5 हेल्लो लोवो माम्चु़नीकु यु़म झ्वानु़म बुनु़। आमेन।
मा गो गानीलाई बेबेट्निनिम होम्साका खोत्ले ल्वा होङङा दोमु मेर्मिमलाई सीनिमी। रेप्नी, सु़म्दिसेर हुक्पा थारीसम्म वो गो गानीनुङ दु़म्ङुम बुङु।”
मेजो़पा ल्वालाम न-छाम्सिमु मेग्वाक्किनी, लावो मेजो़पा मुनाङलामका सेल्किनी। [हेङालोने किब्दी, यु़म नुङ यु़म-झ्वाक्सी, हेल्लो लोवो इनीमाङा सो़। आमेन]’
“खोत्लेडाम येप्पा पाह्रीला माम्चु़नीकु यु़म झ्वानु़, मा सुबुडा उहेम मु़चु़मिमनुङ गुमी गेर्सिक्पा बुमी मेर्मिमकु न-गो भ्रसिनु़।”
हेङालोने खोत्लेम थोक गुमीकाङा प्रङ्मिडिम, गुमीलामङा बाट्पाम बाट्पा मा उनीमा लागि ङा सो़। हेल्लो लोवो उनीमा यु़म झ्वानु़। आमेन।
खोत्लेम थोक थेट्पा चक्पा माम्चु़नीकाम येशू ख्रीष्टलाम हेल्लो लोवो यु़म-झ्वानु़म बुनु़। आमेन।
मेम्मिमका गो हाम पेउ मेरामका थो़रलु़पा आमा वा-ल्वाकलाई छु़ल वामबेडु़ माला आथाडा आनो गो हेल्लो वो सो़ मेपेउ, मेम्साका वा-ल्वाकलाई छु़ल वाममेबेट्पु।
ख्रीष्टडा खोत्लेडाम ङादो थो़र बेपा गुकु यहूदीमिमका यु़म झ्वाक्पा माम्चु़नीकु नङ कोमु चाम्कुनु़ र्वाक्साका गुमीका गुकुलाई छेत्तिकिमिम बु।
इकीमा माम्चु़नी नुङ पापकाम नङ हेल्लो लोवो डोक्पु दु़म्नु़म बुनु़। आमेन।
हेल्लो लोवो साखाम थो़पाम बाट्पा हप, हाम्सी वो मेसिपा, मा मिक्सीका ल्वामु मेझापा कोले कोङङा माम्चु़नीकाम हेल्लो लोवो उनीमा नङ कोसिनु़, मा उनीमा यु़म-झ्वानु़! आमेन।
ङाचो़का गोलाई खोत्ले मेजो़पा ल्वालामका गेङिमी, मा गुमीका उनीमा पाह्रीलाम किब्दीकाम लागि गोलाई बोङिमी-थार्ङिमी। हेल्लो लोवो उनीमा यु़म झ्वानु़म बुनु़! आमेन।
उनीमा न होङङा बोमु खोत्ले जो़पा ल्वाका बोमु चापा दु़म्बेनिमिनु़। मेम्मा गुमीलाई गेर्सी बेट्पा खोत्ले ल्वा येशू ख्रीष्टलाम गुइगोडा बोमिनु़। येशू ख्रीष्टकु नङ हेल्लो लोवो कोसिनु़म बुनु़। आमेन।
खोत्ले यु़म हेल्लो लोवो उनीमाङा दु़म्नु़म बुनु़। आमेन।
लावो इकीमा ङाचो़ नुङ गुइलाई सेल्पा येशू ख्रीष्टकु दिदामडा बर्तो लक्नी मा गुमीलाई छेत्तो लक्नी। ओम्लो नुङ हेल्लो लोवो उनी यु़म झ्वानु़म बुनु़। आमेन।
गुमी कोलेङा गुइलाई सेल्पा इकी माम्चु़नीकु यु़म-झ्वाक्सी, डोक्पु दु़प्सी, यु़म नुङ साखाम इकीमा ङाचो़ येशू ख्रीष्टलामका खोत्ले पुस्ता ङादो नुङ हेल्लो लोवो दु़म्नु़म बुनु़! आमेन।
गुका डोक्पु लो़लामका आरे र्वाक्ता, “माम्चु़नीकु ङिम जु़ल्नी मा गुमी डोक्पु बुमी र्वाक्नी, हेङालोने गुमीका निया बेपा थारी रोक्ताम बु। सुबु, पाह्री, दिरिदिन नुङ कुकु पुन्खोपमिम प्रङपा गुमीलाई सेव साट्नी।”
मेर्मिमका डोक्पु लो़लामका आरे र्वाक्साका काम्सो बेम्डिम बाम्डी: “सेट्मिडिम भेन्दाचो़, यु़म, खाप्ची, नेप्ची, सो, डोक्पु बेसी, यु़म-झ्वाक्सी, नुङ नङ कोसी रमुका घ्रेट्पा!”
“आमेन! इकीमा माम्चु़नीकाम हेल्लो लोवो नङ कोसिनु़, यु़म झ्वानु़, नेप्चीनुङमा दु़म्नु़, आलासो़ दु़म्नु़, गुमीङा डोक्पु दु़म्मिनु़म बुमिनु़, उनीमा यु़म दु़म्नु़म बु़नु़ मा सो दु़म्नु़म बु़नु़। आमेन!”
