गलाती 3:1 - थुलुङ राई

¹ ए नेप्‍ची मान्‍थिम गलातियाडाम मु़चु़नी, मेजो़पा लाम्‍दीथो़ लाम्‍दिमु लागि गानीलाई सु़का कोक्‍नी? इनीमा मिक्‍सीलामडाङा येशू ख्रीष्‍ट क्रूसडा चेसिम्‍डिम ल्‍वाकु दुथाम जो़होमका र्‍वाक्‍मा बाइडा।

गलाती 3:1 Iomraidhean Croise

मत्ती 24:24

हेङालोने ख्रीष्‍ट लिसिक्‍पामिम नुङ माम्‍चु़नीलाम-जेपा लिसिक्‍पामिम लुमी। मेम्‍मा झापा माला माम्‍चु़नीका उनी मु़चु़ दु़म्‍मु छेट्‌मिडिम मु़चु़मिमलाई वो ताङताहेरथो़ लमु लागि डोक्‍पुतो छेखोपमिम नुङ यु़मखारीमिम रेम्‍बोमी।

मत्ती 7:26

लावो उहेम मु़चु़का आमा सिजेम थो़सु़, मा मेराम होम्‍साका मेबु़, मेराम मु़चु़ सेक्रेडला नेम बनेबेपा नेप्‍ची मान्‍थिम मु़चु़ होप्‍मामङा सो़।

लूका 24:25

येशूका मेर्चिपलाई र्‍वाम्‍डी, “ए नेप्‍ची मान्‍थिम मु़चु़चिप, माम्‍चु़नीलाम-जेपामिम खोत्‍लेका र्‍वाम्‍डिम ल्‍वाडा थो़र बोमु गाचीलाई छो़म छो़स्‍ताम बु।

थु़र्मा 16:6

माम्‍चु़नी-पेलका एशियाडा उनी सिजेम मेदो़नी बेम्‍डिमका पावल नुङ उ ङोप्‍सो़मिम गलातिया नुङ फ्रिगियाडाम देल दु़म्‍तो लम्‍डी।

थु़र्मा 6:7

माम्‍चु़नीकु सिजेम खोत्‍लेथो़ फोन्‍सिक्‍तो लस्‍ता। मेकोतिमा सीसिपामिम यरूशलेमडा छो़म बर्मिडी, मा डु़म्‍लाचो़मिमगोडाम वो हापाका माम्‍चु़नीडा थो़रलु़म्‍डी।

रोमी 10:16

लावो जो़पा-सेला थो़पामिम खोत्‍लेका ने थो़रमेलु़मिवा, हेङालोने माम्‍चु़नीलाम जेपा यशैयाका आरे र्‍वाक्‍ताम बु, “ए ङाचो़, गुकु थो़बेत्तोकोम जो़पा-सेला डा सु़का थो़र बु़डु़म बु मा?”

रोमी 2:8

लावो रिबुसी किट्पा, त्‍वाकाम कोङङा जो़पा बोमु माल्‍पा, आच्‍छाङाकाम ल्‍वा मेथो़पा, मा मेजो़पा खारी बेपामिमडला माम्‍चु़नीका उनी छोक्‍चो हान्‍मी।

रोमी 6:17

गानी ङादो छु़लकु डु़ल्‍चो़ बान्‍नी। लावो ओम्‍लो ने गानी सीसिट्‌निमिम सीसि होङङा इनी त्‍वाकु न-गोलामका बेन्‍निमका माम्‍चु़नीलाई आलासो़।

१ कोरिन्थी 11:26

आरेसाका गानी उहेम उहेम थारीका सो़बेम पोनी, मा कान्‍चु़रेलाम डुनी गुमी मेयोक्‍थु़मसम्‍म ङाचो़ सिम्‍डिमकु दुथाम सो़निमिम दु़म।

१ कोरिन्थी 2:2

गो गानीनुङ बाङडोलो येशू ख्रीष्‍ट नुङ गुमीलाई क्रूसडा चेट्‌मिडिम ल्‍वाडाम वाङमिम खोत्‍ले प्‍ल्‍वापा मुलु़ बेउतोम बाइडा।

२ कोरिन्‍थी 10:5

मु़चु़मिमका माम्‍चु़नीलाई छेमुडाम वाङ बेपा खोत्‍ले डोक्‍पु लिसिक्‍पा ल्‍वालाई गुकु ओराम गिजो-वाजोका पुयु़लुकु़। मेर्मिमकु नगोडा बाट्‍पा खोत्‍ले मेजो़पा ल्‍वामिम ओराम गिजो-वाजोलामका गुकु आकीमा साखामगोडा जु़ल्‍कु मा ख्रीष्‍टका र्‍वामिमिम होङङा मेर्मिमलाई बेबेन्‍कुमी।

२ कोरिन्‍थी 11:3

ब्‍लोका उमा मेजो़पा नका हव्‍बालाई वायम डस्‍तु़म होङङा ख्रीष्‍टडलाम सेपा नुङ आच्‍छाङाकाम रिखाम बेपा इनीमा न ताङताहेरथो़ ल डे र्‍वाक्‍साका गोलाई ङिमलु़डाम बु।

गलाती 1:2

आसिन्‍डा गोनुङ बाट्‌पा खोत्‍ले वा-ल्‍वाकमिमलामका वो गलातियाडाम मण्‍डलीमिमलाई आकीमा ओराम सेव बु:

गलाती 1:6

गो ने ङाङाया दु़म्ङोडोम बु, हेङालोने येशू ख्रीष्‍टकु दिदामगोडा येट्‌पा माम्चु़नीलाई ओकोति दाला डिसाका वाङमी जो़पा-सेलाथो़ लक्‍तोङा लेनी।

गलाती 2:14

मेम्‍मिमका आच्‍छाङाकाम जो़पा-सेला होम्‍साका मेर्मिमका मेबेमिवाम गो ल्वाउतोमा मेर्मिम खोत्‍ले मु़चु़कु ङादोडा गो पत्रुसलाई र्‍वाङ्‌डो, “गानी यहूदी मु़चु़, लोवो यहूदी होम्‍साका मेएँ वाङसामामिम होम्‍साका बुनी दोनी माला वाङसामामिमलाई यहूदीमिम होम्‍साका हेसाका बुबेन्‍मु चाम्‍नी मा?”

गलाती 3:3

गानी हेङा नेप्‍ची मान्‍थिम दु़म्‍निमिम? माम्‍चु़नी पेललामका चो़म्‍सिड्‍डाम त्‍वारो़मडा गानी इनीमा त्‍वाकु न होम्‍साका जो़पा न-गोकाम दु़म्‍मु माल्‍निमिम?

गलाती 4:9

लावो आथा ने गानी माम्‍चु़नीलाई छेट्‌निम बु, आरेसाका वो र्‍वाकी, माम्‍चु़नीलाम गानी छेला सो़सिट्‌निम बु। लावो हेसाका गानी हाम ना हामकाम यु़म मेबाट्‌पा ल्‍वाकु सीसिथो़ आथावो ख्‍लोन्‍सीनी मा मेरामकु डु़ल्‍चो़ दु़म्‍मु न बोनी?

गलाती 5:11

वा-ल्‍वाकनी, कोक्‍ते खिरिरि क्रिप्‍सी बोमुङा बासी र्‍वाक्‍साका आथावो गो मु़चु़मिमलाई थो़बेट्‌पुमी माला हेङा आरेसाका आमा थो़मतेर्ला सो़सिङुवा मा? गो आरे बेउवाम माला येशू ख्रीष्‍ट क्रूसडा चेसिम्डी र्‍वाक्‍साका थो़बेट्‍मा ल्‍वाकु कोर्थो़लाम बक्‍पा ने सु़ वो मेदु़म्‍मिवा।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

एफिसी 4:14

आरेसाका गुइ चो़च्‍चो़ होप्‍माम मेदु़म्‍सी। कुकु बाबारिमका होनो आथो़ बेपा मु़चु़ होप्‍माम मेदु़म्सी मा गुइलाई लु-फेले बेपा सीसिथो़ नुङ लिमालाम ख्‍लक्‍पा मु़चु़ होप्‍माम मेदु़म्‍सी।

एफिसी 5:15

मेम्‍मिमका हेसाका बुमु दोमु बासी चङचङया बानी, नेप्‍ची मान्‍थिम होम्‍साका मेएँ नेप्‍चीनुङमा दु़म्‍साका बानी-दोनी।

२ थेसलोनिकी 1:8

गुमी मुकु भुल्‍मुडा योमिमा माम्‍चु़नीलाई मेछेपामिम, मा इकीमा ङाचो़ येशू ख्रीष्‍टकु जो़पा-सेला होम्‍साका मेबेपामिमलाई देन्‍दे ग्‍वामी।

१ तिमोथी 6:4

मेराम मु़चु़ डोक्‍पु लिसिक्‍पा दु़ममा मेरामका हाम वो मेथेडु़। मेरामका हाम ना हामकु ल्‍वाडा खाल्‍मुमा क्‍वाल्‍बा बोमु मालु़मिम दु़म। ओर्मिम ल्‍वाका नाचु़र, रिबुसी, वाङमिमकु दुथाम मेजो़पा जेपा, मा वाङमिमलाई मुर्पा ल्‍वामिम दु़म्‍बेडु़।

हिब्रू 11:8

थो़रकाङा अब्राहामका दिफु गुका ल्‍वापा बायथो़ लमु माम्‍चु़नीका येट्‌मिडिलो बिसिड्‌डा। मेम्‍मा गु बान्‍थो़ लक्‍तोङा बु़डु़म मेराम मेचकु़वा लोवो गु लस्‍ता।

हिब्रू 5:9

आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

१ पत्रुस 4:17

हेङालोने माम्‍चु़नीकु मु़चु़मिमलामकाङा निया दु़म्‍मु चो़म्‍सिक्‍पा थारी रोक्‍ताम बु। निया दु़म्‍मु गुइलामकाङा चो़म्‍सी माला ने माम्‍चु़नीकु जो़पा-सेला होम्‍साका दोमु मेद्‌वाक्‍पामिमलाई ने हाम दु़म?

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।

रेम्‍बेट्‌मिडिम ल्‍वा 18:3

हेङालोने खोत्‍ले सामामिम डु़का सेट्‌पा होङङा मेरामकु नाम्‍सु़रु़ बेसीका सेड्‍डु़मिम बु। सु़म्‍दिसेरडाम हपमिमका गुनुङ नाम्‍सु़रु़ बेम्‍डिम बु, मा मेरामकु छो़म रारी बेपा नका सु़म्‍दिसेरडाम भ्रेपा-भ्रेट्‌पामिम खाप्‍चीचो़ दु़म्‍मिडिम बु।”

रेम्‍बेट्‌मिडिम ल्‍वा 2:20

मेमङा लोवो, इमा दुथाम गो मेद्‌वाक्‍पुमिम ओराम ल्‍वा बु: इजेबेल मेसेम, उहेमका गु उ त्‍वापलाई माम्‍चु़नीलाम-जेपानिम र्‍वा, गुलाई गानी उमा लिमा सीसि सीमु ग्‍वानी। गुका आमा डु़ल्‍चो़मिमलाई नाम्‍सु़रु़ बेबेसाका नुङ ङाटाडला सासेट्‌मा पोमु-डुमु पेबेसाका ताङताहेरथो़ ल।