एफिसी 3:9 - थुलुङ राई9 मेम्मा खोत्लेम थोक प्रङपा माम्चु़नीका सु़म्दिमोलो आथामङा थक्मिडिम ल्वा हाम र्वाक्साका खोत्लेनुङ सो़मु लागि गोलाई छेट्ङिडिमी। Faic an caibideil |
एफिसी 3:9
38 Iomraidhean Croise
लावो गानी इनीमा नडा मेमुर्सिक्साका नुङ आनो-मेनो मेबासिक्साका थो़र बोमुम बुमु बासी, मा गानी जो़पा-सेला थो़न्निलो हाम-हुम ल्वापा न ल्वान्निम डिसिमेनु़। ओराम सेला माम्चु़नीकु खारीचो़मिमका सु़म्दिसेर खोत्लेथो़म मु़चु़मिमलाई थो़बेट्मिडी, मा गो पावल आ त्वाप वो ओराम सेला थो़बेट्पा सेलाचो़ दु़म्ङोडोम बु।
मु़चु़मिमलाई गुकु उनीमा सिजेम थो़बेन्मु माम्चु़नीका जो़पा थारी ग्वाकिमिनु़ र्वाक्साका आकीमा लागि वो सो़म्दी बेसाट्किनी। ख्रीष्टकु दुथाममिम ङादो थक्मा ल्वा माम्चु़नीका थेसिथेन्बेत्तिकिम बु, मेराम गुकु वाङमिम मु़चु़नुङ सो़मु चाम्कुनु़ र्वाक्साका सो़म्दी बेसाट्किनी। गो ओराम ल्वा थो़बेट्पुमिमिमकाङा चसिट्पा बुङु।
सो़रलोले बेपा मिरो़म-त्वारो़मकु थक्मा ल्वा ने हाङको डोक्पु बु: ख्रीष्ट उनी त्वापङा मिरो़मडा ल्वाला सो़म्सिम्डी, माम्चु़नी-पेलका गुमीलाई माम्चु़नीकु ङादोडा जो़पा दु़म्मिडिम रेम्बेम्डी, पाह्रीचो़मिमलाम ल्वाला सो़म्सिम्डी, मिनी सामामिमका उनीमा दुथाम थो़म्डी, सु़म्दिसेरडा मु़चु़मिमका गुमीडा थो़र बेम्डी, यु़म-झ्वाक्सीडा गुमी गेले कोम्सिम्डी।
गाना ल्वान्नाम मे हादीबारा कोबिलि सामनुङमा बाइडा, लावो ओम्लो ने मिबु मा दिफु गु छु़ट मान्थिम घ्लु़म्पा पोलु़मलाम लुगे, मा उमा लागि र्वाक्मा होङङा पुयु़ ल। मेम्मा सुबुडाम मु़चु़मिम उहेममिमकु नङ सु़म्दिसेर प्रङ्सिमु ङादोङा त्वारो़मकु खाजेमडा र्यास्ताम मिबु मेर्मिमका मे हादीबारा ल्वामिमा ङाङाया दु़म्मी, हेङालोने मेराम कोबिलि बाइडा, ओम्लो ने मिबु मा दिफु रो।
Sanasan