एफिसी 4:11 - थुलुङ राई

¹¹ गुमीकाङा याङलाई थु़र्मा दु़म्‍बेट्‌मिडी, याङ माम्‍चु़नीलाम जेपा, याङलाई जो़पा-सेला दो़पा, याङ मण्‍डली रेपा मा याङ मण्‍डलीडा सीपा दु़म्‍बेट्‌मिडी।

एफिसी 4:11 Iomraidhean Croise

मत्ती 28:20

मा गो गानीलाई बेबेट्‌निनिम होम्‍साका खोत्‍ले ल्‍वा होङङा दोमु मेर्मिमलाई सीनिमी। रेप्नी, सु़म्‍दिसेर हुक्‍पा थारीसम्‍म वो गो गानीनुङ दु़म्‍ङुम बुङु।”

थु़र्मा 13:1

एन्‍टिओखियाडाम मण्‍डलीडा कोङनिम माम्‍चु़नीलाम-जेपामिम नुङ सीपा मु़चु़मिम बाम्‍डी। मेर्मिम, बारनाबास, केकेम र्‍वाक्‍मा शिमियोन, कुरेनीडाम लुकियस, हेरोद हपकु ल्‍वाक बनेबेम्‍डिमा डु़ल्‍मिडिम मनेन नुङ शाऊल बाम्‍डी।

थु़र्मा 20:28

गानी इनीमा त्‍वाप नुङ खोत्‍ले थो़रलु़पामिमकाम लागि चङचङया बानी वो! माम्‍चु़नी-पेलका गानीलाई मे थो़रलु़पामिम रेपा खुन्‍चु़म खुबेट्‌निमिम बु। मेम्‍मिमका गुमीका उनीमा त्‍वाकु तारापाचो़ येशूकु सिसिका भ्रेम्‍डिम माम्‍चु़नीकु मण्‍डलीलाई न-गो सोक्‍निमा जो़होमका रेप्‍नी।

थु़र्मा 21:8

उ दिकाम नेम मेलामका ब्‍र्‍वासिक्‍तोकोमा कैसरिया शहरडा रोक्‍तोको, मा जो़पा-सेला थो़बेट्‌पा फिलिपकु नेमडा लक्‍तोको। गु यरूशलेमडा माम्‍चु़नीकु सो़रलोले बेपा थुट्‌मीडिम येतलेमिमगोडाम कोले बाइडा, मा गुकु मेराम नुङङा बात्तोको।

रोमी 12:7

थो़रलु़पामिमलाई ख्‍लो़पाका जो़होमका ख्‍लो़यु़नु़, माम्‍चु़नीकु सीसि सीमु चापाका सीसि सीट्‍नु़म बुनु़।

१ कोरिन्थी 12:4

माम्‍चु़नी पेललाममिम राप्‍लावामिम हापा खालकाम बुमी, लावो राप्‍लावा ग्‍वाक्‍पा माम्‍चु़नी पेल कोलेङा बुमी।

एफिसी 2:20

गानी ने नेम होप्‍माम सो़ मा मेराम नेमकु जग ने थु़र्मामिमनुङ माम्‍चु़नीलाम जेपामिम ङा सो़, ख्रीष्‍ट येशू उनी त्‍वाप ने मेराम नेमकु जगडाम डोक्‍पु लुङ सो़।

एफिसी 3:5

ओराम ल्‍वा ङादोम मु़चु़मिम सु़लाई वो चबेट्‌मा मेबायावा, लावो ओम्‍लो माम्‍चु़नीका उनीमा पेललामका ओराम ल्‍वा उनीमा सेपा थु़र्मामिम नुङ माम्‍चु़नीलाम जेपामिमलाई रेम्‍बेट्‌मिडिम बु।

एफिसी 4:8

मेम्‍मिमका माम्‍चु़नीकु सिजेमडा आरेसाका र्‍याक्‍मा बु: “गुमी गेले लम्‍डिलो उनीमा स्‍वाक्‍चिमोमिमलाई घ्‍ल्‍वासाका चु़म्‍मा मु़चु़मिमलाई गुमीनुङ लम्‍डी, मा मु़चु़मिमलाई उपहार ग्‍वाम्‍डी।”

२ तिमोथी 4:5

लावो गाना खोत्‍ले थारीका त्‍वापलाईङा जो़होमका जु़ला, दु़खा इम्‍डा, जो़पा-सेला थो़बेडामी, मा माम्‍चु़नीका बेबेट्‌नामिम खोत्‍ले खारी बे।

हिब्रू 5:12

ओम्‍लोसम्‍म ने गानी वाङमिमिमलाई सीमु चापा दु़म्‍मु बासिक्‍पा बाइडा। लावो आथावो गानीलाई कोङनिमका माम्‍चु़नीकु सिजेमकाम याक्‍के ल्‍वा सीमु बासिक्‍पा बु। गानी ने डोमु मेझापा पोमुथोक डोमु चापा दु़म्‍मु बासिक्‍पा बाइडा, लावो दु़दु़ डुपा चो़च्‍चो़ होप्‍मामङा बुनी।

यहूदा 1:17

लावो द्‌वादीबुङ ङोप्‍सो़नी, इकी ङाचो़ येशू ख्रीष्‍टकु थु़र्मामिमका ङादोङा र्‍वाम्‍डिम ल्‍वामिम गानी मिम्‍नी।

रेम्‍बेट्‌मिडिम ल्‍वा 18:20

ए पाह्रीला बाट्‍पानी, ओरामकाम रसो़म हाट्‌नी! माम्‍चु़नीकु मु़चु़नी, थु़र्मानी, माम्‍चु़नीलाम जेपानी रसो़म हाट्‌नी। गुका गानीलाई हाम बेन्‍नी मेम्‍साकाङा माम्‍चु़नीका गुलाई देन्‍दे ग्‍वाम्‍डिम बु।”

रेम्‍बेट्‌मिडिम ल्‍वा 21:14

मे शहरकु ब्रोलुङकाम को-न उनी फारमिमकाम लुङ बाइडा। मेरामडला भेन्‍दाचो़कु को-न थु़र्मामिमकु नङ र्‍याक्‍मा बाइडा।