एफिसी 6:5 - थुलुङ राई

⁵ गानी डु़ल्‍चो़नी, ख्रीष्‍टका र्‍वामिमिम इनी न-गोलामका थो़निमिम होम्‍साका इनीमा नेमहपलाई छो़म डोक्‍पु मिम्‍साका गुका र्‍वामिम थो़नी।

एफिसी 6:5 Iomraidhean Croise

मत्ती 6:22

“मिक्‍सी ने मिरो़मडाम ओल होप्‍मामङा सो़। इनी मिक्‍सी जो़पा बु माला खोत्‍ले इनी मिरो़मङा ओलनुङमा दु़म।

मत्ती 6:24

“सु़का वो नले नेमहपचिपकु चापे-डुपे बोमु मेचाप्‍सु़। मेरामका कोलेलाई रिखाम बु़, मा कोङमीलाई मेद्‌वाकु़। मेराम डु़ल्‍चो़ कोले नेमहपकु ल्‍वाडा दु़म, मा कोङमीलाई हाम ना हामकाम मिम्‍डु़। मेम्साका गानी वो माम्‍चु़नी नुङ खउलुङलाई कोयो डोक्‍पु मिम्‍साका निफिलाई सेव सान्मु मेचाम्‍नी।

मत्ती 8:9

हेङालोने गो वो आ डोक्‍पु मु़चु़कु ल्‍वाडा बुङु, मा आमा ल्‍वाडा सिपाहीमिम बुमी। कोलेलाई गो ‘लक्‍सा’ बेउ, मा मेराम ल। कोङमीलाई ‘रोका’ बेउ, मा मेराम रो। आमा डु़ल्‍चो़लाई ‘आरे बे’ बेउ, मा मेरामका बु़।”

थु़र्मा 2:46

मेर्मिम खोत्‍ले कोले नकाम दु़म्‍साका सो़रनेमडा कोयो-कोयो घ्रो़म्‍थाल्‍मिडी, मा मेर्मिमका उनी नेम-नेमडा जो़पा न-गो नुङ गेर्सिद्‌वाक्‍तो ग्रुला पेम्‍थाल्‍मिडी,

रोमी 9:3

आमा इस्राएली वा-ल्‍वाकमिमका त्‍वारो़म ल्वामिवा माला ख्रीष्‍टलाम गो वाङ दु़म्‍पा वाइतो बेला सो़सिङु लोवो गेर्सी द्‍वाक्‍ङुवा। मेर्मिमका त्‍वारो़म ल्‍वामिनु़ र्‍वाक्‍पा आमा छो़म न बु।

१ कोरिन्थी 2:3

गो इनीमाडा मेचापा मा छो़म ङिमुका रुट्‌त्तो रोङडोम बाइडा।

१ कोरिन्थी 7:22

हेङालोने माम्‍चु़नीका ङाचो़ येशूडा येट्‌मिडिलो उहेम मु़चु़ डु़ल्‍चो़ बाइडा, मेराम मु़चु़ ङाचो़काम लागि उ दाप होर्सिक्‍पा दु़स्‍ताम बु। मेम्साकाङा माम्‍चु़नीका येट्‌मिडिलो उहेम मु़चु़ डु़ल्‍चो़ मेबायावा मेराम ओम्‍लो ख्रीष्‍टकु डु़ल्‍चो़ दु़स्‍ताम बु।

२ कोरिन्‍थी 1:12

ओराम सु़म्‍दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्‍बेत्तोकोम बु। ओराम आच्‍छाङाकाम न गुकु माम्‍चु़नीलाम ल्‍वात्तोकोम सो़। ओराम माम्‍चु़नीकु दिदामका दु़स्‍ताम, मु़चु़कु नेप्‍चीलामका ने मेएँ र्‍वाक्‍साका गुकु आकी धक्‍ची ह्‍वाक्‍साका सेपा नेप्‍चीका र्‍वामु चाम्‍कु।

२ कोरिन्‍थी 7:15

गानी ङिमका रुत्तो तीतसलाई रन्‍नी, मा गुका र्‍वाक्‍ताम होम्‍साका गानी खोत्‍लेका बोमु बिन्‍सिट्‌निम मिम्‍डु़मा गुका गानीलाई बेन्‍निम रिखाम आथावो हापा बर्तो लस्‍ताम बु।

एफिसी 5:22

गानी नाइमेनी, ङाचो़कु ल्‍वाडा बान्‍निम होम्‍साकाङा इनीमा वोचु़कु ल्‍वाडा बाट्‍पा दु़म्‍नी।

एफिसी 6:24

इकीमा ङाचो़ येशू ख्रीष्‍टलाई रिखाम बेपाम बाट्‍पा खोत्‍लेडला हेल्‍लो लोवो माम्‍चु़नीकु दिदाम दु़म्‍नु़म बुनु़।

फिलिप्‍पी 2:12

मेम्‍मिमका आमा द्‌वादीबुङ वा-ल्‍वाकनी, माम्‍चु़नीका र्‍वाम्‍डिम होम्‍साका हेल्‍लो लोवो बोनिमिम होङङा गो गानीनुङ बाङडोलो कोङङा मेएँ, लावो गानीनुङ मेबुङुलो वो सेल्सिमु ल्वान्‍निम मु़चु़ दु़म्निमा माम्‍चु़नीडा ङिम जु़ल्साका गुमीका र्‍वाम्‍डिम होम्‍साका आथावो छो़म बेनी।

फिलेमोन 1:16

लावो डु़ल्‍चो़ होङङा मेएँ, ओनेसिमस ने डु़ल्‍चो़डाम वो डोक्‍पु सो़। गु आमा लागि द्‌वादीबुङ ल्‍वाक, लावो इमा लागि ने मेरामडाम हापा, हेङालोने ङाचो़ येशूडा मेराम कोङ मु़चु़ नुङ थो़रलु़पा ल्‍वाक होङङा सो़।

१ पत्रुस 3:2

इनीमा जो़पा बासी-पेसी नुङ माम्‍चु़नीकु ङिम जु़ल्‍निमिम ल्‍वामिमा वोचु़मिमलाई थो़रलु़पा दु़म्‍बेनी।