याकूब 1:4 - थुलुङ राई

⁴ गानी खोत्‍लेडा इम्‍मु सीसिट्‌नी, मा गानी हामकाम वो खेरेला मेदु़म्‍साका थेट्‌पा नुङ बोमु चापा दु़म्‍नी।

याकूब 1:4 Iomraidhean Croise

मत्ती 10:22

गानी आमा चङचङ लाम्‍दिपा दु़म्‍निमका खोत्‍ले मु़चु़मिमका गानीलाई मेद्‌वानी। लावो उहेम मु़चु़ दिफुसम्‍म थो़रलु़होम बु, मेराम मु़चु़ सेल्‍सी।

मत्ती 19:20

मे स्‍वालाका गुमीनुङ र्‍वाक्‍ता, “ओर्मिम खोत्‍ले डु़म्‍ला होम्‍साका गो बेउतोम बु। वाङमिम गो हाम बोमु बासी?”

मत्ती 5:48

मेम्मिमका पाह्रीला बाट्पा इनी पाप होङङा गानी वो खोत्‍ले खारी जो़पा बेनी।”

मर्कूस 10:21

येशूका मेरामलाई रेप्‍मिडिमा नाम-नामचो़ लु़त्तोङा र्‍वाम्‍डी, “गाना आथावो कोले खारी बोमु बासी। लक्‍सामा गानानुङ हा-हाम बु, मेर्मिम खोत्‍ले भ्रेडा, मा उनी हाम वो मेबाट्‌पामिमलाई ग्‍वाकामी। मेकोतिमा गाना पाह्रीला खाप्‍ची ल्‍वाना, मा बिकामा गोनुङ लाम्‍दिया।”

लूका 18:22

ओराम ल्‍वा थो़म्‍डिमा येशूका मेरामलाई र्‍वाम्‍डी, “गाना आथावो कोले ल्‍वा बोमुबासिक्‍पा बु। गानानुङ बाट्‌पा खोत्‍ले इ खाप्‍ची भ्रेडामा उनी हाम वो मेबाट्‌पा मु़चु़मिमलाई मेराम खउलुङ ग्‍वाकामी। मेम्‍मा पाह्रीला गाना खाप्‍ची ल्‍वाना, मा बिका मा आमा चङचङ लाम्‍दिया।”

लूका 21:19

गानी गोडला थो़र लु़निम बुनिमिमका ङा त्‍वारो़म डार्नी।

लूका 8:15

लावो जो़पा क्‍वाडला झुक्‍पा भ्रल ने मेर्मिम ङा सो़, उहेमका सिजेम थो़मिमा नड्‍डा जु़ल्‍थामी, मा मेराम होम्‍साका दोमी। मेम्‍मा इम्‍साका लन्‍थामिमा हापा मा सिन्‍बेन्‍मी।

यूहन्‍ना 17:23

मेर्मिम खोत्‍ले कोले दु़म्‍मिनु़ र्‍वाक्‍साका गानी गोगोडा दु़म्‍निमा गो मेर्मिमडा दु़म्‍ङु। मेम्‍मा गानी गोलाई रिखाम बेङ्‌डिनिम होङ्‍ङा मेर्मिमलाई रिखाम बेनिमी र्‍वाक्‍पा नुङ गानी गोलाई थु़र्ङिडिनिम र्‍वाक्‍पा सु़म्‍दिसेरका च।

१ कोरिन्थी 2:6

मेमङा लोवो गुकु डोक्‍पु थो़रनुङमा मु़चु़मिम गोडा नेप्‍चीकु दुथाम जेकु, लावो ओराम सु़म्‍दिसेरडाम नेप्‍ची मेएँ मा ओराम सु़म्‍दिसेरडाम साखामचो़मिमकु नेप्‍ची वो मेएँ, मेर्मिमकु नेप्‍ची ने दाम्‍मा लल्‍या।

गलाती 6:9

जो़पा खारी बोमुडा हेल्‍लो वो मेघ्रु़म्‍सी। हेङालोने गुइ जो़पा खारी बिइहोम बुइ माला रोक्‍पा थारीका माम्‍चु़नीका जि ग्‍वाक्‍सामी।

कलस्‍सी 4:12

गानी गोडामङा कोले इपाफ्रास, गु ख्रीष्‍ट येशूकु डु़ल्‍चो़का गानीलाई सेव र्‍वाक्‍ताम बु। मेम्‍मा इनीमा थो़र छो़म डोक्‍पु दु़म्‍नु़, मा गानी हाम वो मेख्‍लो़ट्‌पा दु़म्‍साका माम्‍चु़नीका न बोमिमिम होङङा खोत्‍ले बोमु चापा दु़म्‍निनु़ र्‍वाक्‍साका इनीमा लागि हेल्‍लो लोवो गुका छो़म न सोक्‍साका सो़म्‍दी बु़होम बु।

१ थेसलोनिकी 5:23

न-गो भ्रसिबेट्‌पा माम्‍चु़नीका खोत्‍लेडा गानीलाई सेपा दु़म्‍बेन्‍मिनु़। मेम्‍मा खोत्‍ले इनीमा मिरो़म, न-गो, साम ङाचो़ येशू ख्रीष्‍ट योमिलोसम्‍म हाम वो मेख्‍लो़ट्‌पा दु़म्‍बेन्‍मिनु़।

२ तिमोथी 3:17

मेम्‍साका माम्‍चु़नीकु लाम्‍दीडा लाम्‍दिपा मु़चु़मिम जो़पा खारी खोत्‍ले बोमु चापा दु़म्‍मी।

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।

याकूब 1:5

लावो गानीगोडाम कोङनिमलाई नेप्‍ची चाइदु़म्‍पा बु माला न-थो़मनुङमा माम्‍चु़नीनुङ मेरामका बियु़नु़, मा मेरामलाई गुमीका ग्‍वामी। हेङालोने गानी खोत्‍लेका बिनिमिम ल्‍वाडा गुमीका मेभुर्साका छो़म ग्‍वानिमी।

याकूब 3:2

गुइ खोत्‍लेका हापा ल्‍वामिम ख्‍लो़डी। उहेमका गु जेमिम ल्‍वाडा मेख्‍लो़डु़ मेराम मु़चु़ जो़पा दु़म। मेप्‍माम मु़चु़का वाङमिम ल्‍वामिमडा वो मेख्‍लो़साका उ त्‍वापलाई जो़होमका जु़ल्‍मु चाप्‍सु़।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

२ पत्रुस 1:9

लावो कोङनिमनुङ ओर्मिम ल्‍वा मिबु माला ने मेराम मु़चु़का जो़होमका ल्‍वामु मेचाप्‍सु़। मेराम मिक्‍सीका मेल्‍वापा सो़। ङादोम उ छु़लमिमडाम गुलाई छेको-छेको बेम्‍मा गुका प्‍ल्‍वास्‍तु़म बु।