एफिसी 6:6 - थुलुङ राई

⁶ इनी खारी बेसी मु़चु़मिमकु मिक्‍सीलामडा जो़पा रेम्‍बेपा मा मेर्मिमलाई गेर्सिबेन्‍मु लागि कोङङा मेएँ, लावो ख्रीष्‍टकु डु़ल्‍चो़ होङङा इनीमा न-गो सोक्‍साका माम्‍चु़नीकु न-गो होम्‍साका खारी बेपा दु़म्‍नी।

एफिसी 6:6 Iomraidhean Croise

मत्ती 12:50

उहेमका पाह्रीलाम आमा पापकु न होङङा बु़, मेर्मिमङा आमा जाउमो-तारापा ल्‍वाक नुङ माम।”

मत्ती 7:21

“गोलाई ‘ङाचो़, ङाचो़’ र्‍वाक्‍पा खोत्‍ले पाह्री-किब्‍दीगोडा मेहुमी। पाह्रीला बाट्‌पा आमा पापकु न होम्‍साका खारी बेपामिम कोङङा मेगोडा हुमु ल्‍वामी।

मर्कूस 3:35

उहेमका माम्‍चु़नीकु न होम्‍साका बोमी, मेर्मिमङा आमा माम नुङ ल्‍वाक।”

रोमी 6:17

गानी ङादो छु़लकु डु़ल्‍चो़ बान्‍नी। लावो ओम्‍लो ने गानी सीसिट्‌निमिम सीसि होङङा इनी त्‍वाकु न-गोलामका बेन्‍निमका माम्‍चु़नीलाई आलासो़।

१ कोरिन्थी 7:22

हेङालोने माम्‍चु़नीका ङाचो़ येशूडा येट्‌मिडिलो उहेम मु़चु़ डु़ल्‍चो़ बाइडा, मेराम मु़चु़ ङाचो़काम लागि उ दाप होर्सिक्‍पा दु़स्‍ताम बु। मेम्साकाङा माम्‍चु़नीका येट्‌मिडिलो उहेम मु़चु़ डु़ल्‍चो़ मेबायावा मेराम ओम्‍लो ख्रीष्‍टकु डु़ल्‍चो़ दु़स्‍ताम बु।

गलाती 1:10

हाम गो मु़चु़मिमलाई गेर्सी बेन्‍मु माल्‍तोङा लेट्‌पु र्‍वाक्‍पा गानी मिम्‍निमिम? गो ने मु़चु़मिमलाई मेएँ, माम्‍चु़नीलाई गेर्सी बेन्‍मु माल्‍तोङा लेट्‌पु। मु़चु़मिमलाई गेर्सी बेन्‍मु मालु माला ने गो येशू ख्रीष्‍टकु डु़ल्‍चो़ङा मेएँ।

एफिसी 5:17

मेम्‍मिमका नेप्‍ची मान्‍थिम मेदु़म्‍नी, लावो माम्‍चु़नीका गानी हाम बोमिनु़ र्‍वाक्‍पा न बोमी मेराम थेसिथेन्‍मु माल्‍नी।

फिलिप्‍पी 2:12

मेम्‍मिमका आमा द्‌वादीबुङ वा-ल्‍वाकनी, माम्‍चु़नीका र्‍वाम्‍डिम होम्‍साका हेल्‍लो लोवो बोनिमिम होङङा गो गानीनुङ बाङडोलो कोङङा मेएँ, लावो गानीनुङ मेबुङुलो वो सेल्सिमु ल्वान्‍निम मु़चु़ दु़म्निमा माम्‍चु़नीडा ङिम जु़ल्साका गुमीका र्‍वाम्‍डिम होम्‍साका आथावो छो़म बेनी।

कलस्‍सी 1:9

मेम्‍मिमका इनीमा दुथाम थो़त्तोकोलो आथाम इनीमा लागि सो़म्‍दी बोकुमिमङा बुकु। गानी माम्‍चु़नीकु नलाई थेसिथेन्मुकाम लागि उनीमा पेललामका खोत्‍ले नेप्‍ची नुङ थेसिथेट्‌पा न लिट्‌पा बेसाका माम्‍चु़नीका ग्‍वानिमिनु़ र्‍वाक्‍साका गुमीनुङ सो़म्‍दी बोकुम बुकु।

कलस्‍सी 4:12

गानी गोडामङा कोले इपाफ्रास, गु ख्रीष्‍ट येशूकु डु़ल्‍चो़का गानीलाई सेव र्‍वाक्‍ताम बु। मेम्‍मा इनीमा थो़र छो़म डोक्‍पु दु़म्‍नु़, मा गानी हाम वो मेख्‍लो़ट्‌पा दु़म्‍साका माम्‍चु़नीका न बोमिमिम होङङा खोत्‍ले बोमु चापा दु़म्‍निनु़ र्‍वाक्‍साका इनीमा लागि हेल्‍लो लोवो गुका छो़म न सोक्‍साका सो़म्‍दी बु़होम बु।

१ थेसलोनिकी 2:4

लावो जो़पा-सेला थो़बेट्‌पा दु़म्‍बेन्‍मु लागि माम्‍चु़नीका घ्रेट्‌पा दु़म्‍बेत्तिकिम होम्‍साका गुकु सीकु। मु़चु़मिमलाई ने गर्सिबेट्‌पा मेएँ, लावो इकीमा न-गो छाम्‍पा गेर्सिबेट्‌पा आकी न बु।

१ थेसलोनिकी 4:3

गानी सेपा दु़म्‍नी र्‍वाक्‍पा माम्‍चु़नीकु न बु। मेम्‍मिमका खोत्‍ले नाम्‍सु़रु़ बोमुडाम वाङ बानी।

हिब्रू 10:36

गानी हाम वो मेर्‍वाक्‍साका इम्‍मु बासी, मेम्‍साका माम्‍चु़नीकु न होङङा गानी बोनी मा गुमीका हाम ग्‍वानिनी र्‍वाक्‍साका याचे जेम्‍डिम बाइडा मेराम ल्‍वा ल्‍वानी।

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।

१ पत्रुस 2:15

हेङालोने गानी जो़पा खारी बेसाकाङा नेप्‍ची मान्‍थिम मु़चु़का थेसिमेथेट्‌मिवाम जेसी लिवा बाबेन्‍मु बासी र्‍वाक्‍पा माम्‍चु़नीकु न बु।

१ पत्रुस 4:2

मेम्‍मा आथाडा आनो गु सु़म्‍दिसेरडाम मेजो़पा उ न होम्‍साका मेदो, लावो माम्‍चु़नीकु न होम्‍साका दो।

१ यूहन्‍ना 2:17

सु़म्‍दिसेर दाम मा ल मा मु़चु़कु मेजो़पा न वो दाम्‍मा ल। लावो माम्‍चु़नीकु न होङङा बेपा मु़चु़ हेल्‍लो वो मेसि।