एफिसी 6:9 - थुलुङ राई

⁹ गानी नेमहपनी, इनीमा डु़ल्‍चो़मिमलाई जो़होम नु़म बेनी मा ङिम सान्‍मु डिट्‌नी। नेमहप नुङ डु़ल्‍चो़ निफिकाम पाह्रीला नेमहप कोलेङा बुमी मा गुमीका चोमिक्‍सी मेबोमी र्‍वाक्‍पा ल्‍वा मिम्‍सिट्‍नी।

एफिसी 6:9 Iomraidhean Croise

मत्ती 22:10

मेकोतिमा डु़ल्‍चो़मिम लाम्‍दीबाडे लम्‍डी, मा मेर्मिमका डार्मिडिम जो़पा मेजो़पा खोत्‍ले मु़चु़लाई खोप्‍मिडी। मेम्‍मा बोच्‍चो़मिमका लालीकुन्‍दा दु़स्‍ताम नेम देम्‍स्‍ता।

मत्ती 22:8

“मेकोतिमा गुका उ डु़ल्‍चो़मिमनुङ र्‍वाक्‍ता, ‘लालीकुन्‍दाकाम ग्रुला थिक्‍ताम बु, लावो येट्‌मा बोच्‍चो़मिम ने रोमु घ्रेट्‌पा मेदु़म्‍मिवा।

मत्ती 24:48

लावो मे मेजो़पा डु़ल्‍चो़का ‘आमा नेमहप दाला मेख्‍लोसी’ र्‍वाक्‍पा मिम्‍सी,

मत्ती 24:51

मेम्‍मा नेमहपका मेरामलाई छो़म इम्‍मु मेझापा देन्‍दे ग्‍वाकु़, मा नेमहपका र्‍वामिम थो़पा लिसिक्‍पा मु़चु़मिम बाखोपडा घ्रोक्‍सोकु़। मेसिन्‍डा मु़चु़मिम ख्राप्‍मी, मा उनी लि ख्रेन्‍मी।”

मत्ती 7:12

वाङमिमका गानीलाई हेप्‍माम बोमिमिम द्‌वानी, गानी वो मेर्मिमनुङ मेमङा बेनी। मोशाकु डु़म्‍ला नुङ माम्‍चु़नीलाम-जेपामिमकु खोत्‍ले सीसि ओरामङा सो़।

लूका 6:31

वाङमिम मु़चु़का इनीमा लागि हाम बोमिमिम गानी द्‌वानी, गानी वो मेर्मिमनुङ मेमङा बेनी।

यूहन्‍ना 13:13

गानी गोलाई ‘सीपा’ नुङ ‘ङाचो़’ र्‍वानी, गानी र्‍वानिमिम मेराम जो़पाङा, हेङालोने गो गुङा सो़।

थु़र्मा 10:34

ओराम थो़स्‍तु़मा पत्रुसका जेमु चो़म्‍डु़, “माम्‍चु़नीका चोमिक्‍सी मेबोमी र्‍वाक्‍पा आच्‍छाङा गो ल्‍वाउतो।

रोमी 2:11

हेङालोने माम्‍चु़नीका सु़लाई वो चोमिक्‍सी मेबोमी।

१ कोरिन्थी 1:2

ओराम सेलाखाजेम कोरिन्‍थ शहरडा बाट्‌पा माम्‍चु़नीकु मण्‍डलीडा बाट्‍पामिमलाई र्‍याक्‍तोङा बेउ। गानीलाई माम्‍चु़नीका उनी त्‍वाकु सेपा मु़चु़ दु़म्‍मु लागि येट्‌निमी। ङाचो़ येशू ख्रीष्‍टकु सो़रलोले बेपा खोत्लेथो़म मु़चु़मिमलाई गुमीका सेपा दु़म्‍बेट्‌मिडिम होम्‍साका गानीलाई वो ख्रीष्‍ट येशूलामका सेपा दु़म्बेट्नामिम बु। येशू ङा इनीमा नुङ आकीमा ङाचो़ सो़।

१ कोरिन्थी 7:22

हेङालोने माम्‍चु़नीका ङाचो़ येशूडा येट्‌मिडिलो उहेम मु़चु़ डु़ल्‍चो़ बाइडा, मेराम मु़चु़ ङाचो़काम लागि उ दाप होर्सिक्‍पा दु़स्‍ताम बु। मेम्साकाङा माम्‍चु़नीका येट्‌मिडिलो उहेम मु़चु़ डु़ल्‍चो़ मेबायावा मेराम ओम्‍लो ख्रीष्‍टकु डु़ल्‍चो़ दु़स्‍ताम बु।

कलस्‍सी 3:25

उहेमका मेजो़पा बु़, मेम बु़डु़मका गु मेजो़पाङा बेला सो़सी मा माम्‍चु़नीका मेफ्‍वाक्‍साका मेर्मिम खोत्‍लेलाई देन्‍दे ग्‍वामी।

कलस्‍सी 4:1

नेमहपनी, गानी इनीमा डु़ल्‍चो़मिमलाई जो़होम-नु़होम बेनी। मेम्मा मिम्‍नी, इनीमा वो नेमहप पाह्रीला बुमी।

याकूब 2:13

हेङालोने वाङमिमडला गानी न-थो़म मेबेनिवा माला गानी वो न-थो़म मेल्‍वानी। लावो गानी न-थो़मनुङमा मु़चु़ दु़म्‍निम बु माला इनीमा निया दु़म्‍मु थारीका माम्‍चु़नीका गानीडला न-थो़म रेम्‍बोमी।

याकूब 2:8

माम्‍चु़नीकु सिजेमडाम खोत्‍लेडाम डोक्‍पु डु़म्‍ला “त्‍वाकु साउखोरेलाई त्‍वाप होङङा मिम्‍डा” र्‍वाक्‍पा होम्‍साकाङा बोनी माला ने जो़पाङा बोनी।

याकूब 5:4

इनीमा ये-दडा खारी बेप्‍साक्‍पा खारीचो़मिमलाई मेर्मिमका ल्‍वामु बासिक्‍पा खउलुङ मेग्‍वानिवा। रेप्‍नी, मेराम खउलुङकाङा डोक्‍पु लो़लामका इनीमा कोर्थो़लाम जे, मा खोत्‍लेडाम घ्‍ल्‍वापा मिप्रङमाका इनीमा खारीचो़ ख्राप्‍मिडिम थो़म्‍डिम बु।