गलाती 1:10 - थुलुङ राई

¹⁰ हाम गो मु़चु़मिमलाई गेर्सी बेन्‍मु माल्‍तोङा लेट्‌पु र्‍वाक्‍पा गानी मिम्‍निमिम? गो ने मु़चु़मिमलाई मेएँ, माम्‍चु़नीलाई गेर्सी बेन्‍मु माल्‍तोङा लेट्‌पु। मु़चु़मिमलाई गेर्सी बेन्‍मु मालु माला ने गो येशू ख्रीष्‍टकु डु़ल्‍चो़ङा मेएँ।

गलाती 1:10 Iomraidhean Croise

मत्ती 22:16

मेर्मिमका उनी सीसिपामिमलाई हेरोद हपलाम बासिक्‍पा मु़चु़मिमनुङ येशूकाडा थु़र्मिडी। मेर्मिमका र्‍वाम्‍डी, “ए ङाचो़, गानी लिमा मेथेनी र्‍वाक्‍साका गुकु चकु। माम्‍चु़नीकु लाम्‍दी जो़होमका सीनिमी। गानी सु़लाम वो मेबान्‍सिनी, मा खोत्‍लेलाई कोहोङङा बोनी।

मत्ती 28:14

किब्‍दी साखामचो़का ओराम ल्‍वा थो़स्‍तु़ माला गुकु गुलाई बिसिबेन्‍कु, मा गानी हाम वो मेदु़म्‍नी।”

मत्ती 6:24

“सु़का वो नले नेमहपचिपकु चापे-डुपे बोमु मेचाप्‍सु़। मेरामका कोलेलाई रिखाम बु़, मा कोङमीलाई मेद्‌वाकु़। मेराम डु़ल्‍चो़ कोले नेमहपकु ल्‍वाडा दु़म, मा कोङमीलाई हाम ना हामकाम मिम्‍डु़। मेम्साका गानी वो माम्‍चु़नी नुङ खउलुङलाई कोयो डोक्‍पु मिम्‍साका निफिलाई सेव सान्मु मेचाम्‍नी।

थु़र्मा 12:20

टुरोस नुङ सीदोन शहरडाम मु़चु़मिमनुङ हेरोद हपकाम छो़म उ छोक्‍चो बक्‍ताम बाइडा। लावो मेर्चिप शहरडाम मु़चु़मिम कोले दु़म्‍साका उमाडा रोम्‍डी। हेङालोने मेर्मिमका हेरोद हपकु नेब्‍दीलाम मा-के ल्‍वाम्‍थाल्‍मिडी। मेम्‍मिमका हेरोद हपनुङ न-थो़म घ्रो़म्‍बेन्‍मु लागि हेरोदका थो़र बु़डु़म उ डु़ल्‍चो़ बलस्‍तसलाई उनी ल्‍वाडा बेसाका जेबेट्‌मिडी।

थु़र्मा 5:29

लावो पत्रुस नुङ थु़र्मामिमका र्‍वाम्‍डी, “मु़चु़मिमका र्‍वामिमिम ने मेएँ, माम्‍चु़नीका र्‍वामिमिम ङा गुकु थो़मु बासी।

रोमी 1:1

माम्‍चु़नीकु थु़र्मा दु़म्‍मु लागि येट्‌ङिडिमिम मा उनीमा जो़पा-सेला थो़बेन्‍मु लागि वाङ दु़म्‍ङोडोम येशू ख्रीष्‍टकु डु़ल्‍चो़ गो पावलका ओराम सेलाखाजेम र्‍याक्‍तोङा बेउ।

रोमी 2:29

नगोलामका यहूदी दु़म्‍पा कोङङा यहूदी सो़, मा आच्‍छाङाकाम खिरिरि क्रिप्‍सी ने नगोडा दु़म्‍पा ल्‍वा सो़, ओराम ने माम्‍चु़नी-पेललाम दु़म्‍पा ल्‍वा सो़, डु़म्‍लाडा र्‍यासिट्‍पा ल्‍वा मेएँ। आरेप्‍माम मु़चु़लाई मु़चु़का मेएँ, माम्‍चु़नीका जो़पा मिम्‍मी।

रोमी 2:8

लावो रिबुसी किट्पा, त्‍वाकाम कोङङा जो़पा बोमु माल्‍पा, आच्‍छाङाकाम ल्‍वा मेथो़पा, मा मेजो़पा खारी बेपामिमडला माम्‍चु़नीका उनी छोक्‍चो हान्‍मी।

१ कोरिन्थी 10:33

हेसाका लोवो गो बेउमिम खारीडा खोत्‍ले मु़चु़लाई गेर्सिबेन्‍मुलाई छो़म ब्राम्‍दु़ल्‍वा बेउ, आ त्‍वाप जो़पा दु़म्‍ङुनु़ र्‍वाक्‍पा न गो मेबेउ, लावो वाङमिम खोत्ले मु़चु़मिमकाम लागि वो जो़पा दु़म्‍नु़, मा मेर्मिम खोत्ले सेल्सिमिनु़ र्‍वाक्‍पा आमा न बु।

२ कोरिन्‍थी 12:19

गुकु आकी त्‍वापलाई बोमु-थार्मु ओर्मिम खोत्‍ले ल्‍वा बोकुमिम र्‍वाक्‍पा हाम गानी मिम्‍निम बुनी? द्‍वादीबुङ ङोप्‍सो़नी, माम्‍चु़नीकु ङादोडा ख्रीष्‍टकु डु़ल्‍चो़मिम होप्‍माम दु़म्‍साका गुकु जेकु। गानीलाई सोनुङमा दु़म्‍बेन्‍मु लागि गुकु ओर्मिम खोत्‍ले खारी बोकु।

एफिसी 6:6

इनी खारी बेसी मु़चु़मिमकु मिक्‍सीलामडा जो़पा रेम्‍बेपा मा मेर्मिमलाई गेर्सिबेन्‍मु लागि कोङङा मेएँ, लावो ख्रीष्‍टकु डु़ल्‍चो़ होङङा इनीमा न-गो सोक्‍साका माम्‍चु़नीकु न-गो होम्‍साका खारी बेपा दु़म्‍नी।

फिलिप्‍पी 1:1

ख्रीष्‍ट येशूकु डु़ल्‍चो़चिप, गुचुकु पावल नुङ तिमोथीका, फिलिप्‍पी मण्डलीडाम रेपा ङाउमिम, डिकनमिम मा येशू ख्रीष्‍टडा थो़र लु़पा खोत्‍ले मु़चु़मिमलाई ओराम सेलाखाजेम र्‍याक्‍तोङा बोचुकु।

कलस्‍सी 3:22

डु़ल्‍चो़नी, खोत्‍ले ल्‍वाडा गानी इनीमा नेमहपमिमका र्‍वामिमिम होङङा बेनी। न-थो़म ल्‍वामु लागि मेर्मिमकु मिक्‍सीलामडा कोङङा र्‍वामिमिम होङङा बेपा मेएँ, लावो ङाचो़ येशूकु ङिम जु़ल्‍साका आच्‍छाङाकाम न-गोका बेनी।

१ थेसलोनिकी 2:4

लावो जो़पा-सेला थो़बेट्‌पा दु़म्‍बेन्‍मु लागि माम्‍चु़नीका घ्रेट्‌पा दु़म्‍बेत्तिकिम होम्‍साका गुकु सीकु। मु़चु़मिमलाई ने गर्सिबेट्‌पा मेएँ, लावो इकीमा न-गो छाम्‍पा गेर्सिबेट्‌पा आकी न बु।

याकूब 4:4

नाम्‍सु़रु़ बेपानी, सु़म्‍दिसेरनुङ ङोप्‍सो़बुङ दु़म्‍मु माम्‍चु़नीलाई नाप्‍छु़न्‍मु सो़ र्‍वाक्‍पा ल्‍वा गानी मेचनी? उहेमका सु़म्‍दिसेरनुङ ङोप्‍सो़बुङ दु़म्‍मु न बु़, मेराम माम्‍चु़नीकु स्वाक्‍चिमो मु़चु़ दु़म।

१ यूहन्‍ना 3:9

माम्‍चु़नीलाम गक्‍पा उहेम मु़चु़का वो छु़ल बु़होम मेबु, हेङालोने माम्‍चु़नीकु त्‍वारो़म मेराम मु़चु़ गोनो दु़म। मेराम मु़चु़का छु़ल बु़होम मेबु, हेङालोने मेराम मु़चु़ माम्‍चु़नीलाम गस्‍ताम सो़।