एफिसी 3:5 - थुलुङ राई

⁵ ओराम ल्‍वा ङादोम मु़चु़मिम सु़लाई वो चबेट्‌मा मेबायावा, लावो ओम्‍लो माम्‍चु़नीका उनीमा पेललामका ओराम ल्‍वा उनीमा सेपा थु़र्मामिम नुङ माम्‍चु़नीलाम जेपामिमलाई रेम्‍बेट्‌मिडिम बु।

एफिसी 3:5 Iomraidhean Croise

मत्ती 13:17

आच्‍छाङा गो गानीलाई र्‍वाङु, माम्‍चु़नीलाम-जेपामिम नुङ माम्‍चु़नीकु लाम्‍दीडा लाम्‍दिपा हापा मु़चु़मिमका गानी ल्‍वान्‍निम ल्‍वा ल्‍वामु न बेम्‍डिम बाइडा, लावो मेर्मिमका मेल्‍वामिवा। गानी थो़न्‍निम ल्‍वा थो़मु न बेम्‍डिम बाइडा, लावो मेथो़मिवा।

मत्ती 20:7

“मेर्मिमका गुनुङ र्‍वाम्‍डी, ‘गुकुलाई सु़का वो खारी बोमु लागि मेभ्रेकिमिवा।’ “ये-दकु मे मु़चु़का मेर्मिमलाई र्‍वाक्‍ता, ‘गानी वो लक्‍निमा आमा अङ्‍गूर येडा मु़चु़मिमनुङ खारी बेनी।’

मत्ती 23:34

मेम्‍मिमका इनीमाडा माम्‍चु़नीलाम-जेपामिम, नेप्‍चीनुङमा मु़चु़मिम, मा सीपा मु़चु़मिम गो थु़रुमी। मेर्मिमगोडाम कोङनिमलाई गानी सेनिमा क्रूसडा चेनी, मा याङलाई इनी घ्रो़म्‍दीनेममिमबाडे कोक्‍तेकु रिबाका याल्‍नी। मेम्‍मा शहरलामका शहरथो़ खानिमी।

लूका 10:24

हेङालोने गो गानीलाई र्‍वाङु, हपमिम नुङ माम्‍चु़नीलाम-जेपामिम हापाका गानी हाम ल्‍वानी, मेराम ल्‍वा रेम्‍मु न बेम्‍डिम बाइडा, लावो मेर्मिमका रेम्‍मु मेल्‍वामिवा। मेम्‍मा गानी हाम थो़नी, मेराम ल्‍वा मेर्मिमका वो थो़पा न बेम्‍डिम बाइडा, लावो मेर्मिमका मेथो़मिवा।”

लूका 11:49

माम्‍चु़नीकु नेप्‍चीका वो इनी दुथाम आरे र्‍वाक्‍ताम बाइडा, ‘गोलाम जेपामिम नुङ थु़र्मामिमलाई गो मेर्मिमकाडा थु़रु़मी। मेर्मिमका कोङनिमलाई सेन्‍मी, मा कोङनिमकु थो़मतेर्सामी।’

यूहन्‍ना 14:26

लावो जेप्‍साक्‍पाका खोत्‍ले सीनी, मा गो र्‍वाङ्‌डोम खोत्‍ले मिम्‍बेनिमी। जेप्‍साक्‍पा ओराम ने माम्‍चु़नी-पेल सो़, उहेमलाई पापका आमा नङडा थु़र्मी।

यूहन्‍ना 16:13

गुमी आच्‍छाङाम पेल योमिमा गुमीका गानीलाई आच्‍छाङाकाम खोत्‍ले ल्‍वाथो़ क्रिनिमी। गुमीका उनी त्‍वाकु नका मेजेमी। गुमीका हाम थो़मी मेराम कोङङा जेमी, मा दिफु दु़म्‍पा ल्‍वाकु दुथाम गानीनुङ सो़मी।

थु़र्मा 10:28

पत्रुसका मेर्मिमनुङ र्‍वाक्‍ता, “वाङसामामिमनुङ घ्रो़म्‍मु, बुमु गुकु यहूदीलाई डु़म्‍लाका मेग्‍वाकी र्‍वाक्‍पा ल्‍वा गानी खोत्‍लेका जो़होमका चनिमिम ङा बु। लावो आथा उहेम मु़चु़लाई वो मेसेपा नुङ घ्राम्‍लु़पा मिम्‍सी मेनु़ र्‍वाक्‍साका माम्‍चु़नीका गोलाई रेम्‍बेट्‌ङिडिमिम बु।

रोमी 16:25

येशू ख्रीष्‍टकु दुथाम गो दो़उतोम जो़पा-सेलालाम माम्‍चु़नीका इनीमा थो़रलु़सीडा सोनुङमा दु़म्‍बेनिमी। ओराम ल्‍वा सु़म्‍दिमोलो आथामङा थक्‍मा बाइडा र्‍वाक्‍साका छ्‍याङलो छ्‍याङलो रेम्‍बु़डु़म बु।

१ कोरिन्थी 2:10

लावो माम्‍चु़नीका ओर्मिम ल्‍वा उनी पेललामका इकीमाडा रेम्‍बेम्‍डिम बु। माम्‍चु़नी-पेलका खोत्‍ले ल्‍वा माल्‍मी, मा माम्‍चु़नीकु गोनोम थेसिथेन्‍मु मेझापा ल्‍वा वो रेम्बोमी।

एफिसी 2:20

गानी ने नेम होप्‍माम सो़ मा मेराम नेमकु जग ने थु़र्मामिमनुङ माम्‍चु़नीलाम जेपामिम ङा सो़, ख्रीष्‍ट येशू उनी त्‍वाप ने मेराम नेमकु जगडाम डोक्‍पु लुङ सो़।

एफिसी 3:9

मेम्‍मा खोत्‍लेम थोक प्रङपा माम्‍चु़नीका सु़म्‍दिमोलो आथामङा थक्‍मिडिम ल्‍वा हाम र्‍वाक्‍साका खोत्‍लेनुङ सो़मु लागि गोलाई छेट्‌ङिडिमी।

२ पत्रुस 3:2

माम्‍चु़नीकु सिजेम जेपा उनी मु़चु़मिमका माके र्‍वाम्‍डिम ल्‍वा नुङ इकी ङाचो़ नुङ गुइलाई सेल्‍पाका इनी थु़र्मामिमलामका बेबेट्‌निम ल्‍वा गो मिम्‍बेनिनी।

यहूदा 1:17

लावो द्‌वादीबुङ ङोप्‍सो़नी, इकी ङाचो़ येशू ख्रीष्‍टकु थु़र्मामिमका ङादोङा र्‍वाम्‍डिम ल्‍वामिम गानी मिम्‍नी।