गलाती 4:3 - थुलुङ राई3 आरेसाकाङा गुइ वो चो़च्चो़ बाइडिम थारीका मु़चु़मिमलाई त्वाकु ल्वाडा जु़ल्पा सु़म्दिसेरडा सीसिमिमकु डु़ल्चो़ दु़स्तिम बाइडा। Faic an caibideil |
लावो कोङनिम थो़रलु़पा लिसिक्पा वा-ल्वाकमिम आकीमा सामागोडा रोम्डिमा कोक्ते खिरिरि दु़म्मु बासी र्वाम्डी। हेङालोने गुकु येशू ख्रीष्टनुङ कोले दु़म्साका मोशाकु डु़म्ला होम्साका दोमु बासिक्पा ल्वाडाम वाङ दु़म्तोकोम बाइडा, मा मेर्मिमका गुकु वाङ दु़म्तोकोम ल्वाकु दुथाम गो-गो चो़पा बेसाका आथावो उनीमा यहूदी डु़म्लाकु डु़ल्चो़ होप्मामङा दु़म्बेन्मु माल्तिकिम बाइडा।
मेम माला डु़म्ला हेङा चाहे दु़स्ता मा? मु़चु़मिमका मेजो़पा खारी बोमी र्वाक्पा ल्वा रेम्बोमु लागि माम्चु़नीका अब्राहामनुङ याचे जेम्डिम मेराम चो़-चु़सु़ मेयोक्थु़मसम्म डु़म्ला मु़चु़मिमगोडा थु़र्मिडी। मेराम डु़म्ला ने माम्चु़नीका पाह्रीचो़मिमलाम मु़चु़मिम नुङ माम्चु़नीकु थेतेडा दु़म्पा मोशालाई ग्वाम्डिम बाइडा।
ओर्मिम ल्वा ने सीसि सो़म्दी होम्माम सो़ र्वाक्साका गुइ थेसिथेडी, मे नले मेसेमचिपका माम्चु़नीकु नले सो़रख्रेप्सी रेम्बु़। कोले सो़रख्रेप्सी ने सीनै पोप्चङडला ग्वाक्मा डु़म्ला ने डु़ल्चो़ दु़म्मु लागि चो़च्चो़ कक्पा मेसेम हागार ङा र्वाक्पा रेम्बु़। डु़म्लागोडा बाट्पामिमकु चो़-चु़सु़मिमङा डु़ल्चो़मिम सो़।