एफिसी 5:9 - थुलुङ राई

⁹ हेङालोने ख्रीष्‍टकु ओलडा दु़म्‍पा मु़चु़ ने जो़पा बेपा, माम्‍चु़नीकु मिक्‍सीलामडा घ्रेट्‍पा मा थो़र लु़इमिम दु़म।

एफिसी 5:9 Iomraidhean Croise

मत्ती 3:8

मेम्‍मिमका इनी छु़लमिमलामका माम्‍चु़नीडा ख्‍लोन्‍सिट्‌निम रेम्‍बेपा खारी बेनी।

यूहन्‍ना 1:47

नथानेल उनी त्‍वापथो़ बिक्‍तोङा लेट्‌पा ल्‍वाम्‍डिमा नथानेलकु दुथाम येशूका र्‍वाम्‍डी, “लु-फेले मेबेपा आच्‍छाङाकाम कोले इस्राएलीलाई रेप्‍नी।”

रोमी 15:14

आमा द्‍वादीबुङ वा-ल्‍वाकनी, गानी जो़पा न-गोकाम बुनी र्‍वाक्‍साका गो चक्‍पु। थेसीथेट्‍पा दु़म्‍निम बु मा त्‍वाप-त्‍वापगोडा सीमु चापा दु़म्‍निम बु।

रोमी 2:4

डे माम्‍चु़नीका गानीडला न-थो़म रेम्‍बेसाका इनीमा छु़ललाम ख्‍लोनिमी र्‍वाक्‍पा मेचनिमा, हाम उनीमा न-थो़म, इम्‍सीलाई हाम ना हामकाम मिम्‍नी?

एफिसी 4:15

लावो रिखामनुङ आच्‍छाङा ल्‍वा जेसाका खोत्‍ले ल्‍वाडा गुइ ख्रीष्‍टसम्‍म बर्तो लक्‍सी। गुइ मण्‍डली उनीमा मिरो़म सो़ मा गुमी इकीमा बुइ सो़।

एफिसी 4:25

मेम्‍मिमका लिमा जेमु डिट्‌नी मा कोलेका कोङमीनुङ आच्‍छाङाकाम ल्‍वा जेनी, हेङालोने गुइ खोत्‍ले ख्रीष्‍टकु मिरो़मडाम अंगमिम सो़।

एफिसी 6:14

मेम्‍मिमका झो़म्‍सिसाका येम्‍सिट्‌नी। आच्‍छाङाकाम ल्वाकु खिम्‍खिरी खिम्‍सिट्‍नी, मा धक्‍ची बोपा-थार्पा जो़पा न-गोनुङमा धक्‍चीख्रेम फन्‍सिट्‌नी।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

कलस्‍सी 3:18

लालीकुन्‍दा बेपा गानी खोत्‍ले नाइमेनी, ङाचो़ येशूडा गानी बोमु बासिक्‍पा होङङा इनीमा वोचु़कु साखाम गोयु़ बानी।

१ तिमोथी 6:11

लावो गाना माम्‍चु़नीकु लाम्‍दीडा लाम्‍दिपा मु़चु़, ओर्मिम खोत्‍ले ल्‍वामिम ङेडा, मा माम्‍चु़नीकु न होङङा बे, उनीमा सो़रलोले बे, थो़र, रिखाम, इम्‍सी नुङ याक्‍के दु़म्‍सीडा लाम्‍दिमु चापा दु़प्‍सा।

हिब्रू 1:8

लावो तारापाचो़कु दुथाम आरेसाका र्‍याक्‍मा बु, “ए माम्‍चु़नी, गानी हेल्‍लो लोवो साखाम थो़नी, मा गानी साखाम थो़निलो जो़होमका निया बोनी।

हिब्रू 11:33

थो़रकाङा ओर्मिमका किब्‍दीमिम घ्‍ल्‍वाम्‍डी, हाम जो़पा मेराम बेम्‍डी, माम्‍चु़नीका मेर्मिमलाई ग्‍वानिनी र्‍वाम्‍डिम ल्‍वाम्‍डी, धेन्‍द्रामिमकु सि ड्‌याम्‍डी।

१ यूहन्‍ना 2:29

ख्रीष्‍ट माम्‍चु़नीकु न होप्‍माम जो़पा खारी बेपा र्‍वाक्‍पा गानी चनी माला हाम जो़पा बु मेराम खारी बेपा खोत्‍ले मु़चु़ माम्‍चु़नीलाम गम्‍डिम र्‍वाक्‍पा चक्‍नी।

३ यूहन्‍ना 1:11

द्‌वादीबुङ ङोप्‍सो़नी, हाम मेजो़पा बु मेरामकु बेसी मेबेनी। उहेम मु़चु़का जो़पा बु़ मेराम मु़चु़ माम्‍चु़नीलाममिम सो़। उहेम मु़चु़का मेजो़पा बु़ मेरामका माम्‍चु़नी ल्‍वास्‍तु़म मिबु।