एफिसी 4:9 - थुलुङ राई

⁹ “गुमी गेले लम्‍डी” र्‍वाक्‍मा हाम? मेराम र्‍वाक्‍मा ने ङादो गुइ बाट्‌पा ओराम सु़म्‍दिडा ख्रीष्‍ट आकोम धाली योम्‍डिम बाइडा।

एफिसी 4:9 Iomraidhean Croise

मत्ती 12:40

हेङालोने डोक्‍पु ङोकु ख्‍वाचेपगोनो योना सु नेम्‍फु-सिन्‍था बाइडा, मेम्साकाङा सुलेम नेम्‍फु-सिन्‍था मिनीचो़ वो सुबुगोयु़ दु़म।

यूहन्‍ना 20:17

येशूका गुलाई र्‍वाम्‍डी, “गोलाई मेजेट्‌ङी, हेङालोने गो पापकाडा ख्‍लोङसिङ्‌डोम मिबु। लावो आमा ल्‍वाकमिमकाडा लक्‍सामा र्‍वाका, ‘गो आमा पाप नुङ इनीमा पापकाडा मा आमा माम्‍चु़नी नुङ इनीमा माम्‍चु़नीकाडा लक्‍तोङा लेट्‌पु’।”

यूहन्‍ना 3:13

पाह्रीलामका योक्‍पा मिनीचो़डाम वाङमिम सु़ वो पाह्रीला लस्‍ताम मिबु।

यूहन्‍ना 6:33

हेङालोने माम्‍चु़नीकु सो़बेम गुङा सो़, मेराम पाह्रीलाम यो, मा सु़म्‍दिसेरडाम मु़चु़मिमलाई त्‍वारो़म ग्‍वाकु़मी।”

यूहन्‍ना 6:38

गो आमा न होङङा बेप्‍डा मेएँ, माम्‍चु़नीका न बोमिमिम होम्‍साका खारी बेप्‍डा पाह्रीलामका योङडोम।

यूहन्‍ना 6:41

यहूदीमिमका उनी कोर्थो़लाम सु़म्‍बुर्मा किन्‍मु चो़म्‍मिडी, हेङालोने गुमीका आरे र्‍वाम्‍डिम बाइडा, “पाह्रीलामका योक्‍पा सो़बेम गोङा सो़।”

यूहन्‍ना 6:51

त्‍वारो़म ग्‍वाक्‍पा पाह्रीलामका योक्‍पा सो़बेम गोङा सो़। कोङनिमका ओराम सो़बेम पु़ माला मेराम हेल्‍लो लोवो नु़होम बु। ओराम सो़बेम ने आमा मिरो़म सो़, सु़म्‍दिसेरडाम मु़चु़मिमका त्‍वारो़म ल्‍वामु लागि मेराम ग्‍वाक्‍पुमी।”

यूहन्‍ना 6:58

इनीमा बेप-पापमिमका पेम्‍डिम होप्‍माम सो़बेम गो मेएँ। मेर्मिमका सो़बेम पेम्‍डी मावो सिम्‍डी। गो ने पाह्रीलामका योक्‍पा सो़बेम सो़, मा उहेमका ओराम सो़बेम पु़, मेराम मु़चु़ हेल्‍लो लोवो नु़होम बु।”

यूहन्‍ना 6:62

मेम माला गानी आथावो मिनीचो़लाई पाह्रीथो़ कोसिट्‌पा ल्‍वान्‍नी माला हाम मिम्‍नी?

यूहन्‍ना 8:14

येशूका र्‍वाम्‍डी, “आमा दुथाम गो त्‍वाकाङा सो़उतो लोवो गो सो़उतोम ल्‍वा आच्‍छाङा सो़। गो बालामका रोङ्‌डोम, मा गो बान्‍ते लक्‍तोङा बेउ, मेराम गो चक्‍पु। लावो गो बालामका रोङ्‌डोम डे बान्‍ते लङुमिम डे मेराम गानी मेचनी।

हिब्रू 2:7

गानी गुलाई घरिकोङकाम लागि पाह्रीचो़मिमडाम याक्‍के दु़म्‍बेट्‍नी। गुलाई यु़म झ्‍वाक्‍सी नुङ डोक्‍पु मिम्‍सीकु मुकुट खुसिबेट्‌नी।

हिब्रू 2:9

लावो गुइ येशूलाई ल्‍वासी, गुमी घरिकोङकाम लागि पाह्रीचो़मिमडाम याक्‍के दु़म्‍मिडी। मेम्‍मा माम्‍चु़नीकु दिदामका खोत्‍लेकाम लागि गुमीलाई सिप्‍डा थु़र्मिडी। येशूकाङा सिमु दु़खा इम्‍मिडिमका माम्‍चु़नीलामका यु़म झ्‍वाक्‍सी नुङ डोक्‍पु बेसीकु मुकुट ल्‍वाम्‍डी।