याकूब 1:10 - थुलुङ राई

¹⁰ मा खाप्‍चीचो़ ने माम्‍चु़नीका याक्‍के दु़म्‍बेन्‍मिमिमडा गेर्सी द्‌वानु़, हेङालोने सो़ब्‍दी बुङमा होम्‍साका गु मेकोतिङा दाम्‍मा ल।

याकूब 1:10 Iomraidhean Croise

मत्ती 5:3

“न-गोलाम माम्‍चु़नीकु ख्‍लो़सी माल्पामिम जिनुङमा सो़, हेङालोने पाह्री-किब्‍दी मेर्मिमकामङा सो़।

मत्ती 6:30

आनेप बाट्पा मा दिकाम मुडडा घ्रु़पा सो़ब्‍दी बुङमालाई ने माम्‍चु़नीका आरेसाका रेम्‍मी माला गुमीका गानीलाई आच्‍छाङा मेरेम्‍नी मा? हेङा गानी कि-कि थो़रलु़निमिम?

१ कोरिन्थी 7:31

सु़म्‍दिसेरडाम सोजाममिम मोक्‍पामिमका मेर्मिमडा न मेसोक्‍मिवाम होप्‍माम दु़म्‍मिनु़। हेङालोने सु़म्‍दिसेरकु ओम्‍लोम ङाली दाम्‍मा ल।

फिलिप्‍पी 3:8

मेकोति कोङङा मेएँ, ख्रीष्‍ट येशू आमा ङाचो़लाई छेत्तोमका हापा थिकाम ल्‍वानुङ थो़प्‍सीडा खोत्‍ले ल्‍वा हाम वो मेएँ र्‍वाक्‍पा लु़ङु। ख्रीष्‍टलाई गो ल्‍वाउनु़ मा गो गुमीनुङ दु़म्‍ङुनु़ र्‍वाक्‍साका खोत्‍ले ल्‍वा हाम ना हामकाम दु़म्‍बेत्तो मा मेर्मिम ने पारिमिम घ्राम्‍लु़पा कोतिम लु़ङु।

१ तिमोथी 6:17

ओराम सु़म्‍दिसेरडाम खाप्‍चीचो़मिमलाई डोक्‍पु मेलिम्‍सिमु बेमी, घरिकोङ ल्‍वापा खाप्‍चीडा मेएँ, लावो गुइलाई लिट्‌पा बेसाका खोत्‍ले मोमु ग्‍वाक्‍पा माम्‍चु़नीलाम ल्‍वापा न मेर्मिमका बोमिनु़।

याकूब 4:14

दिका हाम दु़म र्‍वाक्‍पा वो गानी मेचनी। इनीमा मिरो़म ने हाम मा? गानी ने घरिकोङ रेम्‍बेसिक्‍पा मा दाम्‍ल्‍याक्‍पा सिखाप होप्‍मामङा सो़।

१ पत्रुस 1:24

माम्‍चु़नीकु सिजेमका आरे र्‍वा, “मु़चु़मिम ने जेम होप्‍मामङा, मेर्मिमकु जो़प्‍सी ने सो़ब्‍दी बुङमा होप्‍मामङा, जेम सा, मा बुङमा आल्‍ल्‍या।

१ यूहन्‍ना 2:17

सु़म्‍दिसेर दाम मा ल मा मु़चु़कु मेजो़पा न वो दाम्‍मा ल। लावो माम्‍चु़नीकु न होङङा बेपा मु़चु़ हेल्‍लो वो मेसि।