एफिसी 5:1 - थुलुङ राई

¹ माम्‍चु़नीका रिखाम बेपा उनीमा चो़मिम दु़स्‍तिमका गानी उनीमा बेसी बोमु माल्‍नी।

एफिसी 5:1 Iomraidhean Croise

मत्ती 5:45

मेम बेसाका गानी पाह्रीला बाट्पा पापकु चो़मिम दु़म्‍नी। गुमीका जो़पा नुङ मेजो़पा मु़चु़ निफिकाम लागि नेप्‍सुङ ओम्‍बेन्‍मी मा माम्‍चु़नीकु ङादोडा जो़पा नुङ मेजो़पा खारी बेपा मु़चु़ निफिकाडा व थु़र्मी।

मत्ती 5:48

मेम्मिमका पाह्रीला बाट्पा इनी पाप होङङा गानी वो खोत्‍ले खारी जो़पा बेनी।”

यूहन्‍ना 1:12

लावो गुमीलाई हुनाखाना बेपा, मा गुमीडला थो़र लु़पामिम खोत्‍लेलाई गुमीका माम्‍चु़नीकु चो़मिम दु़म्‍पा साखाम ग्‍वाम्‍डिमी।

एफिसी 4:32

लावो न-थो़मनुङमा दु़म्‍नी मा कोलेका कोङमीलाई रिखाम बेबेनी। माम्‍चु़नीका गानीलाई ख्रीष्‍टलामका पाचो ग्‍वानिमिम होम्‍साका इनी त्‍वापगोडा पाचो ग्‍वाबेनी।

फिलिप्‍पी 2:15

मेम्‍साका गानी मुमा मेबेडिमिम नुङ आच्‍छाङाकाम दु़म्साका थो़र मेलु़इमिम नुङ मेजो़पा मु़चु़मिम गोडा मेख्‍लो़ट्‌पा माम्‍चु़नीकु चो़ दु़म्‍नी। मेर्मिम मु़चु़ गोडा गानी सु़म्‍दिसेरडा झ्‍वाक्‍पा सोरलुङ होङका झ्‍वानी।

कलस्‍सी 3:12

माम्‍चु़नीका गानीलाई उनीमा मु़चु़ दु़म्‍मु छेट्‌निमी, उनीमा नङका साट्‌निमी, मा रिखाम बेन्‍निमी। मेम्‍मिमका नाम्‍नाम्चो़ लु़पा, न-थो़मनुङमा, याक्‍के दु़म्‍पा, मेक्रोक्‍पा दु़म्‍पा मा इम्‍सिक्‍पा दु़म्‍नी।

१ यूहन्‍ना 4:11

द्‌वादीबुङ ङोप्‍सो़नी, माम्‍चु़नीका गुइलाई छो़म रिखाम बेसाड्‌डामिमका गुइ वो कोलेका कोलेलाई रिखाम बेबोमु बासी।