गलाती 2:1 - थुलुङ राई

¹ को-ब्‍ल थ चङडा बारनाबासनुङ गो आथावो यरूशलेम लङ्‍डो। मेम्‍लो तीतस वो गुचुकुनुङ लस्‍ताम बाइडा।

गलाती 2:1 Iomraidhean Croise

थु़र्मा 11:25

मेकोतिमा शाऊललाई माल्‍मु लागि बारनाबास टार्सस शहरथो़ लस्‍ता।

थु़र्मा 11:30

आरेसाका फम्‍डिम खउलुङ मेर्मिमका बारनाबास नुङ शाऊलकु ल्‍वालामका यरूशलेम मण्‍डलीडाम ङाचो़मिमकाडा थु़र्सोम्‍डी।

थु़र्मा 12:25

बारनाबास नुङ शाऊलका यरूशलेमडा उची खारी डु़म्‍चिमा एन्‍टिओखिया शहरथो़ ख्‍लोसिक्‍ची। मेर्चिपनुङ मर्कूस र्‍वाक्‍मा यूहन्‍ना वो बाइडा।

थु़र्मा 13:2

कोलेम मेर्मिमका उपास बासाका माम्‍चु़नीकु सो़रलोले बेत्तोङा बेम्‍डिलो, माम्‍चु़नी-पेलका मेर्मिमनुङ र्‍वाम्‍डी, “उहेम खारी बोमु गो बारनाबास नुङ शाऊल येत्तोचिम बु, मेराम खारी बोमु लागि मेर्चिपलाई फ्‍वाक्‍निची।”

थु़र्मा 13:50

लावो यहूदीमिमका माम्‍चु़नीकु सो़रलोले बेपा डोक्‍पु नङ धोपा मेसेममिम नुङ शहरडाम डोक्‍पु ङाउमिमलाई कोम्‍डिमा पावल नुङ बारनाबासकु कोर्थो़लाम फम्‍डी। मेम्‍मा पावल नुङ बारनाबासलाई मेर्मिमका मेराम शहरलामका कोल्‍सोम्‍डिची।

थु़र्मा 14:12

मेर्मिमका बारनाबासलाई जिउस नो़प र्‍वाम्‍डी, मा पावललाई ने हर्मेस नो़प र्‍वाम्‍डी। हेङालोने पावल ङा जेपामिमडाम डोक्‍पु मु़चु़ बाइडा।

थु़र्मा 15:25

मेम्‍मिमका गुकु खोत्‍ले घ्रो़म्‍तोकोमा बेत्तोकोम मुलु़ होम्‍साका कोङ-कोङ मु़चु़मिमलाई थुमुमी, मा मेर्मिमलाई गुकु द्‌वाक्‍तोकोम बारनाबास, पावलनुङ थु़र्मु न बेत्तोकोम बु।

१ कोरिन्थी 9:6

डे हाम गो नुङ बारनाबासका कोङङा आची ख्‍वाचेप डु़ल्‍मु लागि खारी बोमु बासी मा?

२ कोरिन्‍थी 2:13

लावो आमा ल्‍वाक तीतस मेसिन्‍डा मेडारुवामका गो मिम्‍ताम-सो़र्ताम बेउतो। मेम्‍मा त्रोआसडाम वा-ल्‍वाकमिमनुङ ब्र्‍वासिङ्‍डोमा गो माकेडोनियाथो़ लङडो।

२ कोरिन्‍थी 8:16

गो इनीमा दुथाम बेउमिम मिम्‍ताम-सो़र्तामङा माम्‍चु़नीका तीतसकु न-गोनो जु़ल्‍साम्‍डी। मेम्‍मिमका गुमीलाई आलासो़ र्‍वाङु।

२ कोरिन्‍थी 8:23

तीतस ने आमा ङोप्‍सो़ मा गोनुङ कोयोङा गानीलाई ख्‍लो़पा मु़चु़ सो़। मेम्‍मा कोङमी नले ल्‍वाक ने मण्‍डलीका थु़र्मिडिचिम मा ख्रीष्‍टकु नङ कोक्‍पाचिप सो़।

गलाती 1:18

सु थ चङडा गो पत्रुसलाई क्रो़म्‍डा यरूशलेम लङ्‌डो मा गुनुङ को-ङोलेम बाङ्‌डो।

गलाती 2:13

पत्रुसका बेपा लिसिड्‍डाम होङङा वाङमिम यहूदी थो़रलु़पामिमका वो उमा बेसी बेम्‍डी, मा बारनाबासका वो मेमङा बोमु बासी र्‍वाक्‍तामा उ त्‍वाका वो मेर्मिमकु बेसी बु़डु़।

गलाती 2:3

गोनुङ लक्‍पा तीतस ग्रीक मु़चु़ लोवो उमा कोक्‍ते खिरिरि क्रिप्‍सी दु़म्‍मु बासी र्‍वाक्‍साका सु़का वो मेर्‍वाक्‍मिवा।

गलाती 2:9

मण्‍डलीडाम डोक्‍पु ङाउमिम र्‍वाक्‍मा याकूब, पत्रुस नुङ यूहन्‍नाका वो माम्‍चु़नीका गोलाई थु़र्मा दु़म्‍पा दिदाम ग्‍वाङ्‌डिमिम बु र्‍वाक्‍पा चम्‍डिमा बारनाबास नुङ गोलाई हुनाखाना बेसाका उनीमा घ्रो़म्‍दीडा रच्‍चिकिमी। गुचुकु वाङसामामिमकाडा लक्‍पा मा मेर्मिम ने यहूदीमिमकाडा लक्‍पा मुलु़ बेम्‍डी।

कलस्‍सी 4:10

गोनुङङा चतासिक्‍पा अरिस्‍तार्खसका गानीलाई सेव र्‍वाक्‍ताम बु। बारनाबासकु रु़चु़ मर्कूसका वो गानीलाई सेव र्‍वाक्‍ताम बु। उमा दुथाम ङादो गो गानीलाई र्‍वामु दु़म्तोम बु। गु इनीमाडा रोक्‍ता माला जो़होमका हुनाखाना बेनी।

तीतस 1:4

गो थो़र लु़ङुमिम येशू ख्रीष्‍टडा ङा गाना वो थो़र लु़न्‍नामका आमा तारापाचो़ होङङा लु़ङुमिम तीतसलाई ओराम सेलाखाजेम र्‍याक्‍तोङा बेउ, माम्‍चु़नी इकी पाप नुङ गुइलाई सेल्‍पा येशू ख्रीष्‍टलामका गाना दिदाम नुङ न-भ्रसी ल्‍वानानु़!