16 गुमीलामकाङा मिरो़मडाम खोत्ले अंगमिम गुमीडाङा दु़म्साका त्वाप-त्वापडा जो़होमका हाम्सिम्डिम बु। खोत्ले अंगमिमका त्वा-त्वाहोम खारी बोमिलो रिखामलामका सोनुङमा दु़म मा मिरो़म बर्तो ल।
“गो अङ्गूरकु रो़ल सो़, मा गानी ग्रेममिम। कोङनिम मु़चु़ गोगोडा दु़म माला गो गुगोडा दु़म्ङुमा मेरामका हापा मा सिन्बेडु़। गोडाम फ्वासिक्साका गानी हाम वो बोमु मेचाम्नी।
इकीमा मिरो़मडा हापा अंगमिम बुमी लोवो मेर्मिमकु खारी खोत्लेकाम कोलेङा मिबु, लावो खोत्लेकाम वाङ वाङ बु।
गुइ सेर्पा लोवो खोत्लेका कोलेङा सो़बेम दो़स्तीमा पिइडिमका गुइ खोत्ले कोलेङा मिरो़म र्वाक्पा रेम्बु़।
थो़र, हाम-हुम ल्वापा न, नुङ रिखाम ओर्मिम सुले हेल्लो लोवो दु़म्मिम बुमी। लावो ओर्मिमगोडा खोत्लेडाम डोक्पु ने रिखाम सो़।
ङाटालाई ग्वाक्मा पोमु-डुमुकु दुथाम गो र्वाङु, गुइ खोत्लेका च, गुइ खोत्लेका नेप्ची ल्वास्तिम बु। नेप्चीका गुइ डोक्पु लिसिबेसा, लावो रिखामका जो़पा दु़म्बेसा।
लावो माम्चु़नी-पेलका ने गुइलाई आरेप्माम दु़म्बेसामी– रिखाम बेपा, न-थो़म भ्रसिक्पा, न-गो भ्रसिक्पा, इम्सिमु चापा, न-थो़मनुङमा, खोत्लेकाम लागि जो़पा मिम्पा, थो़र लु़इमिम,
गुइ ख्रीष्ट येशूडा थो़रलु़पामिमकाम लागि ने कोक्ते खिरिरि क्रिप्डी लोवो मेक्रिप्डी लोवो मेराम हाम वो मेएँ। लावो कोलेङा डोक्पु ल्वा बु, मेराम ने रिखामनुङमा दु़म्साका खारी बेपा थो़र सो़।
माम्चु़नीकु मिक्सीलामडा गुइ छु़ल मान्थिम नुङ हाम वो मेख्लो़ट्पा दु़म्सिनु़ र्वाक्साका सु़म्दिसेर प्रङमु ङादोङा गुमीका गुइलाई ख्रीष्टडा छेसाड्डामी। गुमीका गुइलाई रिखाम बेसाड्डामिमका,
गानी थो़र बेनिम बानी मा ख्रीष्ट इनीमा नगोडा बुमिनु़म बुमिनु़, रिखामडा फ्रु़प क्रोसिसाका गानी होनो आथो़ मेदु़म्पा डोक्पु थो़रनुङमा दु़म्नी,
माम्चु़नीकु डोक्पु दिदाम नुङ यु़मलामका माम्चु़नीका गोलाई राप्लावा ग्वाक्साका जो़पा-सेला थो़बेट्पा उनीमा डु़ल्चो़ दु़म्बेट्ङिडिमी।
माम्चु़नीकु न होम्साका खारी बोमु चाप्मिनु़ र्वाक्साका उनीमा त्वाकु मु़चु़मिमलाई झो़म्सिबेन्मु लागि आरेसाका बेम्डी, मा ओरामलामका ख्रीष्टकु मण्डली बर्तो ल।
लावो रिखामनुङ आच्छाङा ल्वा जेसाका खोत्ले ल्वाडा गुइ ख्रीष्टसम्म बर्तो लक्सी। गुइ मण्डली उनीमा मिरो़म सो़ मा गुमी इकीमा बुइ सो़।
गो इनीमा लागि ओराम सो़म्दी बेउ: इनीमा रिखाम, नेप्ची, नुङ थेसिथेसी छो़म बर्तो-बर्तो लनु़,
मेराम मु़चु़ ने गुलाई थो़पा बुइ ख्रीष्ट नुङ मेदु़म्साका वाङ दु़म। ख्रीष्ट ने मिरो़मकु बुइ बुमी। गुमीका मिरो़मलाई डु़ल्मी। मेम्साका मिरो़मकु सेर नुङ सोरिप घ्रो़मबेसाका खोत्ले मिरो़म माम्चु़नीकु न होम्साका बर्तो लमी।
इनीमा सो हन्नु़ मा रिखाम बेबोमुडा कोले दु़म्नी र्वाक्साका ओराम बेउतोम बु। इनीमा थो़रडा ने जो़पा दु़म्नी मा गानी मेमुर्पा दु़म्नी, हेङालोने गानी आच्छाङाकाम सिजेम जो़होमका थेसिथेट्निम बु। मेम्मा माम्चु़नीकु थक्मा ल्वा ख्रीष्टकु दुथाम आच्छाङाका थेसिथेनिनु़ र्वाक्पा आमा न बु।
थो़रका बेबेट्निम इनीमा खारी, रिखामका बेबेट्निम ब्राम्दु़ल्वा नुङ इकीमा ङाचो़ येशू ख्रीष्टडाम हाम हुम ल्वापा नका बेबेट्निम इनीमा इम्सी माम्चु़नी पापनुङ सो़म्दी बोकुलो मिम्कुम बुकु।
माम्चु़नीलाई गुकु हेल्लो लोवो आलासो़ ग्वाकु, हेङालोने उनीमा सिजेम गुकुलाम गानी थो़न्निलो मु़चु़मिमकु ल्वा होङङा मेएँ, माम्चु़नीकु सिजेमङा र्वाक्साका रन्नी। मेराम आच्छाङा माम्चु़नीकु सिजेम सो़, उहेमका गानी थो़रलु़पामिम गोडा खारी बु़।
गानीलाई गुकु रिखाम बोकुमिम होङङा इनी त्वाप-त्वापडा बेबोनिमिम रिखाम ङाचो़ येशूका बर्बेन्सानिमिनु़ मा वाङमिम मु़चु़मिमलाई छो़म रिखाम बेपा दु़म्बेनिमिनु़।
वा-ल्वाकनी, इनीमा लागि गुकु हेल्लो लोवो माम्चु़नीलाई आलासो़ ग्वामुङा बासी। ओराम जो़पा दु़म, हेङालोने ख्रीष्टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।
गो बेबेट्निम ल्वाका र्वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्वा माल्पा न नुङ आच्छाङा थो़र लु़साका रो।
आच्छाङाकाम ल्वा होङङा बेसाका गानी इनी त्वापलाई छेको-छेको दु़म्बेट्निम बु। मेम्मिमका थो़र लु़पा इनीमा वा-ल्वाकलाई आच्छाङाका रिखाम बेनी, मा इनी त्वाप-त्वापडा न-गोलामकाङा छो़म रिखाम बेबेनी।
माम्चु़नीका हाङको छो़म रिखाम बेसाड्डामी, मेराम गुइ च, मा गुमीडा थो़र लु़इ। माम्चु़नीका खोत्ले मु़चु़लाई खोत्लेडा रिखाम बोमी, मा उहेम मु़चु़ रिखामडा बु मेराम मु़चु़ माम्चु़नीडा बु मा माम्चु़नी मेरामकाडा बुमी।