एफिसी 5:6 - थुलुङ राई

⁶ सु़का वो गानीलाई हाम ना हामकु ल्‍वा बेसाका लु-फेले मेबोनिमिनु़। हेङालोने माम्‍चु़नीका र्‍वामिमिम मेथो़साका आरेप्‍माम मेजो़पा खारी बेपा मु़चु़मिमलाई गुमीका देन्‍दे ग्‍वामी।

एफिसी 5:6 Iomraidhean Croise

मत्ती 24:24

हेङालोने ख्रीष्‍ट लिसिक्‍पामिम नुङ माम्‍चु़नीलाम-जेपा लिसिक्‍पामिम लुमी। मेम्‍मा झापा माला माम्‍चु़नीका उनी मु़चु़ दु़म्‍मु छेट्‌मिडिम मु़चु़मिमलाई वो ताङताहेरथो़ लमु लागि डोक्‍पुतो छेखोपमिम नुङ यु़मखारीमिम रेम्‍बोमी।

मत्ती 24:4

मेकोतिमा गुमीका मेर्मिमलाई र्‍वाम्‍डी, “चङचङया बानी वो, सु़कावो गानीलाई ताङताहेरथो़ मेलनिमिनु़।

मर्कूस 13:22

झाम माला माम्‍चु़नीलाम छेट्‍मामिमलाई ब्‍लो़म्‍मु ख्रीष्‍ट लिसिपामिम नुङ माम्‍चु़नीलाम जेपा लिसिपामिम लुमी मा यु़म-खारी रेम्‍बोमु माल्‍मी।

मर्कूस 13:5

येशूका मेर्मिमनुङ र्‍वाम्‍डी, “चङचङया बानी वो! सु़का वो गानीलाई मेब्‍लो़म्‍निमिनु़।

रोमी 1:18

पाह्रीलाम माम्‍चु़नी पापकाम छोक्‍चो मु़चु़मिमकु छु़ल नुङ मेजो़पा खारीकु कोर्थो़लाम रेम्‍बेसिड्‍डाम बु। मेर्मिमकाम उनीमा त्‍वाकु मेजो़पा खारीकाङा आच्‍छाङाकाम सीसि रिप्‍डु़म बु।

कलस्‍सी 2:18

गुकु माम्चु़नीका रेम्बेम्डिम ल्वा ल्‍वात्तोकोम बु र्‍वाम्डिमा त्वापलाई याक्‍के दु़म्मु होङङा रेम्बेसाका पाह्रीचो़मिमकु सो़रलोले बेत्तो त्वापलाई डोक्‍पु लिसिक्‍पा बेपामिम बुमी। मेर्मिमकु लिमा थेसाका गानी ल्वामु बासिक्‍पा पुरस्‍कार मेदाम्सोक्‍नी। मेर्मिम ने हाम वो मेबाट्‌पा सु़म्दिसेरडाम ल्‍वा रेसाका त्वापलाई डोक्‍पु लिसिक्‍तो बुमी।

कलस्‍सी 2:4

उहेम मु़चु़का वो गानीलाई मेर्मिमकु लिमा सीसिमिमथो़ थो़र लु़बेन्‍मु लेम्‍मु मेचाम्‍निमिनु़ र्‍वाक्‍साका ओराम ल्‍वा गानीनुङ र्‍वाङुमिम। मेर्मिमकु सीसि थो़रलु़इमिम होप्‍माम ल्‍वासी लावो आच्‍छाङा मेएँ सो़।

कलस्‍सी 2:8

मामासो़, सु़का वो गानीलाई हाम ना हामकाम नुङ वायम डक्‍पा मु़चु़कु नेप्‍चीका मेर्मिमकु सीसि होम्‍साका लाम्‍दिमु मेर्‍वामिनु़। मेराम सीसि ने ख्रीष्‍टलाममिम मेएँ, मु़चु़का बेम्‍खेम्‍डिम डु़म्‍ला नुङ सु़म्‍दिसेरकु दुथाममिम ल्‍वा सो़।

कलस्‍सी 3:6

आरेप्‍माम मेजो़पा खारीका माम्‍चु़नीका र्‍वामिमिम मेथो़पामिमडला गुमीका छो़म डोक्‍पु छोक्‍चो रेम्‍बोमी।

२ थेसलोनिकी 2:3

मु़चु़मिमका ओराम ल्‍वाकु दुथाम गानीलाई र्‍वामिमिम लिमा ल्‍वा जेसाका लु-फेले बोमु मेल्वासु़नु़। मु़चु़मिम माम्‍चु़नीकु कोर्थो़लाम बमी, मा माम्‍चु़नीकु डु़म्‍लाकाम कोर्थो़लाम बमिम पुयु़लुक्‍पा मु़चु़ रो। मेम्‍मा ङाचो़ येशू योमी।

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।

हिब्रू 3:19

मेम्‍मिमका गुइ चडिम बु, मेर्मिमका माम्‍चु़नीडा थो़र मेलु़मिवामकाङा ङेसिक्‍पा खोमडा हुमु मेल्‍वामिवा।

१ पत्रुस 2:8

मेम्‍मा, “मु़चु़मिमलाई दुबेट्‌पा कोले लुङ नुङ मेर्मिमलाई चार्पा भ्‍र्‍वा।” मेर्मिमका माम्‍चु़नीकु सिजेम होम्‍साका मेबोमी मा दुम्‍सिमी। मेर्मिमडला आरे दु़म्‍मुङा माम्‍चु़नीका मुलु़ बेम्‍डिम बाइडा।

१ यूहन्‍ना 4:1

द्‌वादीबुङ ङोप्‍सो़नी, पेललामका जेङुमिम र्‍वाक्‍पा खोत्‍ले मु़चु़लाई थो़र मेलु़नी। मेर्मिमनुङ बाट्‌पा पेल माम्‍चु़नीलाममिम डे मेएँ डे र्‍वाक्‍पा रेम्‍मु मेर्मिमलाई छाम्‍निमी। हेङालोने माम्‍चु़नीलाम-जेपा लिसिक्‍पा हापा मु़चु़मिम ओराम सु़म्‍दिसेरडा लुम्‍डिम बु।