गलाती 2:2 - थुलुङ राई

² माम्‍चु़नीका गोलाई मेसिन्‍डा लमु र्‍वाम्डिमका गो लङडो। मेसिन्‍डा बाङ्डोलो मेराम मण्‍डलीडाम ङाउमिमनुङ वाङ घ्रो़म्साका वाङसामामिमलाई गो थो़बेट्‌पुमिमिम जो़पा-सेला मेर्मिमनुङ सो़उतो। गो बेत्तोङा लेट्‌पुमिम ओराम खारी हाम ना हामकाम मेदु़म्‍नु़ र्‍वाक्‍साका आरे बेउतो।

गलाती 2:2 Iomraidhean Croise

मत्ती 10:16

“रेप्‍नी, गो गानीलाई बडिमिमकु थेतेडा भेन्‍दामिमलाई होङङा थु़र्तोङा लेनिनी। मेम्‍मिमका गानी ब्‍लो होप्‍माम चङको चङको बाट्‌पा नुङ तुकतुकुर होप्‍माम मुमा मान्थिम जो़पा दु़म्‍नी।

थु़र्मा 15:12

वाङसामामिमगोडा माम्‍चु़नीका पावल नुङ बारनाबासलामका हेल्‍लो वो मेल्‍वामिवाम खारीमिम नुङ छेखोपमिम रेम्‍बेम्‍डिम ल्‍वा मेर्चिपका सो़च्‍ची। घ्रो़म्‍दीडा रोम्‍डिम खोत्‍ले मु़चु़मिम लिबा बाम्‍डिमा मेर्मिमका ओराम ल्‍वा जो़होमका थो़म्‍डी।

थु़र्मा 15:2

मेकोतिमा पावल, बारनाबास मेर्मिमनुङ मेराम ल्‍वाडा छो़म मेदु़मिवा। मेकोतिमा मेसिन्‍डाम थो़र लु़पामिमका पावल नुङ बारनाबास मा वाङमिम कोले-नलेलाई ओराम ल्‍वा ख्रिप्‍डा थु़र्मामिमनुङ एल्‍डरमिमकाडा यरूशलेमडा थु़र्मुलाई छेट्‌मिडी।

थु़र्मा 15:4

मेर्मिम यरूशलेमडा रोम्‍फाम्‍डिमा मण्‍डलीडाम मु़चु़मिम, थु़र्मामिम नुङ एल्‍डरमिमका मेर्मिमलाई सेव साट्‌मिडी। मेकोतिमा पावल, बारनाबासनुङ रोक्‍पामिमका माम्‍चु़नीका मेर्मिमनुङ बेम्‍डिम खोत्‍ले खारीमिमकु दुथाम सो़म्‍डी।

थु़र्मा 18:9

कोङ सिन्‍था मिक्‍सीलामडा पावललाई ङाचो़ येशूका र्‍वाम्‍डी, “मेङिसा, जेत्तो लक्‍सा, मा लिबा मेबाया,

थु़र्मा 23:11

मेरामकु दिकाम नेम्‍थाका ङाचो़ येशू पावलकु ङादोडा रेम्‍बेम्‍सिम्‍डिमा र्‍वाम्‍डी, “मेङिसा पावल, यरूशलेमडा हेसाका आमा दुथाम सो़न्‍ना, मेम्‍साका ङा रोम शहरडा वो गाना आमा दुथाम सो़मु बासी।”

थु़र्मा 5:34

लावो यहूदीमिमकु डु़म्‍ला सीपा नुङ मु़चु़मिमका डोक्‍पु मिम्‍थाल्‍मिडिम गमलिएल र्‍वाक्‍मा फरिसीका डोक्‍पु घ्रो़म्‍दीडा येम्‍स्‍तामा थु़र्मामिमलाई घरिकोङ पाखानो थु़र्नी बु़डु़मी।

रोमी 9:16

मेम्‍मिमका माम्‍चु़नीका गुलाई मु़चु़कु न होम्‍साका येट्‌मिमडिम मेएँ, लावो उनीमा त्‍वाकु दिदामका येट्‌मिडिम सो़।

१ कोरिन्थी 1:23

लावो गुकु ने क्रूसडा चेम्‍सिम्‍डिम ख्रीष्‍टकु दुथाम जो़पा-सेला थो़बेन्‍कुमी, उहेम ने यहूदीमिमलाई तुक्‍पा मा वाङसामामिमकाम लागि ने हाम ना हामकु ल्‍वा बाइडा।

१ कोरिन्थी 2:2

गो गानीनुङ बाङडोलो येशू ख्रीष्‍ट नुङ गुमीलाई क्रूसडा चेट्‌मिडिम ल्‍वाडाम वाङमिम खोत्‍ले प्‍ल्‍वापा मुलु़ बेउतोम बाइडा।

१ कोरिन्थी 9:24

ओन्‍सीडा खोत्‍ले ओन्‍पामिम ओन्‍मी, लावो पुरस्‍कार ने कोलेका कोङङा ल्‍वासु़ र्‍वाक्‍पा हाम गानी मेचनी? मेम्मिमका पुरस्‍कार ल्‍वापा बेसाका गानी ओन्‍नी।

१ कोरिन्थी 9:26

मेम्‍मिमका गो हाम वो मेडार्पा होम्साका मेडेङा मेओन्‍ङु। मेडेङा मुठिम ओपा होङङा गो मुठिम मेओपु।

२ कोरिन्‍थी 12:1

आमा लागि हाम वो जो़पा मेबु़ लोवो गो धक्‍ची डोक्‍पु बोमुङा बासी। ङाचो़लामका ल्‍वाउतोम मिक्‍सीलाममिम नुङ गुमीका रेम्‍बेट्‌ङिडिमिम ल्‍वामिमकु दुथाम गो सो़उ।

गलाती 1:12

हेङालोने ओराम जो़पा-सेला गो कोङनिम मु़चु़लाम ल्वाउतोम मेएँ मा कोङनिमका गोलाई सीट्‌ङिडिमिम वो मेएँ, लावो येशू ख्रीष्‍ट उनी त्‍वाकाङा गोलाई सीट्‌ङिडिमिम सो़।

गलाती 1:16

वाङसामागोडा गोलाम जो़पा-सेला थो़बेन्‍मु लागि गुमीका उनीमा तारापाचो़ गेर्सी द्‍वाक्‍तो गोलाई रेम्‍बेम्‍डी। मेम्‍लो गो सु़नुङ वो हिलाहिसी मेबेउवा।

गलाती 1:6

गो ने ङाङाया दु़म्ङोडोम बु, हेङालोने येशू ख्रीष्‍टकु दिदामगोडा येट्‌पा माम्चु़नीलाई ओकोति दाला डिसाका वाङमी जो़पा-सेलाथो़ लक्‍तोङा लेनी।

गलाती 2:6

मेसिन्‍डाम मण्‍डलीडा कोङनिम नङ दोपा डोक्‍पु मु़चु़मिम बाम्‍डी– लोवो गो ने हे होङङा मेलु़ङुवा, हेङालोने माम्‍चु़नीका चो मिक्‍सी मेबोमी– मेर्मिमका गो दो़उतोम जो़पा-सेलाडा कोले ल्‍वा वो मेकाप्‍मिवा।

गलाती 2:9

मण्‍डलीडाम डोक्‍पु ङाउमिम र्‍वाक्‍मा याकूब, पत्रुस नुङ यूहन्‍नाका वो माम्‍चु़नीका गोलाई थु़र्मा दु़म्‍पा दिदाम ग्‍वाङ्‌डिमिम बु र्‍वाक्‍पा चम्‍डिमा बारनाबास नुङ गोलाई हुनाखाना बेसाका उनीमा घ्रो़म्‍दीडा रच्‍चिकिमी। गुचुकु वाङसामामिमकाडा लक्‍पा मा मेर्मिम ने यहूदीमिमकाडा लक्‍पा मुलु़ बेम्‍डी।

गलाती 5:7

गानी जो़पा ओन्‍सीडा ओन्‍तोङा बेन्‍नी। लावो गानीलाई आच्‍छाङाकाम लाम्‍दीडा लाम्‍दिमु लागि सु़का गानीलाई भोप्‍नी?

फिलिप्‍पी 2:16

त्‍वारो़म ग्‍वाक्‍पा सिजेम जेन्‍थाट्‌नी। मेम्‍मा गो ओन्‍ङोडोम नुङ ब्राम्‍दु़ल्‍वा बेउतोम मेडेङा मेदु़प्‍सावा र्‍वाक्‍साका ख्रीष्‍ट योमिलो आमा धक्‍ची ह्‍वाक्‍पु।

फिलिप्‍पी 2:29

गुलाई ङाचो़ येशूडा छो़म गेर्सी द्‌वाक्‍साका रनी। आरेप्‍माम मु़चु़मिमलाई डोक्‍पु बेनी।

१ थेसलोनिकी 3:5

मेम्‍मिमका गो इम्‍मुम बुमु मेचापुवालो इनीमा थो़रकु दुथाम चमु लागि तिमोथीलाई गो इनीमाडा थु़र्तो। याङलो शैतानका इनीमा न छाम्‍मु चाप्‍सु़, मा गुकु बेत्तोकोम खारी ब्‍लाम-ब्‍लाम बु़ र्‍वाक्‍पा आमा ङिम लु़डाम बाइडा।

२ तिमोथी 4:7

गो जो़पा क्‍वाल्‍बा बेउतोम बु, मा ओराम खारीकु ओन्‍सी ओन्‍सोमु दु़म्‍तोम बु, आमा थो़र जो़होमका जु़ल्‍तोम बु।

हिब्रू 12:1

उनी थो़र रेम्‍बेपा आरेप्‍माम सेर्पा मु़चु़ इकीमा होनोलाम-आथो़लाम बुमी। मेम्‍मिमका गुइलाई भोपा खोत्‍ले ल्‍वा नुङ हाम वो लु़मेलेसाकाङा आम्‍पा छु़ल पार्तो गुइलाई रेम्‍बेट्‌मा ओन्‍सीथो़ हाम वो मेर्‍वाक्‍साका इम्‍तो ओन्‍डी।