुङ जो़पा खोत्‍ले राप्‍लावा पाह्रीलाममिम सो़। ओराम ओल प्रङ्‌पा माम्‍चु़नीलाम यो। ख्‍लोसिक्‍पाम बाट्‌पा रिम्‍जुङ होम्‍साका गुमी ने हेल्‍लो वो मेख्‍लोम्‍सिमी।

याकूब 3:17

लावो पाह्रीलामका योक्‍पा नेप्‍ची ने ङादोङा सेपा दु़म। मेकोतिमा मेराम न भ्रसिबेट्‌पा, याक्‍के दु़म्‍पा, खोत्‍लेनुङ दु़पा, छो़म न-थो़मनुङमा दु़म्‍साका जो़पा खारी बेपा, चोमिक्‍सी मेबेपा, मा हेल्‍लो लोवो वाङमिम मु़चु़कु दुथाम मिम्‍पा दु़म।

याकूब 5:16

मेम्‍मिमका गानी कोलेका कोलेनुङ इनी छु़ल न-गोलामका सो़बेनी। कोलेका कोलेनुङ त्‍वाका बेन्‍निम छु़लकु दुथाम सो़बेनिमा सो़म्‍दी बेनी, मेम्‍मा गानी सनी। माम्‍चु़नीकु न होम्‍साका दोपा मु़चु़कु सो़म्‍दीका छो़म डोक्‍पु खारी बु़।

१ यूहन्‍ना 3:22

मेम्‍मा गुइ हाम बिइ मेराम माम्‍चु़नीका ग्‍वाक्‍सामी हेङालोने गुमीका र्‍वामिमिम होङङा गुइ बि, मा गुमीलाई गेर्सी बेट्‌पा खारी बि।