एफिसी 5:8 - थुलुङ राई

⁸ ङादो गानी तुकुम्‍चिमगोडा बान्‍नी, लावो आथा ने ङाचो़ येशूलाममिम ओलडा रोक्‍निम बु। मेम्मिमका आथाडा आनो गानी ओलचो़ होम्‍साका बानी दोनी।

एफिसी 5:8 Iomraidhean Croise

मत्ती 3:8

मेम्‍मिमका इनी छु़लमिमलामका माम्‍चु़नीडा ख्‍लोन्‍सिट्‌निम रेम्‍बेपा खारी बेनी।

मत्ती 4:16

माम्‍चु़नी मेछेसाका तुकुम्‍चिमडा होङङा बाट्‌पा मु़चु़मिमका माम्‍चु़नीकु सेल्‍सीकाम ओल ल्‍वाम्‍डिम बु। मेसिपा त्‍वारो़म मेल्‍वापा मु़चु़मिमडला मे ओल झ्‍वाक्‍ताम बु।”

लूका 1:79

मा तुकुम्‍चिमडा नुङ सिमुलाम खोपा मु़चु़मिमडला मेराम झ्‍वा, मेम्‍मा गुमीका इकीमा न भ्रसी बेन्‍मी।”

लूका 16:8

“मेकोतिमा मे खाप्‍ची रेपा मु़चु़का मिम्‍साका बु़डु़म खारी ल्‍वास्‍तु़मा खाप्‍चीचो़का उ नङ कोक्‍साड्‌डु़। मेम्‍साकाङा माम्‍चु़नीकु मु़चु़मिमडाम वो सु़म्‍दिसेरडाम मु़चु़मिमका वाङमिम मु़चु़नुङ छो़म मिम्‍साका खारी बोमी।

यूहन्‍ना 1:9

खोत्‍ले मु़चु़लाई ओल ग्‍वाक्‍पा आच्‍छाङाकाम ओल सु़म्‍दिसेरडा योक्‍तोङा बेम्‍डी।

यूहन्‍ना 12:35

येशूका मेर्मिमलाई र्‍वाम्‍डी, “आथावो घरिकोङसम्‍म ओल गानीनुङ दु़म। ओल गानीनुङ बुलो लाम्‍दिनी, मा तुकुम्‍चिमका गानीलाई मेहुम्‍निनु। तुकुम्‍चिमडा लाम्‍दिपा मु़चु़का गु बान्‍ते लक्‍तोङा लेडु़, मेराम मेच।

यूहन्‍ना 12:36

गानीनुङ ओल बुलोङा मेरामडला थो़रलु़नी। मेम्‍मा गानी ओलडा बाट्‌पा मु़चु़ होप्‍माम दु़म्‍नी।” येशूका ओर्मिम ल्‍वा र्‍वामु दु़म्‍मिडिमा मेलामका लम्‍डिमा मेर्मिमडाम थसिक्‍साका बाम्‍डी।

यूहन्‍ना 12:46

गो ओराम सु़म्‍दिसेरडा ओल दु़म्‍साका योङ्‌डोम बु, मा गोडला थो़रबेपा मु़चु़ सु़ वो तुकुम्‍चिमडा मेदु़म्‍नु़।

यूहन्‍ना 8:12

आथावो येशूका मु़चु़मिमनुङ ल्‍वाबेम्‍डी, मा र्‍वाम्‍डी, “सु़म्‍दिसेरडाम मु़चु़मिमकु ओल गोङा सो़। आमा चङचङ लाम्‍दिपा मु़चु़ हेल्‍लो वो तुकुम्‍चिमडा मेलाम्‍दी, लावो मेरामका त्‍वारो़म ग्‍वाक्‍पा ओल ल्‍वासु़।”

थु़र्मा 17:30

ङादोम थारीबिलि गुइ माम्‍चु़नीलाई मेचक्‍साका मेथेसाका बिइडिम ल्‍वाडा माम्‍चु़नीका न मेसोक्‍मिवा। लावो गुमीका आथा ने खोत्‍लेथो़ बाट्‌पा खोत्‍ले मु़चु़मिमलाई उनी छु़लमिमलामका ख्‍लोसिमिनु़ र्‍वाम्‍डिम बु।

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

रोमी 1:21

मेर्मिमका माम्‍चु़नीलाई छेसाका वो गुमीलाई डोक्‍पु मेमिम्मिवा, ना आलाङा र्‍वाम्‍डी। मेम्‍मा मेर्मिमकु नेप्‍ची हाम ना हामकाम दु़स्‍ता मा मेर्मिमकु न-गो तुकुम्‍चिम होप्‍माम दु़स्‍ता।

रोमी 13:12

तुकुम्‍चिम हुक्‍तामा ओल रोमु खाप्‍डु़म बु। मेम्‍मिमका तुकुम्‍चिमगोडा बाट्‍पा मु़चु़मिमकाम होप्‍माम खारी बोमु डिसाका मेरामनुङ क्‍वाल्‍बा बोमु लागि ओलकु सेनामिम होङङा झो़म्‍सिडी।

रोमी 2:19

नका मेल्‍वापामिमलाई क्रिपा मा तुकुम्‍चिमडाम ओल गो ङा सो़ र्‍वाक्‍साका र्‍वानी।

१ कोरिन्थी 1:30

माम्‍चु़नीका गानीलाई येशू ख्रीष्‍टनुङ दु़म्‍बेट्‌निम बु। ख्रीष्‍ट ङा इकीमा लागि माम्‍चु़नीलाममिम नेप्‍ची, लोवो गुइलाई माम्‍चु़नीकु ङादोडा जो़पा मिम्‍पा, गुइलाई उनीमा सेपा मु़चु़ दु़म्‍बेट्‍पा, मा गुइलाई छु़ललामका वाङ बेपा दु़म्‍मिडिम बु।

२ कोरिन्‍थी 3:18

ङाचो़कु यु़म-झ्‍वाक्‍सी गुइलामका रेम्‍बेसिनु़ र्‍वाक्‍साका इकीमा कल हुपा पार्सिड्‍डाम बु। ङाचो़, गुमी ङा पेल सो़, गुमीलाम रोक्‍पा यु़म-झ्‍वाक्‍सीका गुइलाई वो गुमी होप्‍माम ङा दु़म्‍बेसा मा गुइ आथावो हापा यु़म-झ्‍वासिक्‍पा दु़म्‍तो लक्‍सी।

२ कोरिन्‍थी 4:6

“तुकुम्‍चिमलाम ओल झ्‍वानु़” र्‍वाक्‍पा माम्‍चु़नी ङा आकीमा नडा उनीमा ओल झ्वाबेसाका माम्‍चु़नीकु यु़म-झ्‍वाक्‍सीकाम नेप्ची गुकुलाई थेसिथेन्‍बेत्तिकी। आच्छाङा ओराम ओल येशू ख्रीष्‍टकु ङालीडा झ्‍वा।

२ कोरिन्‍थी 6:14

थो़र मेबेपा मु़चु़मिमनुङ कोले जुवागोडा मेहुनी। हेङालोने जो़पा नुङ मेजो़पाकाम हेमकेम मेदु़म। तुकुम्‍चिम नुङ ओल कोदेप दु़म्‍मु मेचाम्‍ची।

गलाती 5:25

गुइ माम्‍चु़नी-पेललाम नु़इ माला माम्‍चु़नी-पेलका र्‍वाम्‍डिम होम्‍साका लाम्‍दिमु बासी।

एफिसी 2:2

मेराम थारीका गानी सु़म्‍दिसेरडाम छु़लचो़मिम होम्‍साका दोन्‍थाल्‍नी। गानी मुनाङ पेलमिमकु हपका र्‍वाक्‍ताम थो़न्‍थाल्‍नी। मेरामका ओम्‍लो माम्‍चु़नीका र्‍वामिमिम मेथो़पा मु़चु़मिमगोडा साखाम थो़त्तो बु़।

एफिसी 4:18

मेर्मिमकु न-गो तुकुम्‍चिमका हुप्‍डु़म बु मा माम्‍चु़नीका ग्‍वाम्‍डिम त्‍वारो़मलामका मेर्मिम होनोवा बुमी, हेङालोने मेर्मिमका उनीमा न-गो लुङ होप्‍माम बनेबोमिमा माम्‍चु़नीका ग्‍वाम्‍डिम ल्‍वा थेसिमेथेन्‍मी।

एफिसी 5:2

येशू ख्रीष्‍टका गानीलाई रिखाम बेन्‍निमिमका इनी छु़ललाम वाङ बोमु लागि उनी त्‍वापङा सासेन्‍सिम्‍डी मा माम्‍चु़नीलाई गेर्सीबेट्‌पा भ्रपा मुर्नेम्‍पा धूप होप्‍माम दु़म्‍मिडी। मेम्‍साका गानी वो रिखामडा बानी-दोनी।

एफिसी 6:12

इकीमा क्‍वाल्‍बा मु़चु़मिमनुङ मेएँ, लावो धामुडा बाट्‍पा मुनाङ पेलमिमकु हपमिम, आथामबिलिम तुकुम्‍चिमगोडाम सु़म्‍दिसेरकु साखामचो़मिम, शैतानका थो़पा खोत्‍लेकु कोर्थो़लाम सो़।

कलस्‍सी 1:12

भ्रसिक्‍साका पापलाई आलासो़ ग्‍वाक्‍नी। हेङालोने गुमीका ओलकु किब्दीडा उनीमा मु़चु़मिमका ल्वापा ल्वा गानीलाई वो ल्वामु घ्रेट्‍पा दु़म्बेट्‌निम बु।

कलस्‍सी 1:13

गुमीका गुइलाई तुकुम्‍चिम गोडा साखाम थो़पा शैतानकु किब्‍दीलामका गेसाका ख्‍लुक्‍साड्‌डामी मा उनीमा द्‌वादीबुङ तारापाचो़कु किब्‍दीगोडा रेसाड्‌डामी।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

१ यूहन्‍ना 1:7

माम्‍चु़नी ओलडा बुमिमिम होङङा गुइ वो ओलडा बुइ-दोसी माला कोलेकाम कोङमीडला इकीमा हेमकेम दु़म। मेम्‍मा उनीमा तारापाचो़ येशूकु सिसिका खोत्‍ले इकीमा छु़लडाम गुइलाई छेको-छेको बेसा।