गलाती 1:8 - थुलुङ राई

⁸ गुकु थो़बेत्तोकोम जो़पा-सेलाडाम वाङमिङा जो़पा-सेला र्‍वाक्‍साका थो़बेडु़ माला गुकु गोडामङा कोङनिम लोवो पाह्रीलाम योक्‍पा पाह्रीचो़ङा लोवो मेराम पुयु़लुनु़।

गलाती 1:8 Iomraidhean Croise

मत्ती 25:41

“मेकोतिमा हपका उ पेलाममिम मु़चु़मिमलाई र्‍वा, ‘माम्‍चु़नीलाम वाइतो ल्‍वापा मु़चु़नी, गोडाम होनो लक्‍नी। शैतान नुङ उ सेलाचो़मिमकाम लागि बनेदु़म्‍पा हेल्‍लो वो मेसिपा मुगोडा हुनी।

मर्कूस 14:71

लावो पत्रुसका उ त्‍वाप ङा वाइतो बेन्‍सित्तो कसम पु़डु़मा र्‍वाक्‍ता, “आच्‍छाङा गानी हाम र्‍वानिमिम मे मु़चु़ गो मेछेपु।”

थु़र्मा 23:14

मेकोतिमा मेर्मिम डोक्‍पु ङाउ डु़म्‍लाचो़मिम नुङ ङाउमिमकाडा लम्‍डी मा र्‍वाम्‍डी, “गुकु पावलकु साम मेफ्‍याक्‍थु़म हाम वो मेपोकु र्‍वाक्‍साका कसम पेत्तोकोम बु।

रोमी 16:17

द्‍वादीबुङ वा-ल्‍वाकनी, गानीगोडा गो-फ दु़म्‍पा मा रिबुसी किन्‍बेट्‍पा मु़चु़मिमडाम चङचङया बानी र्‍वाक्‍साका गो गानीलाई छो़म र्‍वाङु। मेर्मिमका इनीमा सीसिकु कोर्थो़लाम जेमी। मेप्‍माम मु़चु़मिमडाम वाङ बानी।

रोमी 9:3

आमा इस्राएली वा-ल्‍वाकमिमका त्‍वारो़म ल्वामिवा माला ख्रीष्‍टलाम गो वाङ दु़म्‍पा वाइतो बेला सो़सिङु लोवो गेर्सी द्‍वाक्‍ङुवा। मेर्मिमका त्‍वारो़म ल्‍वामिनु़ र्‍वाक्‍पा आमा छो़म न बु।

१ कोरिन्थी 12:3

मेम्‍मिमका गानी आरेप्‍माम ल्‍वा चक्‍नी र्‍वाक्‍पा आमा न बु, मेम्‍मा माम्‍चु़नीकु पेललामका जेपा सु़का वो “येशूडला वाइतो रोनु़” मेर्‍वा। माम्‍चु़नी पेललामका कोङङा, “येशू ङा ङाचो़ सो़” र्‍वामु चाप्‍सु़।

१ कोरिन्थी 16:22

कोङनिमका ङाचो़लाई रिखाम मेबु़ माला मेरामडला वाइतो रोनु़। आकीमा ङाचो़, योक्‍नी!

गलाती 1:9

ङादोङा गो गानीलाई र्‍वाङ्‌डोम बाइडा मा ओम्‍लो वो र्‍वाक्‍तोङा बेउ, ङादो गानी रन्‍निम सिजेमडाम वाङमिङा जो़पा-सेला र्‍वाक्‍साका कोङनिमका गानीलाई सीनी माला मेरामका पुयु़लुक्‍पा देन्‍दे ल्‍वासु़नु़।

गलाती 3:10

माम्‍चु़नीकु ङादोडा मुमा मान्‍थिम दु़म्‍मु लागि डु़म्‍लागोडाम खारी बेसीडा थो़र बेपा खोत्‍ले मु़चु़मिम वाइतो बेन्‍ला सो़सिमी। हेङालोने माम्‍चु़नीकु सिजेमडा र्‍याक्‍मा बु, “मोशाकु डु़म्‍लागोडा बाट्‍पा खोत्‍ले ल्‍वा जो़होमका मेबेसाका बाट्‍पा खोत्‍ले मु़चु़मिम वाइतो बेन्‍ला सो़सिमी।”

गलाती 3:13

येशू ख्रीष्‍टका थि सोक्‍साका डु़म्‍लागोडाम वाइतोलामका गुइलाई फ्‍वाक्‍साड्‌डामी, मा इकीमा खोमडा गुमी वाइतो बेन्‍ला सो़सिम्‍डी। हेङालोने माम्‍चु़नीकु सिजेमडा र्‍याक्‍मा बु, “सु़ सङडा चेसी मेराम वाइतो बेन्‍ला सो़सिड्‌डाम दु़म।”

तीतस 3:10

मेदु़बेट्‌पा मु़चु़लाई कोखेप-नकखेप ङिम्‍साडा। मेम्‍मा हाम वो मेबे।

२ पत्रुस 2:14

मेर्मिमका मेसेमनुङ अम्‍पा नका मेसेमलाई रेप्‍मी मा छु़ल बोमुका हेल्‍लो वो उनी गो मेतिम्‍सी। याक्‍के थो़रनुङमा मु़चु़मिमकु न मेर्मिमका फाल्‍सामी। मेर्मिमकु न-गो रारी बोमु छो़म थेट्‌पा बु। मेर्मिम वाइतो ल्‍वापामिम सो़।