एफिसी 4:4 - थुलुङ राई

⁴ माम्‍चु़नीका गुइलाई कोलेङा जो़पा ल्‍वा ल्‍वामुकाम लागि येसाड्‌डामी, मेम्‍साका गुइ ख्रीष्‍टडा दु़म्‍पामिम खोत्‍ले कोले मिरो़म सो़ मा माम्‍चु़नी-पेल वो कोलेङा बुमी।

एफिसी 4:4 Iomraidhean Croise

मत्ती 28:19

मेम्‍मिमका लक्‍निमा खोत्‍ले सामाडाम मु़चु़मिमलाई आमा सीसिपा दु़म्‍बेट्‌नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्‍वाक्‍निमी,

थु़र्मा 15:11

लावो मेर्मिम नुङ गुइ ङाचो़ येशूकु दिदामका सेल्‍सिड्‌डिम बु र्‍वाक्‍साका गुइ थो़र लु़इडिम बु।”

रोमी 11:29

माम्‍चु़नीका ग्‍वाम्‍डिम राप्‍लावा गुमीका मेख्‍लोमी, मा येट्‌मिडिम मु़चु़लाई हेल्‍लो वो मेङेन्‍मी।

१ कोरिन्थी 10:17

गुइ सेर्पा लोवो खोत्‍लेका कोलेङा सो़बेम दो़स्‍तीमा पिइडिमका गुइ खोत्‍ले कोलेङा मिरो़म र्‍वाक्‍पा रेम्‍बु़।

१ कोरिन्थी 12:20

अंगमिम हापा बुमी लोवो मिरो़म ने कोलेङा।

२ कोरिन्‍थी 11:4

कोङनिम मु़चु़ इनीमाडा रोम्‍डिमा गुकु र्‍वाक्‍तोकोमडाम वो वाङमिङा येशूकु दुथाम सो़म्‍डी माला गानी गेर्सी द्‍वाक्‍तो थो़नी रेछा। ङादो गानी ल्‍वान्‍निम पेल नुङ जो़पा-सेलाडाम वो वाङमिङा पेल नुङ वाङमिङा सेला गानी जो़होमका ङा रनी रेछा!

एफिसी 1:18

मेम्‍मा इनीमा नगोडा माम्‍चु़नीकु ओल झ्‍वाबेसाका, माम्‍चु़नीका गानीलाई हाम ग्‍वामु लागि येट्‌निमिम, मा उनीमा मु़चु़मिमलाई ग्‍वानिनी र्‍वाम्‍डिम डोक्‍पु जि-वामिम,

एफिसी 2:16

ङाचो़ येशू ख्रीष्‍ट क्रूसडा सिसाका यहूदी नुङ मेयहूदी नले सामालाई कोङ सामा बनेबेसाका निफिलाई माम्‍चु़नीनुङ न-थो़म घ्रो़म्‍बेट्‌मिडी, मा दु़मु मेग्‍वाक्‍पा स्‍वाक्‍चिमो पुयु़लुबेट्‌मिडी।

एफिसी 2:18

येशू ख्रीष्‍ट क्रूसडा सिम्‍डिमका यहूदी नुङ मेयेहूदी गुइ खोत्‍ले कोलेङा माम्‍चु़नी पेललामका माम्‍चु़नीकु ङादोडा रोमु चाप्‍स्‍तिम बु।

एफिसी 2:22

गानी वो ख्रीष्‍टनुङ कोदेप दु़म्‍साका वाङमिम खोत्‍लेनुङ कोयोङा माम्‍चु़नी-पेललामका माम्‍चु़नी बाट्‍पा खोम दु़म्‍तो लक्‍नी।

एफिसी 4:1

मेम्मिमका ङाचो़ येशू ख्रीष्‍टकु खारी बेउतोमका झ्‍यालखानडा चसिक्‍पा गो पावलका गानीलाई छो़म र्‍वाङु, माम्‍चु़नीका गानीलाई उनीमा हेप्‍माम मु़चु़ दु़म्‍मुकाम लागि येट्‌निम बु मेराम होम्‍साका दोनी बानी।

एफिसी 5:30

हेङालोने गुइ ख्रीष्‍टकु मिरो़मडाम अंगमिम सो़।

कलस्‍सी 1:5

इनीमा लागि पाह्रीला जु़ल्‍थाप्‍मा ल्‍वा ल्‍वापा न बोनिमिमलामका मेराम थो़र नुङ रिखाम लु़मिम सो़। मेम्‍मा मेराम ल्वामुकु दुथाम आच्‍छाङाकु सिजेम, जो़पा-सेलालामका गानी थो़मु दु़म्‍निम बु,

कलस्‍सी 3:15

ख्रीष्‍टका इनीमा न-गो थो़मिनु़ मा खोत्‍लेनुङ दु़बेनिमिनु़। हेङालोने दु़साका बुमु लागिङा माम्‍चु़नीका गानीलाई कोले मिरो़मडा येट्‌निमिम बु। मेम्‍मा गुमीलाई आलासो़ ग्‍वामु हेल्‍लो वो मेप्‍ल्‍वानी।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

१ तिमोथी 1:1

थो़रलु़सीडा आमा आच्‍छाङाकाम तारापाचो़ होप्‍माम तिमोथी, गो पावलका गानालाई ओराम सेलाखाजेम र्‍याक्‍तोङा बेउ। गुइ ख्रीष्‍ट येशूलाम हाम हुम ल्‍वापा न बिइमिम नुङ गुइलाई सेल्‍पा इकीमा माम्‍चु़नीका बेबेट्‌ङिडिमिम होम्‍साका गो ख्रीष्‍ट येशूकु थु़र्मा सो़। माम्‍चु़नी नुङ इकीमा ङाचो़ ख्रीष्‍ट येशूलामका गाना दिदाम, न-थो़म, नुङ न-भ्रसी ल्‍वानानु़!

तीतस 1:2

ओराम थो़र नुङ आच्‍छाङाकु सिजेम थेसिथेट्‌पा नेप्‍चीलाम मेर्मिमका त्‍वारो़म ल्‍वामु लागि लथाक्‍पा दु़म्‍मी। मेराम त्‍वारो़म हेल्‍लो वो लिमा मेथेट्‌पा माम्‍चु़नीका सु़म्‍दिमोलोङा याचे जेम्‍डिम बाइडा।

तीतस 2:13

मेम्‍मा घ्‍ल्‍वापा इकीमा माम्‍चु़नी नुङ गुइलाई सेल्‍पा येशू ख्रीष्‍टकु यु़म-झ्‍वाक्‍सी रेम्‍बेसिलो ल्‍वापा न बिमिम गेर्सी द्‌वाक्‍पा थारीकाम लागि लडिमिम बुइ।

तीतस 3:7

मेम्‍साका उनीमा दिदामका उनीमा न-गो होप्‍माम दु़म्‍साका हेल्‍लो वो मेसिपा त्‍वारो़म ल्‍वामु न बेपा उनीमा चो़मिम दु़म्‍सिनु़।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

१ यूहन्‍ना 3:3

मेम्‍मा आरे दु़म्‍मु लथाक्‍पा मु़चु़ खोत्‍लेका येशू ख्रीष्‍ट छु़ल मान्‍थिम बुमिमिम होङङा त्‍वापलाई छु़ल मान्‍थिम दु़म्‍बेन्‍मी।